الموضوع: عاوز سنسور بارك امامي وخلفي وقدامي بدائل كتيره

وصلت للفكره دي فعلا اني اركب جهازين بس هيكون في شاشتين قدامي

ربنا يسهل الايام دي في فكره تانيه بحاول انفذها بالاستعانه بصديق لي مخترع

المشاركة الأصلية كتبت بواسطة ياسر ابراهيم

الانذار الامامي ممكن تشتري نوع انذار الصوت فقط ده واظن انذار بالصوت كفاية خالص بالضافة شايف ل
الحل التاني لو الجهازين من نوع واحد يعني نفس الموديل ممكن عن طريق حد فاهم الكترونيات بشرط توحيد اﻻطراف مع استخدام سليكونات عشان يؤمن عدم دخول اشارات الجهازين علي بعض و بكدة يقدر يعمل تعديل بسيط بحيث الجهازين يشتغلو علي شاشة وحدة و الموضوع دة a b c الكترونيات مش اختراع يعني
مع احترامي للاستاذ تامر محمد انا مكتبتش ان الحساس اﻻمامي يشتغل بزرار انا قصدت انه يشتغل طالما السيارة شغالة بمعني تاخد له كهربا من اي نقطة طالما المفتاح في الكونتاكت
حبنا نساعد اﻻخ michohat بناءا علي رغبته في استخدام الحساس
بس ياريت تقولنا علي فكرتك مع المخترع صديقك للاستفادة
بالتوفيق إن شاء الله

في البداية اوضح انني غير متعمق في الالكترونيات والدوائر وخلافه
في فكره الجهازين الامامي والخلفي كان الجهاز الامامي حسب ظني سيتم وصله بدواسه الفرامل بحيث يعمل مع الضغط على الفرامل وممكن نركب حاجة زي ريلاي بحيث ضغطه الفرامل اللحظية تكون تدي فرصه للجهاز انه يشتغل مش يفصل على طول مجرد ما اشيل رجلي من ع الفرامل وكنت بحاول ادور على حاجه تخلي فيه احساس بالسرعه يعني مثلا عاوز الجهاز يشتغل لما تكون السرعه اقل من 20 كيلو ع الساعه وادوس فرامل يشتغل لمده نصف دقيقة مثلا ( كلها افكار )
ثم وجدت ان المشكلة اللي هتكون موجوده هيا الشاشتين او لو ركبت جهاز بشاشة والتاني مجرد تنبيه فقط المشكلة دي هتتحل
بعد كده لقيت ان معظم النصائح تتجه ناحيه تركيب كاميرا افضل من السينسور والمشكلة اللتي تواجهني اني مش عاوز اركب دي في دي بشاشة يكون غالي علشان مش يكون فيه لفت انظار لظروف تتعلق بمكان ركن العربية ( بدون جراج وتكاد تكون لوحدها ف الشارع )
فأعجبت بالشاشة اللي بتتعلق على المرايه اللي حجمها 7 انش




وجدت ان نظام تعليقها معتمد على حوامل بلاستيك بالنسبة لي اظنها غير امنه فيمكن مع مطب شديد او حفره انها تنفصل من المرايه الاصلية وتتعلق بالكابل اللي بيغذيها بالكهرباء وتكسر الزجاج الامامي ( بتكلم على الطرق الغير ممهده اللي بمشي عليها كل يوم ) وكمان مفيش منها الا شكل واحد
وكان في موضوع للعضو الفاضل كريم منير عن الكماليات التي نتمنى انها تكون لدينا وكان من ضمنها مرايه كامله بشاشة فقولت امسك الموضوع من الاساس ودورت على الانترنت ولقيت موقع الشركه المصنعه والموديلات المتاحه
واخدت منهم اسعار شامله التوصيل لباب البيت ان المرايه الكاملة اللي بتشغل فيديو ب 170 دولار وان المرايه الكاملة بتشغل فيديو و حساسات مع بعض ب 210 دولار لقيت الموضوع كبير الشخص اللي بتواصل معاه من موقع الشركة المصنعه قال لي لو جمعت اكتر من 3 مرايات هيكون في خصم كويس و التكلفة هتقل


http://www.germid.cn/4.3_inch_car_re..._ak_043la.html
ومفيش حد من اصحابي مهتم بالموضوع ده
وانا بدور لفت نظري صورة للشاشة اللي بتتعلق في المرايه الموجوده جوه مصر بس بطريقة مختلفة
ان الصورة فيها متقسمه لاربع صور وكل صورة بتعرض ناحيه من حوالين العربية
وبالبحث لقيت انه جهاز زي ال dvr من بتاع كاميرات المراقبة بس طبعا مصمم لانه يشتغل ع العربية
الفكره عجبتني كمني كده هكون مستغني عن المرايات كلها
فكلمت صديق لي مبدع في موضوع الالكترونيات والاختراعات وكده قال لي انه سهل تنفيذها
فالمفروض انها هتكون اربع كاميرات اثنان في الاجناب تحت كف المرايه و واحده في الامام والاخرى ف الخلف ( بشكل مدمج بالعربية )
وبيعرضوا الصور على الشاشه المرايه دي ومعرفش هيخلي التحكم في رؤية كل كاميرا على حده بايه هل بريموت ولا تاتش الشاشة
لسه مش عرفت عاوز يعملها ازاي لانه كان قبل كده عدل كاميرا انترنت وخلاها كاميرا حرارية بتشوف في الظلام
ده كل اللي وصلت له حاليا

رابط لموضوع ذكر فيه كسر حوامل الشاشة
Ford Expedition 2012 XLT EL


صورة للشاشه وهي متقسمه 4

الحقيقة انا طمعت انها تبقى كده


360 Degree Birdview 4 Camera 1080P Car Black Box, View 1080P Car Black Box, DeCai Product Details from Dongguan Decai Electronic Technology Co., Ltd. on Alibaba.com

بس على قدي طبعا
360 Degree Car Camera Around View Monitor System For Highlander - Buy Around View Monitor System,360 Degree View System,Car Cameras Product on Alibaba.com

و ان شاء الله بعد كده هيكون في تحدي مش عارف ممكن ولا لأ وهو ان بدل الشاشة يكون تابلت اندرويد علشان نوصل ل carputer متكامل متنقل