عرض للطباعة
ليا واحد صديقى زى اخويا بالزبط طالع فى دماغه يعمل ويب سايت كبير فى مصر للعروض والخصومات زى ماكلكم عارفينه طبعا
الفكره كلها ان هو عايز يشتغل اوفلاين اكتر من اونلاين ولكن كان محتاج افكار جديده يقدم بيها خدمات العروض والخصومات ديه بشكل جديد خارج النطاق المعروف للناس دايما
فتفتكروا ايه احسن فكره ممكن تسمع معاه كويس وتعمل مصداقيه قويه عند الناس
بالاخص انه صارف على الويب سايت كتير جدا وعامله حمله تسويقيه قويه ولكن هو دايما بيحب يكون مختلف وان شاء الله هو ناوى يبتدى كمان شهر تقريبا
معقوله مفيش حد عنده ولو فكره واحده ؟
عايزين شوية تفاصيل أكتر علشان نقدر نفيدك
يعني السايت بيعمل إيه بالضبط ؟ بيقدم عروض وخصومات ازاي بشيء من التفصيل ؟
ويعني إيه عايز يشتغل أوفلاين أكتر من أونلاين ؟ قصدك يشتغل face to face ويتعامل مع العملاء على أرض الواقع أكتر من التعامل عن طريق الموقع ؟ ولا إيه بالضبط ؟
لا هو الموقع هيعتمد على العروض والخصومات من كل مكان فى مصراقتباس:
المشاركة الأصلية كتبت بواسطة أبو آسر
حاجه اشبه بموقع اوفرنا ودير ان ديل قبل كده والكلام ده
شغل اوفلاين يقصد هيتعمل فعلا فيس تو فيس مع ناس كتير من خلال اماكن عامله لتوزيع الكوبونات والعروض فى البدايه وهدايا ترويجيه لعمل براندنج وهكذا
مع طبعا الحمله الاونلاين الى هتكون شغاله
فهو عايز افكار ابداعيه فى المجال ده
حاليا للأسف مش مستحضر أي أفكار لكن ممكن بشكل عام يبقى ليه مقر صغير في الأماكن المهمة اللي بيزورها عدد كبير من الناس زي المولات (سيتي ستارز وصن سيتي ومول العرب وجولف سيتي مول بالعبور) والهايبر ماركتس (كارفور وهايبر وان) وهكذااقتباس:
المشاركة الأصلية كتبت بواسطة secret-man
ممكن يطبع فلايرز ويوزعهم مع الجرايد والمجلات عن طريق البائعين زي الأكشاك الكبيرة والمحلات وكده
لو خطر في بالي حاجة هقولك
اقتباس:
المشاركة الأصلية كتبت بواسطة أبو آسر
تسلم
عندي فكرة تانية افضل من فكرة انك تدخل في سوق مهروس بناس كتير و مواقع كتيرة و زبون احواله المادية تفرض عليه تقليل المصروفات قدر الامكان مهما كان امكانياته كويسة نتيجة ظروف البلد الغير مستقرة ...
الفكرة انك تعمل نفس الموقع لكنزبونك يكون شركات و مصانع و شركات الخدمات و الشحن ... B2B portal
دي الفكرة بشكل عام ... و بناء عن خبرتي في الصناعة اقولك ان مديرين الشركات و رجال الاعمال بقوا مقتنعين انهم يصرفوا على التسويق الالكتروني بعكس موقفهم من 5 او 7 سنين مثلا ... وقتها كانوا شايفين النت عبارة عن تهريج .. لكن دلوقتي اكتشفوا انهم ممكن يعملوا صفقات كويسة بمصروفات قليلة ...
تقصد حاجه زى ALiBaba وغيره ؟ لمواقع التادل التجارى ؟اقتباس:
المشاركة الأصلية كتبت بواسطة MaZaGAngeE
اقصد حاجة قريبة من كده .... دي مواقع ضخمة جدا واستثماراتها مئات الملايين ...اقتباس:
المشاركة الأصلية كتبت بواسطة secret-man
لكن احنا ممكن نعمل حاجة قريبة جدا منها بس باستثمارات اقل كتير جدا ..
انا كمدير شركة بتقابلني المشاكل دي :
1- تكلفة الدعاية
2- تكلفة التسويق المباشر
3- النقل الداخلي
4- الشحن البحري
5-الشحن الجوي
6- تاجير معدات
7- قطع الغيار
8- مستلزمات الانتاج
9- مقاولين الباطن
10- التخلسص الجمركي
طبعا مش كل الشركات عندها نفس الاحتياجات لكن هتلاقي الكل عندهم بعض او اغلب الاحتياجات دي ...
و اهم حاجة اهم حاجة اهم حاجة................... مليون مرة اهم حاجة ... بيصرفوا كويس على التسويق الالكتروني .....
علي بابا اشتراكها 3000$ سنويا وشركات مصرية كتيرة جدا مشتركة عندهم