الموضوع: لقد فعلها وحش الرينو...أهم موضوع لإظهار أسم المتصل فى بلوتوث الفلوانس فيس ليفت

الحاجة التانية اللي انا مﻻحظها ان في الموديل القديم كان فيه voice command انك بتسجل ارقام ببصمة صوتك اما في الموديل الجديد مفيش حد مﻻحظ ده برضه

المشاركة الأصلية كتبت بواسطة khaloud71

أنتظرونى فى موضوع أخر لتفعيل خاصية ال ok من بكرة الدريكسيون بس بعد لما أرجع من السفر أن شاء الله...متنسوش تدعولى....

انا الحمدلله اشتريت فليوانس أعلى فئة من اسبوع العربية جميله جدا ماشاءالله و فيها اوبشنز عمال بكتشف فيها كل يوم ... اكتر حاجة بقى غايظانى موضوع عدم وجود زرار الأوك فى دراع البلوتوث ...
فى الكتالوج فى 3 زراير بيقوموا بالموضوع ده الزرار اللى فى البكرة بتاعه الكاسيت و زرار فى ذراع البلوتوث من تحت و زرار البكرة اللى فى الذراع لما بتضغط عليها .. طبعا كدة لازم الواحد عشان يختار اى حاجة يقلب ببكرة الذراع و بعد كدة يمد ايده يدوس اوك فى الكاسيت حاجة مش عمليه خالص , المهم كلمت التوكيل و حولونى على مهندس الصيانه و وصفتله المشكله طبعا ما عندوش اى فكرة عن الموضوع و قاللى اه زرار الاوك موجود فى الكاسيت بس و لو فى الكتالوج موجود فى الذراع تبقى فئه مختلفه طبعا كلام غير مقنع .. هل فى اى حد اكتشف اى حل للموضوع ده ؟ تانى حاجة انا سألته اذا كانت العربية متلينه و لا لأ و اذا كنت اقدر افتح التكييف عادى قبل ال 500 كيلو و أقصى سرعه و كان رده ان العربية متلينه و انى استخدمها عادى جدا فى كل حاجة هل الكلام ده مظبوط بردو ؟ تالت حاجة معلش تاعبكم معايا لسا مستجد مع العربية بقى هاها انا قريت فى كذا بوست ان تحت فتحه التكييف الشمال مفروض فى بكرة بتعلى و توطى اتجاه الفوانيس و واحده تانيه بتعلى و توطى نور التابلوه انا عندى واحده بس بتاعه نور التابلوه مش لاقى بتاعه اتجاه الفوانيس دى هل كل العربيات الفليوانس 2014 كدة ؟؟[/QUOTE]
اوﻻ ابارك لك وابارك لنفسي على حسن اﻻختيار
ثانيا موضوع اﻻوك ده انا متغاظ منه جدا ﻻنه كان موجود في الموديل القديم وكمان voice command
ثالثا بالنسبة للتلين ﻻزم تمشي بالعربية 1000 اﻻولى براحتك خالص وماتقرص
رابعا بقى بالنسبة لزرار تعلية وتوطية الفاونيس فده مش هاتﻻقيه عندك عشان انت معاك اعلى فئة اللي هي الزينون وده عدسة الفوانيس بتبقى متحركة تلقائيا مع اتجاه العربية
وخامسا واخيرا ربنا يبارك لنا جميعا ويدينا خيرها ويكفينا شرها وشر العين اللي فلقت الحجر

شكرا جزيلا على الموضوع المفيد و اللى فادنى جدا

Thnxxxx

اولا شكرا على مساهماتكم المفيدة جدا

ثانيا تقريري عن توفيق راسين في الحلال. و هما كاسيت الفلوانس 2015 مع موبايلي samsung galaxy s4 OS android lollipup

في البداية عندي حوالي 900 اسم كلهم على google accountو لما وصلت الموبايل كله ظهر ارقام و مفيش اسامي خلاص. مع الاخذ بالعلم ان كل الاسماء انجليزي.

جربت طريقة م هاني لقيت شوية ظهروا و شوية لا. و لما بجيب phone book من الكاسيت مش بلاقي غير كونتاكت واحد و هو اسمي انا الشخصي لانه غالبا موجود على ذاكرة الموبايل مش google account

اضطريت استغني عن مبلغ رهيب و هو 14.5 جنيه مصري بحالهم و اشتري برنامج bluetooth phone book كما افاد السيد soficom . و مسحت الموبايل من الكاسيت و و و فقت الراسين في الحلال لقيت phonebook بتاع الكاسيت اتملى بسم الله ما شاء و اترص اسامي. لكن مع الاستخدام لقيت برضه مش كل الاسامي بتظهر. دخلت على google account من الكمبيوتر و مسحت اسامي كتير مالهاش لازمة و فوجئت من كترتها الصراحة لغاية لما بقى عندي اقل من 500 اسم.

و حاليا كله شغل بحمد الله ثم بفضل توجيهات معاليكم

و حبيت اعرض تجربتي المتواضعة يمكن تفيد حد غيري كان تايه زي حالاتي.

و لا مؤاخذة مش حعتذر عن الاطالة لأن ده تقرير مفصل و المفروض يبقى ممل

و شكرا