عرض للطباعة
السلام عليكم
انا شاري لانسر بومة 2013 سوبر اكشن وبصراحة بعد اللي سمعته عن السيراتو بفكر ابيعها واجيب السيراتو
العربية عندي عاملة حوالي 12000 كيلو يا ترى لو جيت ابيعها هتجيب كام ؟ هي فابريكة بره وجوه وفرش جلد بس فيها حكة في الرفرف تترد على البارد ؟
وهل الافضل اني اغير ولا اخليني في البومة ؟
وعليكم السلام, يا برنس لا محرك ولا اوبشنز ولا اداء ولا صاج ولا خامات داخلية ولا اي حاجة في السيراتو تتقارن بالبومة مع احترامي الشديد ...اقتباس:
المشاركة الأصلية كتبت بواسطة kazamodia
عشان كدا لو بتفكر توكل على الله واعمل تيست درايف وحتشوف الفرق بنفسك واللي اكيد لصالح النيو سيراتو حتى لو اول فئة حتعجبك كأداء وشكل إلخ... في امان الله
طيب كنت اسأل من الاول مش تسأل دلوقتي !!!!!!! السيراتو مش بتتقارن ابداً مع البومة !!!!! عايز تقارن افضل عربية في امريكا السيراتو بعربية من ايام 2006 بدون اي تحديث ؟؟؟؟؟ مقارنة ظالمة طبعاً :)
خلاص انا رأيي هتخسر ومتبيعش لكن طبعاً الفرق كبير بين العربيتين !!!!!!!!
خامات - كماليات - موتور - سحب - عفشة - زينون - كل شئ تتفوق عليه السيراتو بجدارة عن البومة
البومة دي عربية عفا عليها الزمن !!!!!!!!!! هتقارن تكنولوجيا 2006 البومة بتكنولوجيا 2014 السيراتو !!!!! كفاية يا اخي الـFlexSteering في السيراتو اقولك ايه بس دي حاجات كتير !!
انا رأيي خلاص ارضى بنصيبك وخليك لكن طبعاً في فرق كبير بين الاتنين
بس لو هتقدر تتحمل الخسارة انا شايف انها حاجة تستحق المحاولة لان في فرق كبير جداً جداً والسيراتو الجديدة عربية نقلة في تاريخ كيا كفاية يا اخي اختاروها في امريكا افضل سيارة كسبت الفورد فوكس والهوندا سيفك في المقارنة يبقى طبعاً مش هنقارن بالبومة نهائي !!!!!!!!!
مفيش وجه مقارنه ابدا بين العربيتين ........
مفيش وجه مقارنه نهائى بين اللانسر والسيراتو لصالح السيراتو طبعاً
في فرق طبعا لصالح السيراتو بس طالما اشتريت خلاص و كمان لسه زيرو استتي بقي شويه و اللانسر اللي معاك برده سوبر اكشن و كويسه و اعتماديا عاليه جدا
مش عايزين نعقد الراجل بس... آه طبعا السيراتو الجديدة لها كل الاحترام مني شخصيا لأنها فعلا عربية محترمة وفرق كبير بينها وبين اللي قبلها... واكيد احسن من البومة... بس الفروق مش السما والأرض يعني بينها وبين البومة الا في الكماليات والشكل الأحدث... انما برضه البومة -رغم قدمها جدا- اعتمادية فوق الممتازة وعفشة ممتازة في السوبر أكشن (بس ناشفة جدا) وصاج محترم وخامات داخلية جيدة جدا في رأيي...
مصيبتها الكبيرة انها من 2003 (مش 2006) وده طبيعي قوي يخلي الناس كلها تهاجمها بدون تفكير لمجرد مقارنتها بعربية حديثة -وفي نفس الوقت ممتازة- زي النيو سيراتو... انما على ارض الواقع اللي ينزل من بومة ويركب نيو سيراتو الفروق الملحوظة بالنسبة له هتكون الشكل الحديث الملفت + الكماليات اللا نهائية...
في النهاية انا متفق مع الجميع ان السيراتو افضل (بس مش بالتهويل ده) ولو ليك مزاج تبيع البومة توكل على الله واعتقد مش هتخسر فيها شيء يذكر ان شاء الله لأن السوبر أكشن كانت قليلة أصلا...
ومننساش ان اول فئة مانيوال في السيراتو بـ140 ألف تقريبا، لا فيها ايرباجز ولا abs ولا جنوط ولا أي حاجة...
شكرا ليكوا يا جماعة يللا الحمد لله على كل حاجة
السيراتو افضل
لكن راي متغيرش دلوقتي