ربنا يبارك في حضرتك ويوفقك لاختيار الافضل ان شاء الله
عرض للطباعة
انا معايا العربية داخل اهو علي 17000 كيلو والحمد لله لم اندم لحظه علي اختياري لها عربية ممتازة من كل النواحي بالتوفيق ان شاء الله
ودة لينك لموضوع كنت عاملة عن الاداء وموضوع اخر عن العربية نفسها
http://www.nilemotors.net/Nile/383289-2014.html
http://www.nilemotors.net/Nile/382408-2014.html
ولو حبيت تسال عن اي حاجة تانية انا تحت امرك
أنا معجب جدا بالكارينز أيضا بس أنا كنت عارف أن سعر الأوتوماتيك بيبتدى من 189 ألف ياريت تعرفنى المواصفات ومنين إلى ب 174 ألف لأنى بعتبره سعر كويس جدا
أستاذ masryxt حمد الله على السلامة
الصراحة منتظرك تعليقك من فترة، وخاصة مع وجود بعض الأراء السلبية على العربية
الله يسلمك
بالنسبة للاراء السلبية قوللي عليها وانا ارد نقطة نقطة عليها بمنتهي الامانة في حدود تجربتي
انا اللي شايفة ان ان اللي بيسأل متخوف من حاجتين
التسارع بتاع العربية
ودة يمكن حسيت بية في الاول بس دة يمكن كان راجع لاني كنت في الاول وكنت بخاف اقرص علي العربية اما الان وبعد مامشيت بيها حوالي 17000 كيلو اقدر اقولك ان التسارع بتاعها ممتاز جدا بالنسبة للفئة بتاعتها مع ثبات في المناورات ماحسيتش بأي مشكلة في الناحية دي
الارتفاع عن الارض واخبارها مع مطبات المحروسة
الارتفاع مناسب جدا وقلما باحك في اي مطب ايا كان ارتفاعة
الحالات اللي بحك فيها بمنتهي الامانة لما بكون داخل علي المطب سريع ومش واخد بالي فاكيد لما بفرمل وزن العربية بيرمي لقدام مع اهتزاز العربية لما بتاخد المطب فلازم تحك
انما ماينفعش اقول مثلا ال I35 or Sprtage مش بتحك لان دي فئة ودي فئة تانية خالص
كمان ملحوظة مهمة
استهلاك البنزين
زي ماقولت في تقرير سابق انها علي طريق السفر استهلاكها ممتاز انما في وسط البلد والزحمة كانت بتاكل بنزين بمعدل اعلي كتيير ولاني اول تجربتي معاها كان في سفريتين ورا بعض فاستهلاك البنزين كنت معجب بية جدا ولكن لما مشيت بيها في الزحمة كان عالي ومفاجئ بالنسبة لي
دلوقت الاستهلاك اتحسن كتيير وبلغة الارقام 200 كيلو في الصفيحة "20 لتر" سواقة مختلطة وفيها حرق علي الغيارات واعتقد ان دة معدل معقول
اداء التكييف
احنا حاليا في شتا والجو كويس فلما يجي الصيف ونشوف الاربعينات هاحط تجربتي بكل امانة
التحكم في العربية
في بداية التعامل معاها تتوه شوية وبعدين اتوماتيك هاتلاقي نفسك حفظت الابعاد وبتتعامل معها لاشعوريا
العفشة
معقولة جدا ولا هيا طرية ولا ناشفة وسط يعني
الاضاءة
بتاعتها ممتازة جدا وبتكشف الطريق كويس
الصوت والعزل
فوق المتوسط مابتسمعش صوت غير لما بتحرق او السرعة فوق 120-140
الاتساع الداخلي
ممتاز حتي في وجود ركاب بالكنبة الخلفية بس ماحدش يفتكرها تاون اند كانتري انا باتكلم بالنسبة للفئة بتاعتها اقدر اقول اوسع عربية تشيل 7 مرتاحين ودة راجع طبعا لان كراسي الصف الاوسط بتتحرك للامام والخلف لتوزيع المساحة علي حسب الركاب
مش عارف فية اية تاني ممكن اتكلم علية لو فية اي سؤال عن اي حاجة انا تحت امركم
كعادة حضرتك المعتادة كفيت ووفيت....وفعﻻ اكتر تﻻت انتقادات او تخوفات اﻻرتفاع والتسارع واستهﻻك البنزين
.ربنا يباركلك
استازmatrex فعلاحضرتك افدتنا كتير شكرا لحضرتك...وعقبالنا ان شاء الله.......
انا عرفت ان كيا عامله تخفيض 15.000 على كل الفئات ....ياىترى نشترى الوكيل ولا الخليجى
السلام عليكم
انا معايا الكارينز الشكل القديم و بصراحه معرفش حاجه عن الشكل الجديد بس لفت انتباهي موضع الايموبلايزير اللي يقال انه مش موجود في الخليجي دي معلومه مش متأكد منها بس نصيحه بصفه عامه اوعوا تشتروا عربيه من غير ايموبلايزر
عربيتي كانت هتتسرق في اسكندريه و بفضل الله اولا ثم الايموبلايزر الحرامي معرفش يدورها
و ربنا يوفق حضرتك للاختيار الصح