Gm ولا كاسيت جديد جامد

انا عايز اخد رأيكم فى حاجة ... انا لسة بالكاسيت الفابريكة و بفكر اجيب سماعات بيضاوى ورا و أغير سماعات البيبان امامى و اجيب GM ... اناهاردة اكتر من شخص قالى إنى اجيب كاسيت جديد افضل و سماعات خلفى و امامى فقط بحيث إنى اوفر تمن الجى ام و اجيب كاسيت بتمنة يقوم السماعات دى .. فا اية رأئيكم ؟؟

فى نفس الوقت انا خايف تركيب ال GM يعمل دوشة و سلوك كتير فالعربية و خايف يفصل فى الصيف بسبب الحر و اقعد منغير صوت فالعربية و يبقى ولا سماعات ولا كاسيت.

و هل لو جبت كاسيت فقط و وصلت علية AUX من الiPod هيكون صوتة احسن ولا لو جبت ال GM و وصلت ال AUX على طول علية منغير الكاسيت إلى موجود دلوقتى دة ؟؟

اشكركم و إنصحونى يحفظكم الله, و دمتم

بص يا باشا علي حسب انت ناوي تجيب سماعات كام ار ام اس يعني لو هتجيب سماعات دبل بيز الكاسيت مش هيديك نفس اداء الجي ام بس بردو انا انصحك لو الكاسيت مفهوش aux او usb غيرو احسن و بلاش موضوع aux علي الجي ام علطول علشان الصوت مش هيبقي مظبوط

اعتقد ان الكاسيت عندك مصري لو ده صح
يبقي كاسيت بصراحة اهم لانه اهم شئ

اهم شيئ يبقى الهيديونيت كويس علشان هو ده الاساس
بعد كده بقى عاوز تركب سماعات عاديه هيبقى الصوت تمام
وحتى لو جبت سماعات دبل بيز هيبقى الصوت معقول و لوحبيت بعد كده تجيب جى ام هيبقى كله تمام وجاهز للتوصيل والاداء المظبوط

تم بحمد الله شراء كاسيت بيونير و سماعات 500 و شكرآ

الف مبرووووووووك و مستنين التقرير

اشتريت بايونيير كام الموديل وعامل معاك ايه وسماعات كام والاداء ايه اخباره ؟؟