ارجو المساعدة لانى فعلا تعبت

**HanyManssy** · 07-02-2014 01:58 AM

السلام عليكم
انا عربيتى جابت جوان وش سلندر
و المياه كانت بتنقص
غيرت علبه رادياتير ثم شجره المياه ثم القربه ثم الرادياتير نفسه
ممكن يكون فيه مشكله فى الرادياتير نفسه عندك
الراجل بتاع الرادياتير قالى المفروض كل سنه الرادياتير يتفك و يتنضف
شوف الرادياتير و ان شاء الله المشكله تتحل

**zendo** · 07-02-2014 03:42 AM

المشكلة عندك تتلخص فى الاتى عندك طبب المية فى الموتور بتسرب ميه وبلتالى المية بتنقص خلى ميكانيكى يشوفهم وبيغيرو عادى

**ضى القمر** · 07-02-2014 08:44 AM

ظبطتها وبيعها

**khaledserag** · 07-02-2014 12:48 PM

المشاركة الأصلية كتبت بواسطة hanymanssy

السلام عليكم
انا عربيتى جابت جوان وش سلندر
و المياه كانت بتنقص
غيرت علبه رادياتير ثم شجره المياه ثم القربه ثم الرادياتير نفسه
ممكن يكون فيه مشكله فى الرادياتير نفسه عندك
الراجل بتاع الرادياتير قالى المفروض كل سنه الرادياتير يتفك و يتنضف
شوف الرادياتير و ان شاء الله المشكله تتحل

شكرا لكل من اهتم
بس يا ريت حد يفيدنى المكبس ده بيبقى موجود فين يعنى اروح لبتاع ردياتيرات و لا ايه اصلى مشفتش عند بتاع ردياتيرات مكبس قبل كده
و بعدين محدش معلق على نقص الزيت البسيط ده يعنى ده عادى و لا مش عادى
شكرا

**Abo_Mazen** · 07-02-2014 01:31 PM

بص ياباشا ..مبدئيا كده قبل ما أبدأ في الكلام ...لو حضرتك ناوي تبيع العربية دي ..يبقى ما تصرفش عليها مليم واحد ..وبيعها زي ما هي كده ..بس طبعا الأمانة تقتضي إنك تعرف المشتري بالقصة كلها ..وهي آخرها مكنة إستيراد بالجيربوكس بست تلاف جنيه ..ده يعني لو قفلت خالص ...تاني حاجه ...في حته كده حضرتك قلتها في وسط كلامك ..أنا بصراحه مش عارف إيه الموضه المنيلة اللي ضربت في الميكانيكية دي ..اللي هي حكاية ..مسح البلوك لما الميكانيكي فك وش السلندر عشان يعمل جوان وش السلندر..أنا أعرف إن الوش هو اللي بيتمسح ..إنما البلوك ما دام إتمسح ..يبقى للأسف ..كده العربية إتلعب فيها البخت ...أنا من كلامك ومن قبل ما أخلص قرايه إستنتجت إن العربية كان فيها جوان وش ..وكان في زيت بيدخل على غرف الحريق بالإضافة للمياه اللي كانت بتدخل برضه على غرف الحريق ..وده اللي كان بيخلي العربية تاكل زيت وتاكل مياه ..وما بتسخنش غير بعد الدنيا ما تخرب ...يعني أصل المشكلة جوان وش ...جوان وش بيتعمل عادي جدا في أي عربية ..بشرط ..إن إحنا منعلبش في أساس المكنة ...عموما ..المروض حضرتك تتأكد إن كان الميكانيكي مسح البلوك ولا لأ ..لإن لو البلوك إتمسح يبقى كده البلوك ده إتلعب فيه وهتضر تدخل بقى في حسابات غامضه ..زي حكاية تحط جوانين وتلاتة عشان تعوض الفرق وقصص كده وحوارات طويلة ...تاني حاجه ..لو البلوك ما إتمسحش يبقى أكيد مسح وش السلندر ..إتأكد برضه وش السلندر خد مسحه بسيطة ولا كبيره ..وهو حط جوان ولا جوانين نتيجة المسحه دي ...وإذا كان في كبس عندك في دورة المياه ولا لأ ..يعني وش السلندر بيسرب كبس المكنه في دورة المياه ولا لأ ..وده اللي كان بيخلي وصلات المياه عندك تضرب ..من الآخر كده ..إتأكد من كل حاجه تخص وش السلندر في العربية ..من تسريبات مياه على زيت أو زيت على مياه أو هوا على مياه أو زيت على هوا أو مياه على غرف الحريق أو زيت على غرف الحريق ...شوف كل الإحتمالات دي وتتأكد منها ..لو كل الإحتمالات اللي فوق دي تمام ..يبقى نروح للإحتمال التاني ..وهو وجود خلل في دورة المياه ..من تسريب أو قطع في أحد وصلات المياه ..آه ..قبل ما أنسى ...تسريب مياه على غرف الحريق من جوان وش السلندر يخلي العربية تنتش في المشي ..تسريب زيت على غرف الحريق يخلي العربية تاكل زيت ..تسريب هو على دورة المياه ..أو كبس في المياه ..يخلي العربية تسخن ...شووووووووووف ميكانيكي بيتقى الله ..يكون محترم ..يكشفلك على الكلام ده كله ..على فكره ..الكشف على الحاجت دي كلها مش هياخد أكتر من عشر دقائق بس ..عشان تقدر تاخد قرار تعمل إيه ...

**Ahmed-SAMIR** · 08-02-2014 05:00 PM

اعتقد والله اعلم ان صنايعى رادياتير هو اللى بيشوف حكاية الكبس دى

**مصطفى-حسن** · 08-02-2014 06:37 PM

المشاركة الأصلية كتبت بواسطة khaledserag

شكرا لكل من اهتم
بس يا ريت حد يفيدنى المكبس ده بيبقى موجود فين يعنى اروح لبتاع ردياتيرات و لا ايه اصلى مشفتش عند بتاع ردياتيرات مكبس قبل كده
و بعدين محدش معلق على نقص الزيت البسيط ده يعنى ده عادى و لا مش عادى
شكرا

المكبس دة بيبقى موجود فى مراكز الصيانة الكبيرة اللى فيها سكانر وكدة
واكيد هتلاقية فى الحرفيين كتير
لكن الورش العادية صعب انك تلاقية فيها
والراجل بياخد ما بين 20 الى 30ج فى الكبس