خايف تجاوب على اللى معاك فى المنتدى بمعلومة ممكن الاستفادة منها بس خلى بالك هيجى عليك يوم هيفعل فيك كدا بردك الكل عايز ياخد وبس يعطى لا
عرض للطباعة
خايف تجاوب على اللى معاك فى المنتدى بمعلومة ممكن الاستفادة منها بس خلى بالك هيجى عليك يوم هيفعل فيك كدا بردك الكل عايز ياخد وبس يعطى لا
على فكرة يمكن الكلام ده عندكم فى قسم اللادا لكن اعتقد باقى الأقسام لا
و ماتزعلش ممكن تشرفنى باى سؤال فى قسم سكودا والفليشيا واللادا ولاد عم !!
اسال ياباشا واحنا معاك ان شاء الله
صديقي المواطن
قولا واحدا أتحفظ على كلمة ( كل الناس ) ﻷنه أنا وغيري عشرات بنبذل كل جهودنا ودايسين بنزين عاﻵخر وبنساعد كل الناس و80% من الناس تفضل تسأل وتسأل ومنهم برضو 80% مببسمعوش النصايح ومنهم 20% حتى متسمعش منه كلمة شكرا
فإسأل والمنتدى كله حيجاوبك أنا أساسا إمبارح نايم على نفسي وأنا برد على مشاركات الناس من الشغل والتعب والسفر والمجهود وبرضو نرجع نلاقي صندوق الرسائل مليان ومينفعش نزعل حد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة أي حد يبخل عليك بمعلومة عن ال لادا قولا واحدا تطلع على إسكندرية أي تكسي حتقابله حيحكيلك قصة حياة ال لادا منذ بدء الخليقة ﻷنها حاليا بلد ال لادا للأسف
يمكن الناس هنا معندهاش خبره او متعرفش فمبتقدرش تجاوب .. والله اعلم .
لو الواحد افتي في شئ مايعرفهوش الناس هتدعي عليه
وانا ماشين جنب الحيط
حالتين مش برد فيهم
لو ماعرفش الاجابة او الحل
او لو احد الزملاء جاوب وبعمل معجب علي مشاركته
وفعلا ناس كتير برد عليه ومحدش بيسمع منهم حتي كلمة شكرا
متأخذونيش فى الكلام إللى هقوله
مش المفروض كل قسم ليه مشرف أو حد مسئول
و المفروض أنه يكون مالك (أو كان مالك) لللادا و عنده خبرة كافيه بيها
و لا الموضوع كله ماشى بالإجتهاد و الفتى و سايبين أى واحد يقول إللى هو عاوزه؟
ده بيخلى الناس متلاقيش إجابات
و لو حد رد عليك بأى كلمة بتبقى طاير من الفرحه حتى لو بكلمة (متابع)
أعتقد الموضوع كله إن مفيش إشراف و فى نفس الوقت مفيش خبرة كافيه للأعضاء القدامى فى القسم
ده طبعاً مش تقليل من حد لا قدر الله
بالعكس, من قال لا أعلم فقد أفتى, بس المفروض يبقى فى و لو واحد (يعلم و يفتى)
و كله فى الأول و الآخر, ابتغاء رضا الله, و ربنا يتقبل تعبكم.
كلامك مظبوط وفعلا كان في ناس عمالقه وليهم خبرة واسعه في سيارات الادا وعطالها والحلول والتعديل
منهم االاستاذ حسام واستاذ مكاوي والاستاذ احمد جمال بس محدش كان مقدرهم حتي بترقيتهم لمشرف قسم او ايانكان
والناس دي كانت بتبذل وقت ومجهود عشان تحل مشاكل الناس بس للاسف مافيش تقدير من المنتدي وانا عن نفسي اتعلمت منهم كتير واستفد بمعلومات قيمة منهم وحلية الكثير من المشكلات اللي كانت بتواجهني في بداية شراء مونيكا (لادا 2107 مود 2006)
كلنا مع اي حد بيسال وعلي فكرة في ناس معندهاش خبرة بتحاول بردو تنصح او توصل معلومة سمعها عيب والله الكلام ده ولا هي علشان لادا