فيرس غريب هيضيع كل شغلي من ع اللاب وجهاز الشغل

**michohat** · 08-02-2014 05:47 PM

السلام عليكم ورحمه الله وبركاته

الفيرس الغريب ده حسيت بيه لما لقيت الجهاز بيطلع لي رساله ان الرامات مستنفذه على الاخر واقفل برامج
فتحت التاسك مانجر وقفلت شوية بس برضه المستهلك عالي اكتر استهلاك من الاكسبلولر

افتح شغلي الاقي بيقول لي الملف مش موجود في مكانه اجرب ملفات تانيه برضه نفس الحكاية

قولت اكلك واشوف خصائص الفولدرات يمكن يبقى فيرس الشورت كت لقيت كل الفولدرات معموله للقراءة فقط وكل ما اشيل العلامه من علي القراءة فقط واعمل اوك ترجع تاني ( مع العلم اني بتحكم في الفايلات اللي جوه الفولدرات اعمل فايل جديد اشيل انقل اي حركه بعملها عادي )

وبقى كل فولدر جديد اعمله الاقي من ضمن خصائصه انه للقراءة فقط وبدخل اشيل التعليم من على الايقونه واطلع اعمل ريفرش الاقيها رجعت تاني

شوية شوية ملفاتي اشتغلت وعرفت ادخل عليها ولكن برضه كل الفولدرات متعلم عليها للقراءة فقط وانا قلقان من دي اني اكون شغال وبسيف والكمبيوتر مطاوعني ولما اجي ارجع افتح الشغل ممكن مش الاقيه

**rotanamasoud** · 08-02-2014 09:54 PM

الانتى فيرس متسطب ولا شغال على البحرى
لو متسطب ومتفعل اعمل اسكان
لو مفيش سطب واحد واعمل اسكان
لو شغلك من نوع اوفيس او اى ملفات غير تنفيذيه احتمال كبير الشغل ميضعش
لاكن السورسات تقريبا حتضيع
اما اى ملفات تنفيذيه(.exe) بتدمر وبتكون الاكثر استهدافا وطبعا حسب الفيرس ومدى انتشاره

**michohat** · 09-02-2014 12:45 AM

شغال بحري مكنش فيه انتيفيرس نزلت نسخه وندوز جديده ع امل انه يكون عيب وندوز ونزلت انتي فيرس وعملت سكان وبرضه لسه الوضع زي ما هو
شغلي ملفات ورد واكسيل و داتا بيز سيكول
الملفات شغاله عادي بطريقه طبيعيه لكن الخصائص بتاعتها كلها للقراءه فقط

**rotanamasoud** · 09-02-2014 07:55 PM

القرائه فقط (انا بشتغل اوبن اوفيس كالك اللى بيعادل اكسيل)بتحصل لما ملف التمب ميتمسحش
بمعنى افتح الهيدن عشان تشوف الملفات المخفيه افتح ملف الاوفيس المطلوب حتلاقى ظهر ملف متهدن بنفس الاسم تقريبا اغلق الملف حيختفى الملف المتهدن لو مختفاش الملف حيصبح للقرائه فقط تمسحه عادى المفروض يشتغل ده لو اوفيس ميكروسفت زى اوبن اوفيس(يعنى الصح الملف التمب يختفى مع غلق الملف الاصلى ويظهر مع تشغيله)
لو موصلتش لنتيجه حتتعامل مع الجهاز زى غرفه عمليات التعقيم اهم حاجه (لانك كنت على البحرى والفيروسات كانت اخده راحتها )
تجيب اسطوانه ويندوز مضمونه وتجيب فلاشه وتفرمتها على جهاز تنى عليه انتى فيرس ومضمون انه مش متفيرس
تحط عليها انتى فيرس وبرامجك لو امكن(ممنوع فتح اى ملف داخل جهازك)وتعمل اسكان وتطمن انها سليمه
تنزل ويندوز ومتلمسش اى بارتشن
تسطب النتى فيرس(لاحظ اننا عازلين الجهاز تماما عن محتويات الهارد عشان الويندوز والانتى فيرس يبقى سليم 100%)
فى نت حدثه وتعمل اسكان وتخليه يمسح اى ملف مصاب
انت كده عندك ويندوز وهارد كامل سليم

**shiko85** · 09-02-2014 07:59 PM

لو تعرف تجيب ubuntu و تشغله تجربه من الــ CD من غير setup افتح الفولدرات هتلاقى الفيرس موجود اعمله delete بس كده

**michohat** · 10-02-2014 12:04 AM

حل اسطوانه فيها سيستم لايف حلو علشان احتمال يكون فيه تواجد للفيرس على الرامات فبيتحمل اول ما الجهاز يقوم

**michohat** · 16-02-2014 11:53 AM

طلع كنت بشتغل نفسي على حسب ما اتقال لي
الاوبشن ده بيقولوا موجود في كل نسخ الوندوز
ان المكان اللي المفروض اعلم فيه على للقراءة فقط لا منه متعلم ولا التعليم متشال

**sakr_skoda** · 21-04-2014 10:05 AM

المشكلة دى انا اتعرضت ليها ودوخت وفى النهاية ربنا وفقنى وحليت المشكلة::

استخدم برنامج الانتى فيرس كسبرسكاى لفحص الجهاز هذا البرنامج الوحيد الكفيل بالقضاء على اقوى الفيروسات بس مشكلتة انه بيتقل الجهاز شوية فانتا اعمل اسكان ونضف جهازك وشيلة وسطب النود 32 احدث نسخة***