صباح الورووود وكل سنه وانتم طيبين بمناسبة عيد الفطر
ودايما سعداء وبخير واسعد حال يارب ...
انا بصراحه ابتديت احب نجيب ساويرس لما شفت له حلقات برنامجه اللي على أو تي في ..
كمان مشروع اوراسكوم وو حدات الشباب اللي بمقدم بسيط وسعر مناسب ..
بس خايف يكون ده مجرد ورنشه وتلميع اعلامي ويطلع أي كلام زي الباقييين ..
انتم ايه رأيكم .. الراجل يتحب ووطني .. ولا نصاب كالعاده وأي كلام ..
تحيتي للجميع ..
حاسس انة راجل محترم غير الباقيين
ياريت يا مودي يكون كدهاقتباس:
المشاركة الأصلية كتبت بواسطة mody_abou_halawa
.. وانا رأي برضو كده .. بس في الحاله دي يبقى ربنا يعوض علينا فيه .. اصل البلد دي اي حد بيخلص فيها ويكون محبوب من الناس بالسلامه ..
ولنا في الجنزوري وعمرو موسى وعمروخالد و طلعت السادات وغيرهم كثير مثل وعبره
انا عن نفسى بحترم الراجل ده جدا " كفايه ان محدش بيقدر يجى جنبه و بيعملوله الف حساب " غير كده مش حرامى زى الباقين لانه شبعان على الاخر و مش محتاج .
نجيب ساويرس اغنى رجل اعمال فى مصر و عيلته معروفه من زمان و ليه استثمارات فى بلاد كتير فى الشرق الاوسط و اسيا ... يعنى تقدر تقول ان ثروته معملهاش من التهليب و لا بقى ملياردير فى سنتين تلاته زى البعض .
برده من الناس الى بحترمها جدا رشيد محمد رشيد راجل محترم و فى حاله
هذا الرجل انا احترمه جدا , راجل محترم بصحيح
وياريت كل رجال الاعمال فى مصر يكونوا زيه
ربنا يوفقه.ا/نجيب ساويرس..شخصيه محترمه وبيعجبنى جدا تفكيره وقرارته...ومن زمان وانا بتابع اخباره ومش بصدق اى اشاعه بتطلع عليه.
انا باحب الراجل ده الحقيقة
يعجبني فيه انه واضح ..له هدف و فكر
وليس كل غرضه جمع المال و التهبيش الأعمى
الراجل ده محترم وعلشان كده
هيلفقولو فضايح والجرايد هتكتب ويطلع فى الأخر حرامى ويخش السجن
دا مصير أى أنسان محترم فى مصر
انا بحترمه الصراحه
عقليه اقتصاديه رائعه فعلا
غير كده محترم و واضح
انا لا احبه
لأنه في مره هاجم الحجاب
وقال انا حاسس اني أصبحت في ايران
وانا ضد التعصب الديني
ومده بنزرع الفتنه
انت راجل ناجح على عيني وعلى راسي
وعقليه ممتازه
وانا اشهد له بالكفاءه
وليا اصحابي في اوراسكوم بيشكروا فيه جدا
بس خليك في البيزنس
وبلاش تهاجم الحجاب
الراجل دا اثبت ان للنجاح وجود
فعلا
+111اقتباس:
المشاركة الأصلية كتبت بواسطة ahmodium
دى الحاجة الوحيدة اللى مضيقانى منه
غير كده هو 1000000 على 10 بصراحة
الراجل قمة ف الاحترام والادب
واخلاقه زي الفل
وكان طالع ف حديث تليفزيوني من سنة تقريبا بيقول ان ترتبيته للأولاده تربية اسلامية
وبصراحه كلامه كان فوق الرائع وزي مناس كتير قالت
هوا راجل محترم شبعاااااااااااان جدا ومش من الحرامية
تربية اسلامية ازى , و هو اساسا اعلن بشكل صريح انة علمانى و انة لا يهتم باى دين حتى المسيحية و انه فى قناة "او تى فى" بتتبنى هذا الفكر بشكل صريح .اقتباس:
المشاركة الأصلية كتبت بواسطة MedoMurcilago
و مثلا سويرس عمل حركة نص كوم فى البورصة من كام شهر , باع اكثر من 200 مليون و سهم ب 83 من اسهمة اللى بيمتلكها فى شركة ويند الاإيطالية و الفلوس اتحولت لإيطليا و اللى اشترى هى شركة تليكوم نفسها بفلوس ارباح السنة اللى فاتت , و دة بدل ما يوزع الارباح على المسهمين , كان متوقع انة يوزع 6 جنية للسهم , بدل كدة راح وزع جنية واحد بس , و عمل الحركة دى .
و سعر السهم الان وصل ل 39 جنية .
الحقيقة ان سويرس حليا بيحاول يخرج ثروتة شوية بشوية من مصر , و دة خوف من وصول الاخوان المسلمين لحكم .
اللى عاوز اقولة ان رجل ثروتة الان تقدر ب 6 مليار دولار طبقا لاخر احصاء من مجلة فوربز , اكيد عمل حركات نص كوم كتير من النوعية دى , وما خفى كان اعظم .
انا مش ضد الرجل و لا انا معاة , كل اللى عاوز اقولة بس انة انت متعرفش كل الحقيقة , و الواجهة المحترمة اللى انتو شيفهنا دى مش وردية قوى زى ما انتم متخيللين .
فينك يا تيمو وحشتنا والله
على العموم نجيب سويرس راجل محترم متواضع ولة عقل ممتاز انا احترمة
وعلى فكرة دة برضو راى ا / اسامة عوض ويا ريت نشوفك كتييييير
عقلية تحترم
الله يفتح عليك بجد واللهاقتباس:
المشاركة الأصلية كتبت بواسطة ahmodium
لأن ده اللي انا عاوز اقوله
خصوصا ان هو مالوش في السياسة
ايه بقه اللي يخليه يدخل في دين مش دينه من اساسه كمان
ودي لازم يتعملها الف حساب في التحدث عن رجل لا نعلم عنه شئ غير الظاهر فقط والله يعلم ما في لسرائر خصوصا انه يتكلم عن الحجاب وهو شئ ليس له اي علاقة بالبزنس من قريب او بعيد
الكثير من الاصدقاء هنا اتكلموا عن قد ايه الراجل محترم وسلوكياته مثال لرجل الاعمال الوطنى
وانا هنا هضيف مثالين قرينا كلنا عن واحد فيهم والمثال التانى شافه شقيقى بعينيه
المثال الأول هو (ابناؤه-على حد تعبيره) اللى اتخطفوا فى العراق، لم يتورع عن دفع مبلغ باهظ لاستعادتهم ،بالمناسبة كلهم كانوا مسلمين ، وعادو جميعا لمصر، نقارن ده بموقف البلد ككل لما اتخطف السفير المصرى فى العراق.
المثال الثانى: يعمل شقيقى فى موبيسيرف (شركة انشاء الشبكات التابعة لموبينيل) ويعمل حاليا فى باكستان فى انشاء شبكة موبيلينك الباكستانية والتى تملكها مجموعة ساويرس، ويعرف الكثيرون منا ان الشاب المصرى الذى سافر ليعمل مديرا لموبيلينك قد رحل عن دنيانا فى حادث تفجير ماريوت اسلام اباد والذى احمد الله على ان شيقيقى الذى اعتاد التردد عليه لمقابلات العمل لم يذهب له فى تلك الليلة المشئومة، المهم ان مجموعة ساويرس تكفلت بتسفير شقيق الشاب الراحل الى باكستان للتعرف عليه، وبعد التعرف عليه تم ترتيب طائرة لنقل رفات الشاب الراحل مع شقيقه الى القاهرة بعد اقامة صلاه الجنازة عليه فى مطار اسلام اباد، علما بأن جميع خطوط الطيران من والى اسلام اباد مقطوعة نهائيا منذ الحادث، حكى لى شقيقى هذة التفاصيل بالهاتف وهو يضرب كفا على كف من "جدعنة" ساويرس، خلينا باه نقارن الكلام ده باللى حصل فى الدويقة
مجرد مثالين اسردهما دون تعليق
أنا حاسس إن الراجل ده ماشى بمبدأ ... إمشى عدل يحتار عدوك فيك .... و تلاقوه يا جماعة فعلاً مش محتاج إنه يلف و يدور ولا يتلزق فى الحزب الوطنى و لا الحكومة ..... هو بصراحة مثال لرجل الأعمال الناجح.اقتباس:
المشاركة الأصلية كتبت بواسطة حماده عزو
إذا كان ده رأيه فهو حر فيه ... زى ما كل واحد حر فى رأيه .... و هو إنسان و من حقه يبقى ليه أرائه الخاصة بيه زى ما حضرتك من حقك برضه يبقى ليك أرائك الخاصة بيك .... و برضه ليك حق الرد على أى حد .... لكن مش من حق حد إنه يحجر على أى رأى.اقتباس:
المشاركة الأصلية كتبت بواسطة ahmodium
أنا أؤمن بحرية الرأى ... و أى حد يقول رأيه .. حتى لو الرأى ده جرحنى ... مقدرش أسلبه الحق ده ... ممكن أنتقضه ... لكن أمنعه !!! مقدرش.
يعنى حضرتك بتقوله خليك فى البيزنس !!! ... كده حضرتك بتحوله لآله تبقى كل شغلها البيزنس و بس و مش مسموح ليها تخرج بره الحدود دى ..... إزاى الكلام ده؟ ... هو مش إنسان زى حضرتك .... يعنى لو هو عايز يقول رأيه ... لازم يروح يشتغل صحفى ؟!!! ..اقتباس:
بس خليك في البيزنس
أنا نفسى كل الناس تؤمن بحرية الرأى ... إذا كان هو مش بيراعى شعور الآخرين فى رأيه فهو حر ... إحنا برضه ممكن ننتقضه ... لكن نحجر عليه رأيه .. دى حاجة غير مقبولة بالنسبالى.
يا سبعاوى , العراق لما بدء سويرس يشتغل فية كان فى مخاطرة عالية جدا, و كل اللى بيسافر يشتغل هناك بيتم تحذيرة من هذة الخطورة و بيمضى اساسا على اقرار بالموافقة دى, و مش بس كدة , كمان المرتب بيكون مختلف لتحمل هذة الخطورة , و هوة يشكر طبعا انة اعاد المهندسين اللى اختطفو لكن الموضوع لة جانب اخر برضو , لانة لو مكانش عمل كدة و مكانش تحرك بسرعة لتحرير المهندسين دول , كان تانى يوم جميع العاملين فى العراق و الدول المشابهة فى الخطورة كانو حيفكرو الف مرة قبل الاستمرار فى مهمتهم , دة غير انة مش حيلاقى حد يروح تانى هناك اساسا .اقتباس:
المشاركة الأصلية كتبت بواسطة sab3aawy
دة غير ان فى شركات كتير رفضت انها تشتغل فى العراق و الدول المشابة فى الخطور للاسباب الامنية دى , عشان كدة هوة كان بيدخل و يفوز بالعقود دى .
دة غير طبعا انة لو مكانش عمل كدة كان الاعلام بقى حيشتغل و اسر المخطوفين مكانوش حيسكتو اساسا , يعنى باختصار الموضوع كلة بيصب فى مصلحة البيزنيس بتاعة و الواجهة الاعلامية بتاعة و تجنب اى شوشرة او تاُير سلبى عليها .
انت بتتكلم فى بيزنيس واستثمرات بالملايين , يعنى اساسا فى تحت يدة مستشارين و خبراء اقتصاد واعلام و من كل لون كان, و بتكون النصحية على اساس اقتصادى و اعلامى , يعنى مش مجرد جدعنة .
***
مشاركة خطأ
لأ طبعاً هو مش حر في رأيه لأن الأمور الدينية مفيهاش أراء و خصوصاً لو كنت بتكلم عن دين الأخريناقتباس:
المشاركة الأصلية كتبت بواسطة meza
و إن كان و لا بد إنه يعبر عن رأيه في الدين فممكن يعبر عن رأيه في دينه هو و بس و غير كدا نقول له لحد هنا و أقف لو سمحت
و بعدين ده مش رأي ده هجوم على دين الأخرين و هذا غير مسموح بيه إطلاقاً
يعني هتكون مبسوط يا Meza لو عملنا برأيك اللي أنت كاتبه فوق و عبرنا عن رأينا في أمور تخص الدين المسيحي ؟؟ أكيد طبعاً مش
هتكون مبسوط
و لازم طبعاً نعامل الناس مثلما نحب أن يعاملونا بيه
تقبل تحياتي
بص يا أستاذ سمير .... أنا زى ما قلت قبل كده أنا أؤمن بحرية الرأى و أقبل أى رأى و مش هغير كلامى ....
حتى لو حد هيقول رأيه فى دينى .. فدى حريته ... أنا مقدرش أمنعه ... أو أغير مبدأى بإن حرية الرأى مكفولة لأى إنسان ... و أنا برضه عندى حق الرد على أى رأى شايف إنه مش مظبوط.
بس قوانين المنتدى هنا لا تسمح بالمناقشات فى الأديان.
لكن تأكد إنى بقبل أى رأى ...
بالنسبة لساويرس .... هو متكلمش فى فرضية الحجاب .. اللى هو أمر دينى بحت ... لكن هو قال إن شكل المجتمع إتغير ... و هو مش عاجبه الحال الجديد ده .. هو حر يقول اللى عايزه ... حضرتك لقيته مثلاً قال الحجاب ده حرام؟!!! ... هو مقالش كده لأن ده موضوع دينى ميخصهوش ...
**********
عامة ... أنا لو هقول رأيى فى الحجاب .. فأنا ما دام مؤمن إنى حر .. من حقى ألبس اللى أنا عاوزه ما دام مأذيتش غيرى .. فبرضه غيرى ليه نفس الحرية دى ...
بمعنى آخر مبحبش الكيل بمكيالين.
ده رأيى الشخصى.
معنى كلام حضرتك ... إن لو مش مصرى مش من حقى أقول رأيى فى مصر و لو مش أمريكى مش من حقى أقول رأيى فى أمريكا و لو مش دكتور مش من حقى أقول رأيى فى الطب و لو مش وزير مش من حقى أقول رأيى فى الحكومة ولو مش يهودى مش من حقى أقول رأيى فى اليهودية وكذلك لو مش مسلم أو مش مسيحى؟!اقتباس:
و إن كان و لا بد إنه يعبر عن رأيه في الدين فممكن يعبر عن رأيه في دينه هو و بس و غير كدا نقول له لحد هنا و أقف لو سمحت
كل واحد يا أستاذ سمير أكيد كون بعض الآراء عن أى حاجة هو يعرفها ..... و نشر الآراء دى من حقه ... كون إن فى ناس مش بتقبل حد يقول رأيه فى أشياء معينة تخصها ... فده شىء أنا شايفه معارض لحرية الرأى.
معلش هو إحنا خرجنا شوية عن الموضوع الأساسى ..... بس هو فعلاً فيه وجهات نظر متباينة كتير عن حرية الرأى و ما هى حدوده .. محتاجة مناقشات كتير.
تحياتى أستاذ سمير :)
يا جماعه احنا بنتكلم عن راجل اعمال
ايه اللي دخل الدين دلوقتي؟؟؟
لو سمحتم هدوا النقاش شويه و اتكلموا عنه كرجل اعمال فقط
بالنسبه لكلامه عن الدين ربنا يحاسبه مالناش علاقه
أنا أسف يا حازم باشا ... أنا مكنتش أقصد أحول الموضوع لإتجاه آخر .. بس أنا إتكلمت على إن حرية الرأى من حق كل واحد ... بس فالموضوع مشى كده.اقتباس:
المشاركة الأصلية كتبت بواسطة hazem_khidr
خلاص يا جماعة متوقفوش الموضوع ...... ممكن تقولوا رأيكم فيه أو تنتقضوه و تنقضوا آرائه براحتكم ...... بس بلاش حد يقول مش من حقه يقول رأيه عشان عندى حساسية من الموضوع ده ... :D
وانا كذالك لااحبه لنفس السبب لانه هاجم الحجاب
طيب كويس كلنا قلنا راينا فيه من ناحية الحجاب
يا ريت بقى نرجع لاصل الموضوع عشان دفة الموضوع ما تتغيرش
ويتقلب لنقاش ديني وتلاقوة اتقفل لانه قرب من التابوهات الثلاث
الدين - السياسة - الجنس
اي كدة اتكلمو في اي حاجة
دي نصيحة شخصية من واحد قديم في المنتديات
كل سنة وانتم طيبين
اقتباس:
المشاركة الأصلية كتبت بواسطة karim_monir
والله عنك حق يا أ / كريم والراجل كويس واخلاق ومليان مزايا واحسن من رجال اعمال كتير فى مصر الهجوم دة مش كويس وعشان فى الاول و الاخر احنا منتدى سيارات مش طاولة حديث سياسى بس فعلا انا معجب بية ولو انا اخر واحد هكون معجب بية دة راجل متواضع ومحترم وفاد البلد كتير وللمرة التانية احسن من غيرة
كتييييييييييييييييييييييي ييييييييييييييييييييييييي ييييييير
اخى العزيز، مصر كلها مش ساويرس بس بتشتغل فى العراق وليبيا وسوريا والسودان وباكستان وهو ده اكل عيشنا اللى البلد عايشة عليه، لكن كام واحد لما اتأذى له موظف فى البلاد دى عمل معاه كدة؟ بلاش كدة، لما مصرى بيتأذى فى اى بلد من البلاد المجاورة، سفارتنا الموقرة بتعمل فيه ايه. المصريين تحت ضغط الحاجة بيشتغلوا فى اماكن خطرة وبيهاجروا فى مراكب شراعية و بيحاربو فى جيوش بلاد غير بلادهم، ولو مكانش ساويرس رجع المخطفوين او كرم المتوفى كان برضه هيلاقى اللى يقبل يشتغل فى البلاد دى امام المرتبات الكبيرة المعروضة ، لذلك انا ما زلت شايف لمحة انسانية -بجوار البيزنس- فى تصرفاتهاقتباس:
المشاركة الأصلية كتبت بواسطة wawoo
دماغه جبااااااااااااااااارة
كان نفسي ومشروع النادي الايطالي ده ينجح (كان عايز يشتري نادي روما ) على ما اعتقد اذا ذاكرتي لم تخوني بعد
تمام كده بعد التأكد فعلا كان عايز يشتري نادي روما بس اي السبب انه يتراجع الله اعلم
راجل محترم.. ابن ناس.. من عيلة مأصلة
ماحدش يقدر يقول عليه كلمة واحدة.. عشان نضيف وراجل
في واحدة كانت شغالة.. موظفة عادية في مجموعته
ومرة كان نازل ولقاها بتزق العربية اللي قدامها عشان تطلع بعربيتها
راح رايح وزق العربية معاها قبل ما يدور على الناس اللي حواليه يزقوها بداله
الواحدة دي بتحلف بالمصحف إنها لو مش هاتاخد مرتب عنده.. برضه هاتشتغل عنده !!
تعليقي: راجل بجد.. كل الاحترام ليه