كنت ناوي أشتري بيجو 301

**hossam_win** · 07-02-2014 05:04 PM

السلام عليكم يا شباب,,, بصراحة العربية حلوة جدا و تخطف العين و شكلها يفوق سعرها بس مش معقول أشتري عربية عشان تتعبني:
العربية بتتحسد لان اللي بيشوفها بيديها أكتر من سعرها + مش معقول كل ما أركن فمكان أبقى خايف لحسن علامات رمز بيجو تتسرق+ وظهرت حكاية سرقة أريال العربية كمان,
فأنا قررت صرف النظر عن شراء هذه العربية الرائعة301 وأشتري Renault sandero stepway
و أرجو منكم تقييم الرينو

**nonalaziza** · 07-02-2014 05:15 PM

رينو سانديرو كانت معايا هي عربيه جمييييييييييله بس لا تقارن ببيجو.
بمكن اللي يميزها عن بيجو ارتفاعها عن الأرض

**Mohamed 555** · 07-02-2014 05:22 PM

مش عاوز تشتري العربية عشان بتتحسد!! على كده محدش يشتري بي ام دبليو بقى ولا 508 لو بنتكلم على بيجو و عموما الحسد موجود في القران بس فيه طرق وقاية منه...
تاني حاجة موضوع سرقة العلامات ده موجود في كل العربيات مش عربية معينة تاني حاجة الاريال اللي بيتسرق ممكن تفكة و كمان اي عربية برضو معرضة للموضوع ده..

و اخيرا انت حر في اختيارك و السانديرو حلوه برضو بس اكيد مش زي البيجو ...

**Ahmed.Essam** · 07-02-2014 05:25 PM

حاول تعيد نظر وتفكير في قرارك لانك ممكن تندم بعد ما تشتري السانديرو وتسيب البيجو 301

اسبابك في بعدك عن البيجو معاك حق فيها بس المشكلة مش في العربية المشكلة في الناس اللي بتحسد او بتسرق العلامات فالبتالي اي عربية هتجيبها وبتحاول تحافظ عليها وتروقها هتبقى في عين اي حد حلوة ولو عاوز يحسدها هيحدسها

ربنا هو الحافظ حاول تعيد نظر مرة تانية ولو قررت تجيب البيجو ان شاء الله حط مصحف في العربية وغطيها واركنها في جراج لو امكن وربنا يحفظهالك
لو اخدت قرار نهائي في السانديرو فان شاء الله خير بردو واصحاب العربية يفيدوك في تقييمها