هل من الطبيعى فى سيارة اوبترا ان تقل الحرارة جدا على الطريق السريع لدرجة ان المؤشر ينخفض قرابة الزيرو ويعاود الارتفاع فى حالة التوقف تدريجيا
عرض للطباعة
هل من الطبيعى فى سيارة اوبترا ان تقل الحرارة جدا على الطريق السريع لدرجة ان المؤشر ينخفض قرابة الزيرو ويعاود الارتفاع فى حالة التوقف تدريجيا
انتا كدا عندك ثيرموستات الكوعة متشال .. لازم تركبة
خلى الميكانيكى يشوف تيرومثتات الكوعه يا اما مش موجوده يا اما مقفوله
ثرموستات الكوعة متشال من عندك أو على أقل تقدير يكون عطل وهو مفتوح نتيجة الصدا في الموتور.
في جميع الأحوال... حضرتك محتاج ثرموستات كوعة جديد.. وياريت يكون في أقرب وقت.
ثرموستات الكوعة مهم جدا للعربية .. ووجوده سبب رئيسي في انتظام عمل الموتور وتحسين استهلاك البنزين وزيادة السحب وكمان ... طول عمر الموتور
لو عايز تعرف تفاصيل أكتر ثرموستات الكوعة وفوايده .. ادخل على الموضوع في الرابط ده
http://www.nilemotors.net/Nile/328708-a.html
...
ثيرموستات الكوعة لازم يركب أو يتغيير وبسرعه
بيزيد من أستهلاك البنزين وبينتج دخان بنزيين نىء
وبيهلك الماتور على المدى البعيد
شاكر لكل من تفضل وقام بالرد
فالفعل تم الذهاب للميكانيكى ولكن قتايين مصر بالهبل
قلى الكوعه المونيوم ودا افضل وان العربيه تبرد وهيا ماشية على الاخر دا شئ ممتاز
وطبعا انا لما قرأة الردود فهمت اد ايه هو مبيفهمش ( صنعه من غير علم )
بس انا قررة اروح اشترة سرموستات كوعه وارحله اخليها يركبها من غير نقاش
شكرا مره اخرى لكن من تفضل بالرد:Copy of new:
انا عندي حرارة العربية طبيعية والحمد لله يعني السخونة والبرودة العادية
لكن كنت مرة على طريق مصر اسكندرية الصحراوي وماشي تقريبا من 100 الى 120 والحرارة طبيعية
لكن بلاحظ لما اشيل رجلي من على البنزين واسيبها كده لوحدها مؤشر الحرارة بينزل ببطيء لحد ما يقرب من الcold بس انا برجع ادوس تاني بنزين فالحرارة تعلى تاني للمستوى الطبيعي..
انا بصراحه مش عارف ده ايه ؟؟
بس مظنش ثرموستات الكوعه عندي عطلان لان الحرارة كويسه العربية جير اتوماتيك
إيه قصد حضرتك بالحرارة الطبيعية؟؟ وازاي سخونة وبرودة عادية؟؟
كلام حضرتك ده معناه إن ثرموستات الكوعة مش موجود.
الطبيعي هو كالآتي:
- أول ما تشغل العربية بعد وقفة طول الليل يكون المؤشر على الـCold
- لو اتحركت بالعربية خلال 30 ثانية.. المؤشر هيطلع خلال دقيقة تقريبا.
- المؤشر هيشاور على نقطة "قبل المنتصف" خلال حوالي 3 دقايق من أول ما شغلت العربية... وممكن الوقت يزيد شوية في الشتا.
على فكرة...
لو ما اتحركتش بالعربية وسبتها تسخن لوحدها.. المؤشر هيبدأ يتحرك بعد حوالي 2-3 دقائق... ويوصل لنقطة قبل المنتصف خلال 5-7 دقايق..
علشان كده بنقول إن الأفضل إنك تتحرك بالعربية "خلال" دقيقة بعد ما تشغلها .. ويفضل أقل.. علشان الحركة بتساعد الموتور إنه يسخن بسرعة.
بس لما المؤشر يوصل لنقطة قبل المنتصف دي... المفترض ما يتحركش ولا فوق ولا تحت طول ما العربية شغالة.
ولو اتحرك يبقى فيه حاجة غلط.
...
انا طول ما انا ماشي في الطريق هوا تحت النص بس لازم اكون دايس ينزين حتى ولو خفيف
لكن لما اشيل من على البنزين فترة من نصف دقيقة الى دقيقتين وانا ماشي عل 120 مثلا الاقي المؤشر بينزل لغاية ما خلاص هيدخل على الcold بس انا برجع ادوس تاني بنزين
لكن العربية محدش شال منها ترموستات -على افتراض ان كل العربيات فيها ترموستات-
وعندي سؤال بعد كلامك ... انته كده بتقول ان الاحسن ان الواحد يشغل العربية ومتستناش عليها تسخن يعني ميستناش 5-10 دقائق مثلا
مش ده غلط على الماتور انك تمشي بدون ميسخن في اول اليوم الصبح ؟؟
انتظارك للسيارة إنها تسخن فيه مشكلتين
1- استهلاك بنزين بدون استفادة .. يعني بترمي فلوسك على الأرض
2- وقت أطول للموتور على ياخد وضع التشغيل الفعلي.. وده بيسبب تآكل للموتور وتقصير لعمره على المدى الطويل
وإذا كانت العربية عند حضرتك بتاخد 5-10 دقايق للتسخين.. فده معناه وبكل وضوح إن الترموستات مش موجود عند حضرتك.. أو على الأقل.. عطلان وهو مفتوح.
لو عايز معلومات أكتر ادخل على الموضوع ده.. فيه شرح لكل المميزات والعيوب بتاعت ثرموستات الكوعة
http://www.nilemotors.net/Nile/328708-a.html
...
ان شاء الله هبقا اقرأ الموضوع بتركيز
وانا مكنتش عارف ان العربية مش بتحتاج لتسخين انا كذا واحد قالى انك لازم تستنى شوية لغاية ما الزيت يوصل للماتور عشان الماتور يبقى متزيت والزيت يوصل لدرجة حرارة مناسبة
وانا على الاساس ده بستنى لغاية ما rpm ينزل عن الواحد او مؤشر الحرارة يبدأ يرتفع وبعدين بمشي
للأسف دي كلها معلومات قديمة كان ممكن تبقى صح من 50 سنة.
دلوقتي تكنولوجيا الزيوت والمواتير خلتنا مش محتاجين تسخين... كل الموضوع إننا ناخد بالنا في الفترة اللي الموتور بيسخن فيها (قبل ما يوصل لعلامة المنتصف) إننا ما نرفعش الدوران أكتر من 3000 rpm.. وكمان يفضل إننا ما ننزلش كمان بالدوران لأقل من 1500 أثناء المشي.
كل ده علشان الموتور يطلع حرارة تخليه يسخن بسرعة... وفي نفس الوقت ما نجهدوش
فعليا.. الزيت بيوصل لكل أجزاء الموتور خلال 10 ثواني بالكتير... يعني حضرتك تقدر تمشي بالعربية بعد ما تربط حزامك وتظبط مراياتك وتتأكد من الشارع حواليك أمان علشان تطلع.
أما من ناحية درجة حرارة الزيت... فالزيت متعدد اللزوجة ( اللي كلنا بنحطه في العربية ) بيغنيك عن إنك تستناه لحد ما يسخن.
...