تجربة بازوكا بايونير 1300 وات
السلام عليكم ورحمة الله وبركاته جميعا فى منتدى نايل موتورز الجميل
انا والحمد لله من ثلاث ايام تقريا اشتريت بازوكا بايونير 1300 وات بعد ما لفيت عليها كثير
بس الحمد لله لاقيتها فى اوتو ماركت
وحبيت اقولكم على تجربتى مع البازوكا دى
هى فعلا بازوكا ممتازه وصوتها قوى جدا وكنت سمعت رأى عضو هنا فى المنتدى
كان بيقول انه كان رايح يشتريها من محل واحد يعرفه وقاله دى بتفصل لما تسخن
بس تقريبا الراجل مكنش عنده وكان عاوز يبيع اللى عنده زى jbl والسونى وكده يعنى
المهم انا عن تجربه البازوكا البايونير من افضل الباوزيك اللى سمعتها وشوفتها حتى فى الشكل
تحفه فنيه وصوتيه بجد بترج العربيه والشارع وانا ماشى خصوصا ان عربيتى اللى مركب فيها هاتشبك
وحبيت اقولكم اللى عاوز يشتريها ميترددتش بصراحه هى وjbl 1000 وات محترمين جدا جدا
تحياتى ليكم جميعا