عرض للطباعة
السلام عليكم ورحمة الله
المشكلة باختصار إن عندي طفلين 5 و 6 سنوات ومع دخول فصل الشتاء وتحديدا من بضعة أيام بدأوا يتبولوا لا إراديا وهما نائمين بالرغم من إنهم مكنش بيحصلهم كده قبل كده خاصة الولد الكبير وحاليا بقالنا بضعة أيام تقريبا يوميا بيعملوا كده بالرغم إن جو غرفتهم مش برد بس المشكلة إنهم مش بيطيقوا أي غطاء ودايما بيعَرّوا نفسهم ، مع العلم إننا يوميا بنجبرهم إنهم يعملوا حمام قبل النوم مباشرة ومش بنرضى نشربهم مياه كتير قبل النوم بفترة
إيه الحل للمشكلة دي ؟
؟؟؟؟؟؟؟؟
مع الخطوات السابقه
مفيش سوائل قبل النوم
وتفريغ المياه قبل النوم
الشي الاخير
اجبارهم علي الاستيقاظ بعد ساعتين مثلا لدخول الحمام
وبعد ساعتين مره اخري يستيقظو لدخول الحمام
مع الوقت والتعود هاتلاقيهم اجباريا يقلقوا لو اتزنقو لدخول الحمام
الاودي امهم عودتهم علي كده
اعتقد المشكلة دي طبيعية ياعزيزي
فلا تحملهم مالا طاقت لهما به ... واحنا كنا كده برضو لمن كنا صغيرين. انتا ناسي مصطلح (( الواد فلان بيعمل فطيرة وهو نايم )) لذلك الحل الوحيد هو هتجيب مشمع وتحط المشمع بين المرتبة. وبين الملايه لحد ما يتوقف. التبول الليلي ده نهائي. ... اما التبول الا ارادي. هو لمن الطفل يخاف. او وهو صاحي فجئة تبص تلقيه عملها على نفسوا ، ملاحظة اوعه تمنع عنهم السوائل ... لان السوائل مهمة جداً لاجسامهم بالذات في مرحلة تكوينوا ... وتحياتي. وربنا يخلهوملك يا رب وتفرح بيهم قادر ياكريم .
اعمل تحليل بول غالبا هتلاقي اما املاح او التهاب...
تحياتي
Sent from my Xperia Arc S using Forum Runner
اقتباس:
المشاركة الأصلية كتبت بواسطة hugan
اقتباس:
المشاركة الأصلية كتبت بواسطة y a r i s
جزاكم الله خيرا جميعااقتباس:
المشاركة الأصلية كتبت بواسطة dr.hazem
وإن شاء الله هعملهم تحاليل
انا بنتى فالشتا اما كان عمرها 5 سنين كانت بتعمل كدة ... هى كانت بتنام قبلنا فكنت قبل ما انا انام بصحيها ادخلها الحمام ولو قلقت على الفجر بدخلها بردو
اللذيذ بقا انها بعد كدة بقت بتقلق عشان تدخل الحمام وهى مدروخة تيجى اوضة النوم والاقيها عملت وفاكرة انها فالحمام :d
طالما بيعملوها في البيت وعلى سريرهم مفيش ادني مشكلة
لكن تقول ايه بقه. لمن. بيناموا في العربية واحنا مروحين بالليل وعلى الكنبة الخلفية واديها ادي ههه :) .... هو انا عملت كراسي جلد من شوية ... ده الاباااااااااء دول ليهم الجنة والله ِ.
@@@@@@@@@
دكتور حازم حبيبي. ... كنت عاوز اسئلك سؤال تاني لو سمحت. ... ماذا عن. سلسل البول
الي هو بعد ما تخلص بتلاقيه كده بينقط هل برضوا نعمل تحليل بول واملاح ولا مش محتاجة وده طبيعي
اقتباس:
المشاركة الأصلية كتبت بواسطة ramymechanics
ههههههههههههههههاقتباس:
المشاركة الأصلية كتبت بواسطة y a r i s
أنا المشكلة عندي برده إن الباشا بعد ما يعمل ويغرق الدنيا ييجي يصحي والدته ويقولها أنا عملت بيبي !! طب ما تقوم تعمل في الحمام طالما كده كده هتقوم لكن تقول إيه بقى في البرد والكسل :)
امبارح لقيت والدتهم من نفسها بتصحيهم قبل ما تنام ودخلتهم الحمام والحمد لله محدش عمل فيهم النهاردة .. يبدو إن الحل فعلا انهم يقلقوا مرتين وهما نايمين يدخلوا الحمام يفرغوا وبعدين يكملوا نوم لأن البرد بيزنق جامد وأنا نفسي أحيانا بصحى أكتر من مرة وألاقي نفسي على الآخر بسبب البرد لكن الصيف أعتقد الموضوع هيتحل من نفسه إن شاء الله
اهلا يا ابو تركياقتباس:
المشاركة الأصلية كتبت بواسطة Y a r i s
بالنسبة للي بتحكيه ده مش سلس ولا حاجه
هو اخر التبول ممكن يكون نقطتين تلاته
السلس ان الشخص مش بيقدر يمسك نفسه وميتحكمش بنفسه وينقط علطول لدرجة لو عطس او كح ممكن ينقط،،،
فالتنقيط المذكور عادي غالبا...
في الجال فوق سن ال45 قد يجد جديد بان الشخص بعد ما يخلص ويطلع يتزنق تاني فيرجع الحمام
وممكن يكون في تقطيع في البول
او صعوبه في الابتداء والانتهاء من التبول ويزيد ايام البرد.. الاعراض دي اعراض تضخم البروستاتا الحميد وبحاجه لسونار للتاكيد وعمل اللازم...
بالمناسبة..
نسيت اقول ان لو تحاليل الاطفال طبيعية فبالتالي الموضوع قد يكون له علاقه بطبيعة النوم وعادة بيبقى الاطفال دي بتنام بعمق شديد وبالتالي لازم تقلقو منامهم وتصحوهم بالليل وياريت اهم حاجه بلاش توبيخ ولا ضرب لان دي الحاجات اللي بتخلي الموضوع يكبر وميتحلش.. ياريت لما يحصل تقولو الله يصلحك يا بني بدل الزعيق او الضرب..
وطبعا تقليل كميات الشرب قبل 5ساعات من النوم وياريت تاخير النوم يعني لو بينامو 9 ينامو 10ونص وهكذا...
لو بعيد الشر الموضوع استمر يبتدي الاهل يدخلو نظام تحفيزي بان كل ليله نظيفه ليها جايزة... الخ
وربنا يسلم الجميع من كل شر...
تحياتي
Sent from my Xperia Arc S using Forum Runner
دكتور حازم حضرتك تخصص مسالك
ولا ايه
لا والله يا غالي انا لازلت طبيب عاماقتباس:
المشاركة الأصلية كتبت بواسطة hugan
بس كان بودي اتخصص مسالك ولسا محصلش نصيب :-)
تحياتي
Sent from my Xperia Arc S using Forum Runner
السلام عليكم.
1- تحليل بول للطفلين ضروري، ولو طبيعي بدون صديد او املاح ننتقل للخطوات التالية
2- ممنوع مشاهدة افلام الرعب والعنف وعدم تعريض الاطفال للضرب او الصياح او الشجار قدامهم وخصوصا بين الوالدين
3- ممنوع شرب المياه قبل النوم بساعتين، وايقاظ الأطفال كل 3 ساعات بالمنبة ولا تأخير دقيقة ولا تقديم دقيقة يوميا لتفريغ المثانة حتى لو مش مزنوقين
4- ممنوع تناول مدرات البول زي القهوة والنسكافية والمياه الغازية .. وتقليل الموالح قدر الامكان وخصوصا الشيبسي
5- ادي الخطوات دي وخصوصا تدريب المثانة اسبوعين ولو لا قدر الله مجابتش نتيجة - 99% ان شاء الله حتجيب نتيجة - ممكن نستخدم علاج دوائي او نعمل ابحاث اخرى غير تحليل البول.
د.يحيى
طبيب جراحة مسالك بولية وامراض ذكورة