الموضوع: تعديلات مرورية جديدة تقسم المخالفات إلى ٤ مستويات.. و٣٠ نقطة تلغى "الرخصة" لمدة عام

فعلا والله في تقدم
حتي اول مهتنفذ الناس المحبطه هتطلع اي عيوب
ياجماعه في تقدم في البلد والمرور في اكتوبر شادد كويس
وربنا هيسهل وزي مفي ليجان كتير في اكتوبر هيبقا في لجان ومرور وامن دوله زي زمان واكتر
والحكومه تشد شويه

مجموعة المشاكل التي نعاني منها في المرور لا حصر لها و اخرها القوانين ... بمعنى لا تضع العربة أمام الحمار
يعني قبل ما اعمل قوانين صارمة زي اللي مطبقه في دول اخري لابد ايضا ان اوفر نفس ما توفره هذه الدول من :
- طرق جيدة (خاليه من المطبات و الحفر و النقر و البالوعات ووووو....) فبالتالي انا كقائد للسيارة لا اضطر ان امشي كالدودة على الطريق لتفادي ما ذكرته.
- علامات ارشادية واضحة ( سواء علامات ارضية من خطوط حارات و علامة ستوب و علامات المطبات و علامات مرور المشاة ووووو .....و ايضا علامات هوائية على اعمدة او معلقة لتوضيح اسماء الشوارع و التنبيه للمطبات او الكاميرات ان وجدت ؟؟!! و الاتجاه الواحد ووووو .......) و عليه نوفر على السائقين اللف و الدوران لعدة ساعات للوصول للمكان المطلوب و بالتالي تقليل الزحام او الرجوع للخلف عكس الاتجاه لفقدانه المدخل المطلوب.
- توفير أماكن الركن للسيارات مما يمنع تضييق الطريق نتيجة للوقوف صف تاني و تالت و الاهم ازالة المخالفات و العوائق الموجودة امام بعض المحال التجارية لمنع وقوف السيارات امام هذه المحلات بدعوى انك هتقطع عيشه او رزقه لانك خفيت واجهة المحل و تلاقي اللي حاطط برميل او حجر كبير او زارع حديد في نهر الطريق امام المحل و كأنه اشترى الشارع مع المحل.
طبعا هناك اشياء كثيرة يمكن الحديث عنها مثل التوكتوك الغير مرخص و الموتوسيكلات و التروسيكلات و عربيات الكارو وكل اختراعات المصريين الجبابرة لكل ما يمشي و يسير و يطير في شوارع المحروسة.
و من ثم يأتي الحساب العسير على قائدي المركبات و توقيع الغرامات و المخالفات و تنفيذها بدون واسطة او محسوبية او رشوة .

انشاء اللة البلد تنصلح حالها بس العيب فينا احنا عشان بنسكت يعنى مثلا تروح المرور عشان تخلص ورقق 50 و 100 جنية مش احنا الى بندفع و بندى فرصا للناس دى تعمل مصلحة من ورانا و مش احنا الى بنرمى الزبالة الى فى الشارع و مشين بمبدا فى حد بيلهم و حجات كتييييييير لازم نتغير الاول