السلام عليكم ورحمة الله
المشكلة باختصار إن عندي طفلين 5 و 6 سنوات ومع دخول فصل الشتاء وتحديدا من بضعة أيام بدأوا يتبولوا لا إراديا وهما نائمين بالرغم من إنهم مكنش بيحصلهم كده قبل كده خاصة الولد الكبير وحاليا بقالنا بضعة أيام تقريبا يوميا بيعملوا كده بالرغم إن جو غرفتهم مش برد بس المشكلة إنهم مش بيطيقوا أي غطاء ودايما بيعَرّوا نفسهم ، مع العلم إننا يوميا بنجبرهم إنهم يعملوا حمام قبل النوم مباشرة ومش بنرضى نشربهم مياه كتير قبل النوم بفترة
إيه الحل للمشكلة دي ؟