أفضل طريقة لحماية طلاء السيارة....هل هي التشميع (الواكس)....أم فيلم ال 3m..؟؟
السلام عليكم أعضاء منتدانا الكرام.... سؤال محتاج خبرتكم العريضة....
أنا جايب عربية زيرو....لون أسود (كان الخيار الوحيد اللي موجود).... و الاسود محتاج عناية خاصة للحفاظ عليه و لمنع الخرابيش و الدواير....
السؤال.... هل أستخدم التشميع بالواكس أم تغطية السيارة بطبقة شفافه من 3m ؟
لو التشميع....هل السيارة الزيرو مش محتاجة تشميع في الأول علشان هى عليها طبقة تشميع بتاعة المصنع.... أم أن طبقة المصنع دي للتخزين فقط؟
كمان سألت كار كير...قالي لازم نشيل طبقة الشمع بتاعة المصنع الاول و بعدين ندي بوليش و بعد كده تشميع اللي هو الواكس.....و يمكن تحتاج كمبوند قبل التشميع...
الكلام ده مظبوط و إلا ندي واكس بس علي طول.....؟؟؟؟
الحل التاني....لو إستخدمنا طبقة فيلم ال 3m....
الطبقة دي بتقعد أد أيه و محتاجة تتغير....لانها مكلفة جداً...
و هل بيتغير لونها.....و لو إتشالت بتأثر علي البوية الاصلية..... و أيه هي عيوبها؟؟؟
محتاج مساعدتكم....أي الطريقتين أفضل و ما هي مزايا و عيوب كل طريقة؟؟؟؟
تنصحوني بأيه..... مش عاوز أعك مع الزيرو يا رجالة... :) :)