الموضوع: موضوع للمناقشه والتصويت .. ايه رأيكم في نجيب ساويرس

المشاركة الأصلية كتبت بواسطة MedoMurcilago

الراجل قمة ف الاحترام والادب

واخلاقه زي الفل

وكان طالع ف حديث تليفزيوني من سنة تقريبا بيقول ان ترتبيته للأولاده تربية اسلامية
وبصراحه كلامه كان فوق الرائع وزي مناس كتير قالت

هوا راجل محترم شبعاااااااااااان جدا ومش من الحرامية

تربية اسلامية ازى , و هو اساسا اعلن بشكل صريح انة علمانى و انة لا يهتم باى دين حتى المسيحية و انه فى قناة "او تى فى" بتتبنى هذا الفكر بشكل صريح .

و مثلا سويرس عمل حركة نص كوم فى البورصة من كام شهر , باع اكثر من 200 مليون و سهم ب 83 من اسهمة اللى بيمتلكها فى شركة ويند الاإيطالية و الفلوس اتحولت لإيطليا و اللى اشترى هى شركة تليكوم نفسها بفلوس ارباح السنة اللى فاتت , و دة بدل ما يوزع الارباح على المسهمين , كان متوقع انة يوزع 6 جنية للسهم , بدل كدة راح وزع جنية واحد بس , و عمل الحركة دى .
و سعر السهم الان وصل ل 39 جنية .

الحقيقة ان سويرس حليا بيحاول يخرج ثروتة شوية بشوية من مصر , و دة خوف من وصول الاخوان المسلمين لحكم .

اللى عاوز اقولة ان رجل ثروتة الان تقدر ب 6 مليار دولار طبقا لاخر احصاء من مجلة فوربز , اكيد عمل حركات نص كوم كتير من النوعية دى , وما خفى كان اعظم .
انا مش ضد الرجل و لا انا معاة , كل اللى عاوز اقولة بس انة انت متعرفش كل الحقيقة , و الواجهة المحترمة اللى انتو شيفهنا دى مش وردية قوى زى ما انتم متخيللين .

المشاركة الأصلية كتبت بواسطة حماده عزو

الراجل ده محترم وعلشان كده
هيلفقولو فضايح والجرايد هتكتب ويطلع فى الأخر حرامى ويخش السجن
دا مصير أى أنسان محترم فى مصر

أنا حاسس إن الراجل ده ماشى بمبدأ ... إمشى عدل يحتار عدوك فيك .... و تلاقوه يا جماعة فعلاً مش محتاج إنه يلف و يدور ولا يتلزق فى الحزب الوطنى و لا الحكومة ..... هو بصراحة مثال لرجل الأعمال الناجح.

المشاركة الأصلية كتبت بواسطة ahmodium

انا لا احبه

لأنه في مره هاجم الحجاب

وقال انا حاسس اني أصبحت في ايران

وانا ضد التعصب الديني

ومده بنزرع الفتنه

انت راجل ناجح على عيني وعلى راسي
وعقليه ممتازه
وانا اشهد له بالكفاءه
وليا اصحابي في اوراسكوم بيشكروا فيه جدا

بس خليك في البيزنس

وبلاش تهاجم الحجاب

إذا كان ده رأيه فهو حر فيه ... زى ما كل واحد حر فى رأيه .... و هو إنسان و من حقه يبقى ليه أرائه الخاصة بيه زى ما حضرتك من حقك برضه يبقى ليك أرائك الخاصة بيك .... و برضه ليك حق الرد على أى حد .... لكن مش من حق حد إنه يحجر على أى رأى.

أنا أؤمن بحرية الرأى ... و أى حد يقول رأيه .. حتى لو الرأى ده جرحنى ... مقدرش أسلبه الحق ده ... ممكن أنتقضه ... لكن أمنعه !!! مقدرش.

بس خليك في البيزنس

يعنى حضرتك بتقوله خليك فى البيزنس !!! ... كده حضرتك بتحوله لآله تبقى كل شغلها البيزنس و بس و مش مسموح ليها تخرج بره الحدود دى ..... إزاى الكلام ده؟ ... هو مش إنسان زى حضرتك .... يعنى لو هو عايز يقول رأيه ... لازم يروح يشتغل صحفى ؟!!! ..

أنا نفسى كل الناس تؤمن بحرية الرأى ... إذا كان هو مش بيراعى شعور الآخرين فى رأيه فهو حر ... إحنا برضه ممكن ننتقضه ... لكن نحجر عليه رأيه .. دى حاجة غير مقبولة بالنسبالى.