والله مشكلة مجنناني (التسقيف)

**ayam7** · 09-02-2014 11:04 PM

هو لما المكانيكى اخر سير الكاتينة التسقيف راح صح يبقى هوهنا ظبط نقطة الاشعال مع اعلى درجة انضغاط طيب لما رجعنا السير مرة تانية يبقى ايه حصل اللى حصل ان البنزين بيتحرق قبل الاشعال يا نتيجة انك بتستخدم اوكتان قليل او درجة حرارة المحرك عالية او موبينة فيها مشكلة

**profshady** · 10-02-2014 09:51 AM

المشاركة الأصلية كتبت بواسطة ayam7

هو لما المكانيكى اخر سير الكاتينة التسقيف راح صح يبقى هوهنا ظبط نقطة الاشعال مع اعلى درجة انضغاط طيب لما رجعنا السير مرة تانية يبقى ايه حصل اللى حصل ان البنزين بيتحرق قبل الاشعال يا نتيجة انك بتستخدم اوكتان قليل او درجة حرارة المحرك عالية او موبينة فيها مشكلة

بس انا ملاحظ فعلا الفرق من بعد ما ظبط التقسيمة التاني انها ما بتسحبش بنزين وبتجري جرية غريبة العربية بصراحة غير الاول كنت حاسس انها متكتفة والله وبتسحب في نفس الوقت بنزين ... ومش موبينة خاااااالص لو حضرتك شاكك في الموبينة لأني جربت بواحدة بتاعت واحد صاحبي ....
ارجو الافادة من السادة الاعضاء لحصر المشكلة

**popahly** · 10-02-2014 10:15 AM

هقولك على الحاجات اللى غيرتها لأسباب متعددة فى خلال السنتين او اكثر اللى فاتوا ومتغيرش حاجة من موضوع التسقيف دا علشان تبقى عامل حسابك...
غيرت بوبينة، غيرت طقم الكهرباء والسيور والدينامو وش سلندر استيراد مكان القديم علشان كان فيه نقص فى المياه طلمبة مياه "ودا من ساعتها موضوع التسقيف تقريباً" شدادة كاتينة وطنبورة سير التكييف بالإضافة لطلمبة البنزين... والله اعلم ايه تانى ونسيت...

بس الشك بالنسبالى فى مشكلتنا حاجتين ممكن يكون السبب منهم، البسيط فيهم فيشة الأوكتين لسبب وهو لما كنت مع طارق مرة وسمع الصوت عندى وسمعته عنده اتفقنا على تعديل الفيشة لظبطة الـ 87 والتسقيف راح بعدها لمدة بسيطة وابتدى فى الرجوع مع التكييف ساعتها ودلوقتى موجود مع سخونة الموتور فقط ولكن تسقيف اقل جداً من ظبطة الفيشة على 95 أو 90 يعتبر اقلهم... دا واحد...

التانى وهو ممكن يكون انسداد فى الريدياتير ودا مثلاً لو كان حاصل عندك كانت الحرارة هتبقى أعلى على الاسكانر على ما اعتقد ودا يأكدهولنا الخبراء... ودا سبب اقل شوية...

فى حاجة تالتة ودى انا شاكك فيها بنسبة قليلة وهى طلمبة المياه بس دى كانت جديدة واتركبت كويس... الله اعلم...

دول 3 اسباب فى اعتقادى ممكن يكونوا سبب مشكلتنا... واولهم فيشة الاوكتين... والسبب بعد الثورة البنزين اللى فى السوق كله اتغير تماما.. مع إختفاء بنزين 90....

**profshady** · 10-02-2014 10:41 AM

بالنسبة لفيشة الاوكتين انا من اول ما قريت عن موضوع فيشة الاوكتين من حوالي سنة ونص كده انا بصيت علي العربية لقيتها متشالة اصلا يعني مش موجودة وقولت تمام كده لأني بحط بنزين 90 وساعات 92 يعني كده التمام بتاعها ....
اما بالنسبة لموضوع انسداد في الرداتير ده اللي موضوع خلصان لأني قولت قبل كده اني عملت سكان علي الكمبيوتر ولقيت درجة الحرارة ما بين 89 و92 وده بعد مشاوير كمان بالعربية يعني دورة التبريد سليمة 100%100 .....
الحاجة التالتة اللي هية طلمبة المية .... انا فكيت غطا القربة بتاعت المية وزودت بنزين بأيدي وبصيت في القربة لقيت المية بتتقلب كويس اووووي في القربة يعني زي كده قربة زيت البور لما تيجي تزود بنزين والزيت يتقلب جوة فمعني كده الطرنبة بتاعت المية شغالة زي الفل والحمد لله ....
فهل معني كده مفيش قدامي غير البوجيهات وفلتر البنزين ؟؟؟؟
مع العلم اني لسه مغير سلوك بوجيهات وسير الدينامو وسير الكاتينة وسير التكيف ... علشان كده انا حصرت نفسي في البوجيهات وفلتر البنزين ... والله اعلي واعلم
ياااااااريت يا جماعة لو فيه حد معاه معلومة يفيدنا بيها
وعايز حد كمان يقولي ايه هوة الخطأ اللي ظهرلي لما كشفت بالكمبيوتر علي العربية اللي هوة :
15- w . T . S signal low

**JAM** · 10-02-2014 11:35 AM

W.T.S = Water Temperature Sensor

WTS signal Low
Short circuit in sensor or wiring shorted to ground

**popahly** · 10-02-2014 12:06 PM

أيوا ياعنى معناه ايه بالعربى الخطأ دا ؟

**omaranes77** · 10-02-2014 12:21 PM

متابع

**MMamdouh** · 10-02-2014 12:25 PM

المشاركة الأصلية كتبت بواسطة JAM

W.T.S = Water Temperature Sensor

WTS signal Low
Short circuit in sensor or wiring shorted to ground

المشاركة الأصلية كتبت بواسطة popahly

أيوا ياعنى معناه ايه بالعربى الخطأ دا ؟

معناه ان حساس حرارة المياه مدى قراية اقل من الطبيعى... الحساس فيه مشكلة او فيه قفلة فى السلك بتاعة

MMamdouh

**Abo Yasso** · 10-02-2014 12:58 PM

المشاركة الأصلية كتبت بواسطة profshady

بالنسبة لفيشة الاوكتين انا من اول ما قريت عن موضوع فيشة الاوكتين من حوالي سنة ونص كده انا بصيت علي العربية لقيتها متشالة اصلا يعني مش موجودة وقولت تمام كده لأني بحط بنزين 90 وساعات 92 يعني كده التمام بتاعها ....
اما بالنسبة لموضوع انسداد في الرداتير ده اللي موضوع خلصان لأني قولت قبل كده اني عملت سكان علي الكمبيوتر ولقيت درجة الحرارة ما بين 89 و92 وده بعد مشاوير كمان بالعربية يعني دورة التبريد سليمة 100%100 .....
الحاجة التالتة اللي هية طلمبة المية .... انا فكيت غطا القربة بتاعت المية وزودت بنزين بأيدي وبصيت في القربة لقيت المية بتتقلب كويس اووووي في القربة يعني زي كده قربة زيت البور لما تيجي تزود بنزين والزيت يتقلب جوة فمعني كده الطرنبة بتاعت المية شغالة زي الفل والحمد لله ....
فهل معني كده مفيش قدامي غير البوجيهات وفلتر البنزين ؟؟؟؟
مع العلم اني لسه مغير سلوك بوجيهات وسير الدينامو وسير الكاتينة وسير التكيف ... علشان كده انا حصرت نفسي في البوجيهات وفلتر البنزين ... والله اعلي واعلم
ياااااااريت يا جماعة لو فيه حد معاه معلومة يفيدنا بيها
وعايز حد كمان يقولي ايه هوة الخطأ اللي ظهرلي لما كشفت بالكمبيوتر علي العربية اللي هوة :
15- w . T . S signal low

-

الموضوع: والله مشكلة مجنناني (التسقيف)

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة مجنناني

شكر واجب، وحل مشكلة التسقيف

حل مقترح لموضوع التسقيف و مشكلة السحب

مشكلة عويصة مجنناني

مشكلة بالماسنجر مجنناني

الكلمات الدلالية لهذا الموضوع

المفضلات

المفضلات

ضوابط المشاركة