قاعد في أمان الله بتفرج عالجزيرة لقيت خبر حريق المسرح القومي في شريط الأخبار
هحاول أدور علي تفاصيل و كل مصيبة و إنتوا طيبين
عرض للطباعة
قاعد في أمان الله بتفرج عالجزيرة لقيت خبر حريق المسرح القومي في شريط الأخبار
هحاول أدور علي تفاصيل و كل مصيبة و إنتوا طيبين
القاهرة، مصر (CNN)-- شب حريق هائل السبت في مبنى المسرح القومي بوسط العاصمة المصرية القاهرة، مما أدى إلى إلحاق دمار واسع بالمبنى التاريخي، دون أن تتوافر على الفور أنباء عن سقوط ضحايا جراء الحريق.
وذكرت مصادر رسمية أن الحريق تسبب في انهيار قبة قاعة العرض الرئيسية بالمسرح القومي، مشيرة إلى أن الحريق الذي اندلع قبل قليل من انطلاق مدفع الإفطار مساء السبت، استمر عدة ساعات قبل أن تتمكن فرق الإطفاء من السيطرة عليه.
ويقع مقر المسرح القومي في منطقة "العتبة" الشهيرة في قلب العاصمة المصرية، ويُعد وأحداً من أعرق المسارح الفنية في مصر، ويضم عدداً من قاعات العرض المسرحية، إضافة إلى قاعته الرئيسية.
ونقلت وكالة أنباء الشرق الأوسط عن مساعد وزير الداخلية للشرطة المتخصصة، اللواء شريف جمعة، مساء السبت، قوله إنه تمت السيطرة على حريق المسرح القومي، وأكد أنه لا توجد أية خسائر بشرية.
إلا أن مراسل فضائية "الجزيرة" القطرية قال إن ثلاثة أشخاص على الأقل تم نقلهم إلى المستشفيات بعد إصابتهم باختناقات نتيجة الحريق، الذي أشار إلى أنه دمر عدداً من قاعات العرض الفرعية، إضافة إلى انهيار قبة القاعة الرئيسية.
كما نقل موقع التلفزيون المصري عن الوكالة الرسمية أن قوات الإطفاء تمكنت من السيطرة على الحريق، الذي اندلع في أجزاء من المسرح القومي، وتجرى حالياً عمليات تبريد المناطق التي تضررت جراء الحريق.
ونقلت وكالة أسوشيتد برس عن مسؤول أمني رفض الكشف عن هويته، نظراً لأنه غير مسموح له بالتحدث إلى وسائل الإعلام، أن ما يزيد على 22 سيارة إطفاء كانت متواجدة في موقع الحريق.
وأضافت أن سحابة دخان كثيفة غطت سماء وسط العاصمة المصرية، كما قامت قوات الشرطة بفرض طوق أمني حول موقع الحريق، واغلقت جميع الطرق المؤدية إلى ميدان العتبة، للسماح لفرق الإطفاء بالتوجه إلى الموقع لإخماد الحريق.
وأضاف مسؤول أمني أنه يجرى حالياً حصر التلفيات الناجمة عن الحريق، وتحديد حجم الأضرار، ورجح أن يكون الحريق ناجماً عن ماس كهربائي، إلا أنه أشار إلى أنه سيتم فتح تحقيق لمعرفة أسباب الحريق.
وقد انتقل إلى مكان الحريق كل من فاروق حسني وزير الثقافة، ونقيب الممثلين أشرف زكي، لمتابعة عمليات الإطفاء، وفقاً لما ذكرت وكالة أنباء الشرق الأوسط المملوكة للدولة.
يأتي هذا الحريق بعد أكثر من شهر بقليل على الحريق الذي اندلع في مبنى البرلمان المصري، في 18 أغسطس/ آب الماضي، والذي أسفر عن مصرع أحد رجال الإطفاء وإصابة 13 آخرين، كما تسبب في تدمير معظم محتويات مجلس الشورى، الغرفة الأدنى للبرلمان.
وقد أثار "حريق مجلس الشورى" انتقادات حادة بحق السلطات المصرية، خاصة أن الحريق ظل مشتعلاً لأكثر من 16 ساعة، قبل أن تتمكن فرق الإطفاء من السيطرة عليه بمساعدة من القوات المسلحة.
وكان الحريق قد شب بعدد من الحجرات الخشبية فوق سطح الدور الثالث بمقر مجلس الشورى، مما أدى إلى انهيار جزء من المبنى الخلفي، كما تسبب في انهيار جزء كبير من المبنى الداخلي للمجلس، فيما أتت النيران على مبنى "الري" بالكامل، وهو أحد المباني التابعة للمجلس.
كما يأتي حريق المسرح القومي بعد أيام من "كارثة المقطم"، جراء انهيار كتل صخرية ضخمة من جبل المقطم على منازل سكان منطقة "الدويقة" بداية الشهر الجاري، مما أدى إلى انهيار نحو 38 منزلاً فوق رؤوس ساكنيها.
ووفقاً لتقديرات غير رسمية، فقد خلفت "الكارثة"، التي وقعت صباح السادس من سبتمبر/ أيلول الجاري، أكثر من 250 قتيلاً، فضلاً عن فقد نحو 500 آخرين.
تأتي هذه الحرائق وسط تزايد انتقادات للحكومة المصرية من جانب المعارضة، والتي تتهم الحكومة بالإهمال في تطبيق معايير الأمان واشتراطات السلامة، مما تسبب في وقوع العديد من مثل هذه الحوادث مؤخراً.
عتبة عتبة عتبة عتبة
ان شاء الله هيتفتح تحقيق وهيتعرف السبب زي كل مرة!!
لا سحر ولا شعوذة .. مش محتاجين إرهابيين ولا طيارات بتخش في إبراج يا رجالة .. إحنا بلدنا بتقع و تولع لوحدها بالصلاة عالنبي !
قدر الله وما شاء فعل والحمد لله ان ما في اصابات بشريه حتى لو كانت موجودة بالفعل هتبقى قليلة على قول قناة الجزيرة لكن سؤال محير الى متى هيستمر الاهمال اللامبالاة في مصر في ظل تكاسل المسؤولين عن الاهتمام بوسائل الامان في المدينه ؟!!!!!!!
لا بقى كدة بجد كتييييييييييييييييييييييي ييييييييير
هو مين الى واخد توكيل الحرايق اليومين دول !
فكرتونى بحريق القاهرة ...
واضح إن القاهرة إتحسدت يا رجالة :p
والله دا من غضب ربنا علينا
ولذات انه كمان فى الايام المفترجه دى
ياريت كلنا نراجع اللى بنعمله :(:(
بس عاوزين حد يقول للحكومه الكلام دا
كلاكيت 10000 مرة
انا زهقت من كل يوم اخبار وحشة
و الله ما آهو أنا اللي عمل كده
"مصر تنهار ذاتيا!"
حريقة ازاي في المسرح القومي في العتبة وبينها وبين المقر الرئيسي للمطافئ القاهرة بالعتبة خطوات؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ بكرة نسمع عن حريقة في مقر المطافئ ذاته وعجبي.................؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
مسابقة الأسبوع:
أين تتوقع الحريق القادم؟
1- إستاد القاهرة
2- المتحف المصرى
3- مجمع التحرير
4- برج القاهرة
إتصل ب 0000009000 وجاوب وإحجز مقعدك للفرجة على الحريقة وهى لسه طازة :lurk5:
تحت رعاية وزارة السلامة :biggrinjester:
شعارنا :diablo1:"سلامتك تحت جزمتنا" :diablo1:
الظاهر ان منشآت مصر الحكومية بتتعاطف مع ولعة الأسعار :laugh6:
ربنا يستر مم هو آت.
http://lh5.ggpht.com/onlineikhwan/SN...0/DSC_0018.JPG
http://lh5.ggpht.com/onlineikhwan/SN...0/DSC_0038.JPG
http://lh6.ggpht.com/onlineikhwan/SN...0/DSC_0045.JPG
http://lh6.ggpht.com/onlineikhwan/SN...0/DSC_0048.JPG
http://lh4.ggpht.com/onlineikhwan/SN...6/DSC_0062.JPG
http://lh6.ggpht.com/onlineikhwan/SN...0/DSC_0101.JPG
بس انتوا مالكوا يا جماعة متشائمين كده؟ الله أكبر يعني طفوا الحريقة قبل 12 ساعة من اندلاعها :smartass:
فين النار!!!!!!!!!!!!!!
شكلها حاجة بسيطة
الاجابة يا دكتور احمد مينفعش بالايميل عشان اوفر
علي حس الموضوع خدو الخبر ده يمكن بعد سنيين ابقي نوستراداموس ايجبت:
جوه البيت بره البيت
هاتلك كبريته معاك
علبه رخيصه تمنها بريزه
و ولع في الحكومه اللي مش عجباك
بجد حد خد باله ان موضوع الحرائق زاد و بقي عامل زي المسامير الاخيره في نعش ماء وجه التكيه؟
و فعلا المره الجايه هتبقي في قلب مطافي القاهره و كلنا ساعتها هنبارك لاحفاد اسماعيل يس لان ساعتها الارض هترجعلهم و يقدرو يأجروها ايجار قانون جديد
سلسله حرائق
فى القطارات
فى المسارح
فى مجالس الشعب والشورى
فى الاوبرا
ماهى الا مقدمات للحريق الاكبر
حريق القاهره الكبرى
علي فكرة انا ابتديت ازهق
الموضوع مبقاش مجرد اهمال
لا انا ابتديت احس انه بقي ممل
يعني النهاردة لقيت ماما بتقولي المسرح القومي ولع
كاتبين اهم في ال News bar
قولتلها طيب حولي القناة عشان بجد اتخنقت
احنا كنا بندرس في الكلية حاجة اسمها ال Symbolism او الرمزية
اليومين دول بالذات استرجعت المعني ده تاني
حسيت ان كل الحرائق و الانهيارات و المصايب دي ما هي الا Symbol للبلد نفسها
رمز لنفوس الناس اللي انهارت اخلاقها
للحكومات اللي بتدوس علي الشعب الغلبان كل يوم اكتر من اللي قبله
رمز لكل قيمة حلوة كانت موجودة في البلد دي في يوم من الايام بس عدي الوقت و راحت عليها
بجد احنا في مصيبة كبيرة ربنا يطلعنا منها علي خير
انا مش عارفة البلد دي رايحه علي فين
انا شخصيا برشح برج القاهرة:iagree:
و الفاعل المرة دي علي غير العادة هيبقي معروف
ان شاء الله هيكون أنا و اعوذ بالله من كلمة أنا:gun_bandana:
لاني حاسة اني بكده هاعمل خدمة العمر للبلد
و هاغسل عارها قدام كل سائح و مصري
و هارجع للسياحة نشاطها بإذن الله
طبعا انا مش هتكلم كتير و اقول اشمعني البرج:flirt:
اكيد كلكم عارفين
هو انسب اسم بقي يطلق عليه اليومين دول هو الاسم اللي اطلقه عليه العضو المحترم الاستاذ احمد طه
بــــــــرج القاهـــــــرة الشفتشــــــــــي:laugh6:
حريق فى مجلس الشورى حريق فى المسرح القومى حريق فى ؟؟؟؟؟
ياترى مين وراهم !!!
اييييييييييياكش تولع و نبنيها من الاول علا نضافه
تغطية من صحفية اسمها عزة مغازي صاحبة مدونة نثار.. من قلب الحدث
حريق القومى
http://4.bp.blogspot.com/_cdhgy2cfKe...0/IMG_1255.JPG
[IMG]file:///I:/DCIM/100MEDIA/IMG_1308.JPG[/IMG] اعتذر لكم اكتب الان وانا فاصلة وبنام
طبعا انا كنت بعيد ومعرفش عن اللى ذاعته وسائل الاعلام الا اللى كان بيجيلى منكم على جايكو ربنا يعمر بيته
بسرعة هقولكم كل اللى شفته هناك واللى عرفته من كلامى مع الناس
الحريق الاول اندلع حسب كلام العمال بتوع الجراج متعدد الطوابق المواجه للمسرح بداية من بناوير الدور الثانى بقاعة عبد الرحيم الزرقانى هم شاورولى عليها باعتبارها شبابيك
لكن حسب كلام الوزير اللى جالنا من جوة فالحريق بدا فى سوفيته المسرح والخشبة بتاعته
طبعا لانى ساكنة فاخر بلاد المسلمين على بال ما وصلت للمسرح فى العتبة كانت القبة التاريخية للقاعة الرئيسية انهارت خلاص ، انا وصلت حوالى سبعة وربع الحريقة كانت شغالة من قبل الفطار بخمس دقايق حسب كلام عمال الجراج وبالمناسبة محل الادوات المنزلية اللى فى الدور الاول فى الجراج هو اللى بلغ المطافى مجتش من نفسها
http://3.bp.blogspot.com/_cdhgy2cfKe...0/IMG_1261.JPG القبة التى كانت .. الركام ده بقاياها كانت زخارفهاالداخلية ايه فى الفن العربى
القبة التاريخية قبة قاعة عبد الرحيم الزرقانى انهارت بعد عشرين دقيقة من بدء اشتعال الحريق والقاعة دى اتدمرت بالكامل مهياش خسائر محدودة زى ما بيتقال اللى تضررت بس ومباظتش بالكامل هى قاعة جورج ابيض
طبعا كل التفاصيل دى انتو عرفتوها اكيد من الجزيرة وغيرها مش مستنيينى اقولها ، المهم يا جماعة عشان فى حد على جايكو كان بيقول ان تجديد نظام الاطفاء والتامين ضد الحرائق فى المسرح اتكلف 20 الف جنيه لا خالص المسرح اخر مرة اتجدد كان من شهرين ضمن تجديدات البيت الفنى الشاملة قبل المهرجان القومى مباشرة والتجديدات اتكلفت ما يزيد عن اربعة مليون جنيه منهم مليون وربعمية الف لنظام الانذار ضد الحريق
الانذار ده لا يعمل مش عشان هو بايظ لا
لكن عشان ميعملش ازعاج يعنى عشان مش كل واحد يولع سيجارة النظام ده يشتغل فبيطفوه ويريحو دماغهم الامن اتعامل معانا بمنتهى السفالة مفرقش بين صحفى كبير وصحفى سفروت زيى
انا اول ما وصلت العتبة جريت على الجراج فوق عشان عارفة ان ده المكان الوحيد اللى هعرف اصور منه العمال كانوا متعاونين جدا دخلونى واتصرفوا معايا وبذوق وساعدونى واتكلموا معايا وادونى داتا عن الموضوع كنت محتاجاها لانى راحة على عمايا تماما معرفش غير الخبر اللى طيره د مينا على جايكو
الهى يعمر بيت الاتنين ، بعد شوية كان معايا زملاء بقى من البديل اعرف منهم رشا جدة وكان فيه ناس تانية اعرفهم شكلا بس الى جانب الاستاذ مجدى من الاسبوع وزملاء من الدستور وغيره
روزا والجرايد القومية كلها مشفتش ضى حد منهم
الامن ابتدى يرش علينا ميه ويغرقنا احنا والكاميرات عشان يطفشونا وبعدين ابتدوا يتحرشوا بينا ويقولوا مفيش تصوير الا بتصاريح وعايزينا ننزل نجيبلهم تصريح من اسماعيل الشاعر تحت عشان يسمحولنا نصور
لقونا معاندين ابتدت شتايم من نوعية اللى مش هيمشى هطلع دين الست والدته وكده
المهم قفلوا علينا وابتدت ايديهم تتمد على البنات بشكل مستفز كنت صورت كفاية من فوق وعرفت انى مش هطلع اصلا بصور مهمة تانى من المكان ده فحفظت كرامتى ونزلت مع زمايلى
تحت فى الشارع مغامرات بقى عشان اعدى من كردون الامن اللى قفل الشارع تماما وترك للناس مر ضيق جدا يتسع بالكاد لمرور شخص واحد على شارع جانبى يسمحلهم يدخلوا سوق العتبة لكن ميسمحش بالخروج منه المفاجاة ان الناس لما انصاعت لقت الممر مقفول بالامن من الناحية التانية وفضل الكردون مضروب والناس محجوزة لحد الساعة عشرة ونص بالليل
http://3.bp.blogspot.com/_cdhgy2cfKe...0/IMG_1281.JPG
حيث النور الاخضر الممر الذى سمح للناس بالعبور منه بين المتجرين المغلقين
فى الكردون ابتدى الذكور المصريين يقوموا بواجبهم تجاه كل من تثبت عليها جريمة الانوثة وابتدت التحرشات الفجة بالكل دون استثناء وارتفع صوت الاقلام المطرقعة والصرخات والشتايم
صباح الفل يعنى
سيبكم من بقية المغامرات المهم انى عرفت ادخل بمعجزة ما وبعد ما دخلت وصلت قدام بوابة المسرح الساعة تسعة تمام وبعد ما كانت المبردات ابتدت تطفى فوق عشان النار كانت كامنة فى الخشب وكانت بتغافل قوات الدفاع المدنى وترجع تشتعل تانى من جديد فجاة ومن غير ما يكونوا عاملين حسابهم اندلعت النار حيث لا يتوقعوا بالمرة حجرة الديكورات العامرة بالخشب والقماش والمجاور ليها حجرة الوثائق التابعة لمركز المعلومات بتاع مجلس الوزراء وابتدوا يكسروا الشبابيك الاسلامى اللى فجانب المسرح عشان يطفوا المية من برة
http://1.bp.blogspot.com/_cdhgy2cfKe...0/IMG_1287.JPG
حريق مخزن الديكورات لم يملكوا مقاومته سوى من هذه الفتحة الصغيرة التى صنعها الامن بالقاء الطوب على الشباك
المهم استمرت العملية وانا رحت اتابع تصرفات الامن مع الناس كان الامن استفزازه بقى زاد اعتدوا على زميل فى الدستور اعرف شكله ومعرفش اسمه للاسف والاستاذ يسرى حسان رئيس تحرير مسرحنا حاولوا ينتزعوا الكاميرا بتاعته بالعافية وهو بيصورهم وهم بيعجنوا زميلنا بتاع الدستور المهم العملية وصلت لضرب وانا من مكانى كنت بحاول اصور على المتدارى لانى مش جتة وشكلى ميخوفش وميديش صحفية خالص هيعتبرونى بنت صغيرة جاية تتفرج وممكن يزقونى يطلعونى برة ومهما زمايلى دافعوا عنى مش هيعرفوا ولو خرجت مش هعرف اغطى حاجة
http://1.bp.blogspot.com/_cdhgy2cfKe...0/IMG_1291.JPG
المهم صورت حبة وبعدين سمعنا ان فيه مؤتمر صحفى جوا
حاولنا ندخل معرفناش كان الامن ابتدى بقى ياخد الموبايلات والكاميرات من الناس واللى يزعق ويعلى صوته يتاخد على البوكس اللى واقف فاتح دراعاته للكون والناس
المؤتمر الصحفى المزعوم اتخصص لنواب رؤساء التحرير فى الصحف القومية ورغم كدة عرفنا ان الوزير متكلمش معاهم واداهم نفس التصريح اللى اداه للفضائيات
الساعة عشرة وتلت انفضت الليلة وكان واضح انهم اخمدوا الحريق الوزير كان خارج جرينا عليه
راح الامن مدخله جوة تانى ودور فينا الزق وقلة الادب جرينا انا ومنى على الرصيف بعيد وقولنا نصطاد الوزير بعد ما يعدى عشان ناخد تصريح خاص
كان الوزير دخل تانى وبسرعة اتفك الكردون اللى كان قافل العتبة تماما وجابوا العساكر بتوعه مع عساكر الشرطة العسكرية بتاعة الجيش وباقى بتوع الداخلية عشان يعملوا ممر باجسادهم على الجانبين تعدى فيه عربية الوزير بامان بعيد عن جموع الصحفيين بعد ما زقونا وحاصرونا
طبعا انا قلت امشى بكرامتى احسن
دى الصور الواضحة اللى لقطتها
بعتذر عن رداءة التصوير لان انا مش محترفة والكانيرا بتاعتى مش مجهزة للتصوير اللليلى واضطريت ازود زمن التعريض واقلل سرعة انغلاق العدسة عشان ادخل اكبر قدر من الضوء
بكرر اعتذارى واتمنى تلاقوا صور وتغطية افضل
http://1.bp.blogspot.com/_cdhgy2cfKe...0/IMG_1310.JPGالحصار اللى اتعمل على المصورين تخيلوا هم واقفين جوة حزام الامن ده قدام المسرح وانا بصور من جنب البوابةفى صور تانى هحاول ارفعها الصبح اكون لعبت فيها وفتحتها شوية لان الاضاءة صعب ولو جاتلى صور تانية هحطها
بكرر اعتذارى لسوء الصور وغالبا سوء التغطية
لاحول ولا قوة الا بالله طبعا تعليقى متاخر لانى فى الصحراء بره القاهره بسبب شغلى ولسه عارف الموضوع ده دلوقتى بس اللى اقدر اقوله
مصر على شفا حفرة من النار
مصر على حافة البركان
مصر على حافة الهاويه
يا ترى اخرتها ايه؟
وطبعا السبب :ماس كهربائى بهلوانى مجهول المصدر كالعادة
عقبال لما الي في بالي يتحرق كمان
خبوا عيالكو، النار جيالكو
اخر تحذيرات المتسبب فى الحرائق ( الى معاه الولاعة اياها )