الموضوع: ارجو المساعدة لانى فعلا تعبت

بسم الله الرحمن الرحيم
معلهش انا عندى مشكلة يطول شرحها و زهقت من العربية و مقرر ابيع لكن قلت ادخل راى الناس الافاضل اللى هنا الاول
انا معايا لانوس 2002 كاملة مانيوال عاملة 160000 كم و معايا من 4 سنين
من فترة طويلة بقيت الاحظ ان الزيت بينقص و كل ما اخد راى ميكانيكى يقولى دة طقم شنبر و انا مطنش و العربية ماشية و كانت علطول بتنقص مية و مش لاقى حاجة بتسرب و من حوالى شهرين العربية بقت بتضرب مية من كل حتةكل شوية الامبير يعلى فى السقف و الاقى القربة فاضية مرة واحدة و اعطل فى الشارع لحد ما اجيب ميكانيكىالاقى كوعة ضاربة و مرة طرمبة الية بايظة و اغيرها و على كدة كذا مرة لحد ما مرة رو حت لميكانيكى كانت كل يوم احط فى الرادياتير 2 ازازة مية المهم الميكانيكى زود مية لقى القربة على وشها زيت ففتح غطاء الزيت لقى الزيت عال طحينة فقاللى دة جوان وش سلندر هنفك و نعمله
قلت له طالما هتفك نشوف طقم الشنبر بالمرة قاللى يبقى احسن المهم فك العربية و انا واقف عنده و بعد ما خلص فك بحط ايدى فى الشميز لقيته معتب جامد فقلت له فجه يبص قاللى لا احنا كده لازم نخرط الشمايز و و نغير طقم بستم معاها
المهم ودا البلوك لخراط و اشتغل و خلص شغله و ركب الموتور و العربية الحمد لله دارت زى الفل وقفت عندة دايرة يومين و بعدين مشيت بيها كويسة بس بتنتش قاللى دى كده العربية محتاجة موبينة جبنا واحدة اصلى و ظبطت التنتيشة و تانىيوم قيت السحب سئ روحتله قاللى دى طرمبة بنزين غيرناها و برضو السحب ظبط
المهم اسف للاطالة لقيت المفاجاة برضو ان المية بتنقص حاولت اشوف اى سبب للمياة و نقصانها مش عارف روحت للميكانيكى مرة لغالى السخن و مرة و مرة قاللى انا شاكك فى كوعة و غيرها و مرة تانية قاللى اناشاكك فى كوعة تاية و غيرها و بعدين عجز قاللى انا مش عارف بصراحة ايه اللى بيعمل كدة و روحت لميكانيكى تانى قاللى انا مش لاقى سبب مع الن لا قربة الميا و لا غطا الزيت باين فيهم حاجة
انا دلوقتى بزود حوالى نص لتر مياة كل 3 او اربع ايام و المياة بتنقص و انا ماشى مش واقف لو وقفت فى الجراج 3 ايام و را بعض المياة مش بتنقص
المشكلة كان دلوقتى ان من يومين و انا حاسس ان الزيت بدا ينقص بعد ما مشيت بالعربية 1300 كم علامة الزيت كانت فوق ال max بحاجة بسيطة دلوقتى بقت على max بالظبط
ارجو لو حد يقدر يفيدنى فى العربية اعمل ايه لان اخر قرار انا خدته هبيعها على كدة و اقسط زيروصنى او بيجو 301 فمش عارف فيه حل لا ابيع و اخلص
اسف على الاطالة و شكرا لكل من اهتم

المشاركة الأصلية كتبت بواسطة ahmed-samir

واضح من اول الكلام انه كان جوان وش سلندر بس ما علينا..طبعا مقدرش اراجع ورا كلام الاساتذه بس كنت عاوز اسألك اذا كنت بصيت على غطاء القربة او القربة نفسها ممكن يكون فيها تنفيس وده بيبان لما تفتح الكبوت وتبص عليها بعد مشوار حامى والعربية سخنة شوف المية بترشح ولا لأ من غطاء القربة اولا ومن مكان طبخ نصين القربة لأنها كانت بترشح عندى قبل كده من المكان ده ولو ما ظهرش حاجة يبقى تجرب كبس الدورة

+111111111

غطاء القربه انا عندى نفس المشكله بس هغير القربه كلها والغطا بجديد