مساعدة في بيرسونا

**Dr\Mohamed** · 07-02-2014 04:25 PM

لو سمحتم يا جماعة تساعدوني أنا أول مرة أشتري عربية وعايز خبرتكم

أنا قدامي برسونا 2009 1600 cc هاف أوبشن (بور تكييف سنتر زجاج أمامي كهرباء) مانيوال عدادها 100 ألف كيلو فابريكة دواخل ومن الخارج هترش كله ماعدا السقف لونها أسود أول يد صاحبها بييظبطها علشان يبيعها غيرلها 2 فانوس خلفي كانوا متكسرين و2 فانوس شبورة أمامي والمساعدين الخلفي والإكصدامين كانوا متكسرين وهو صلحهم وكمان كام دقة في الأبواب الأربعة سمكرهم وهو حاليا بيرشها كلها ماعدا السقف "أول مرة تترش وأنا شوفتها قبلها شوية حكات أكترهم في الأبواب الخلفية علشان أولاده كانوا بيركبوها" هتخلص كمان كام يوم كده وصاحبها بيقول هتركب على طول من غير أي مصاريف عليها

نصيحة لأخوكم تساوي كام ؟؟؟؟؟ أنا كلمته ومش راضي يقول غير لما تخلص

الله يبارك فيكم تساعدوني.......أنا محتار قوي قوي والوقت بيعدي

**Dr\Mohamed** · 09-02-2014 12:35 AM

المشاركة الأصلية كتبت بواسطة Dr\Mohamed

لو سمحتم يا جماعة تساعدوني أنا أول مرة أشتري عربية وعايز خبرتكم

أنا قدامي برسونا 2009 1600 cc هاف أوبشن (بور تكييف سنتر زجاج أمامي كهرباء) مانيوال عدادها 100 ألف كيلو فابريكة دواخل ومن الخارج هترش كله ماعدا السقف لونها أسود أول يد صاحبها بييظبطها علشان يبيعها غيرلها 2 فانوس خلفي كانوا متكسرين و2 فانوس شبورة أمامي والمساعدين الخلفي والإكصدامين كانوا متكسرين وهو صلحهم وكمان كام دقة في الأبواب الأربعة سمكرهم وهو حاليا بيرشها كلها ماعدا السقف "أول مرة تترش وأنا شوفتها قبلها شوية حكات أكترهم في الأبواب الخلفية علشان أولاده كانوا بيركبوها" هتخلص كمان كام يوم كده وصاحبها بيقول هتركب على طول من غير أي مصاريف عليها

نصيحة لأخوكم تساوي كام ؟؟؟؟؟ أنا كلمته ومش راضي يقول غير لما تخلص

الله يبارك فيكم تساعدوني.......أنا محتار قوي قوي والوقت بيعدي

up up please.....

**Dr\Mohamed** · 09-02-2014 02:47 PM

هو ليه محدش راضي يساعدني؟؟؟؟؟؟!!!!!!

**uniform** · 09-02-2014 05:53 PM

بودي اقولك رقم دقيق...بس مش هقدر..عموما هيا يمكن في حدود اواخر 50 والله واعلم ده مجرد رنج

**gadieb** · 12-02-2014 04:58 PM

من 60 الى 65 -67 مش اكتر
بص هى لو فبريكه فبريكه وعداد قليل من 70 الى 75 نهائى

**a7mad_mo7amad6** · 13-02-2014 01:04 AM

62 اخرها..
ومتستعجلش انت مش كل يوم بتجيب عربيه وخدها اكشف عليها عند اصان صفا

**Dr\Mohamed** · 14-02-2014 03:08 PM

شكرا لحضراتكم

uniform
gadieb
a7mad_mo7amad6

إن شاء الله هوديها التوكيل بتاعها بكره وربنا ييسر الحال.......
ربنا يبارك فيكم ويجازيكم خير على المساعدة

**Dr\Mohamed** · 16-02-2014 01:22 PM

يا جماعة أنا وديت العربية للتوكيل ....... وهناك فتح الكابوت وقاللي
-الدنيا عايمة زيت كده ليه ؟
-ده مغييرة جوان "مش فاكر قال جوان بتاع إيه"

وبعدين ركبنا ومشا بيها كام متر ولما جيه عند تقاطع مور الفتيس وساب كل الدواسات لقيت صوت العربية عالي وrpm على 2 العربية علقت.....

الكلام ده معناه إيه؟؟؟ وهل ليه علاقة بالكهرباء بتاعة العربية؟؟؟؟ أصل الراجل صاحبها في الأول قالي لسه الكهرباء بتاعتها فيها شغل بس لما جاب بطارية عربية تانية وركبها فيها العربية دارت عادي والمساحات اشتغلت!!!!

الله يكرمكم ساعدوني

**gadieb** · 16-02-2014 02:21 PM

اصرف نظر عنها العربيه دى ما دامت مغيره جوان قبل كده يبقى الموتور كان فيه شغل ممكن صبابات من سير كاتينه اتقطع ممكن ميه حاجه بس طالما الموتور اتفتح وفيها تسريب زيت ابعد عنها
اه بالمناسبه الجوان الى بيغرق الدنيا زيت ده جوان وش السلندر وفيه جوان تانى اسمه جوان وش التاكيهات بس ترشيحه بيكون بسيط
ويا ترا التقرير النهائى للعربيه ايه وايه الملاحيظ ....اصل عصام وصفا محترمين بصراحه هايقولك الى فيها بامانه

**Dr\Mohamed** · 17-02-2014 12:57 AM

المشاركة الأصلية كتبت بواسطة gadieb

اصرف نظر عنها العربيه دى ما دامت مغيره جوان قبل كده يبقى الموتور كان فيه شغل ممكن صبابات من سير كاتينه اتقطع ممكن ميه حاجه بس طالما الموتور اتفتح وفيها تسريب زيت ابعد عنها
اه بالمناسبه الجوان الى بيغرق الدنيا زيت ده جوان وش السلندر وفيه جوان تانى اسمه جوان وش التاكيهات بس ترشيحه بيكون بسيط
ويا ترا التقرير النهائى للعربيه ايه وايه الملاحيظ ....اصل عصام وصفا محترمين بصراحه هايقولك الى فيها بامانه

أولا شكرا لحضرتك على الرد
أنا رحت تاني كلمت صاحب العربية "للأسف مكنتش لسه شفت الرد بتاع حضرتك" قالي إنه مكانشي رابط الغطاء بتاع الزيت كويس هو ده إللي رشح الزيت وقال إن العربية كانت بتعلق علشان كان فيها عفراية الميكانيكي شالها على طول ومرضاش ياخد فلوس
أما بالنسبة للتوكيل أنا من المنصورة رحت التوكيل إللي عندنا وهناك حصل حاجات غريبة جدا أنا كنت رايح مع واحد صحبي هو عارفهم أول ما شافوها واقفة وكنا راكنينها على الرصيف الناحية التانية قالوا لي لأ لأ لأ مش فاهم عنيهم شايفة إيه أنا مش شايفه ! ولما أصريت أعرف ليه علشان خاطر صحبي قالوا هيشفوها ودي كده بعيد عن التوكيل فتح الكابوت وشاف الدنيا كلها زيت وبعدين ركبنا والعربية علقت وrpm على 2 .......والنهاية بتاع التوكيل قالي قدام صاحبها "العربية دي مش هتنفعك"

بصراحة أنا تعبت العربية سعرها كويس صاحبها قالي 55 ألف بس ليا أنا بس لأننا جران وبينا عيش وملح
أعمل إيه وأصدق مين أنا بعدها حلمت إني إنتحرت!!!!