عرض للطباعة
ساعدوني لو سمحتوا...انا لسة بتعلم سواقة جديد و محتارة اجيب ماروتي اتعلم عليها 6 شهور كدة و بعدين ابيعها....و لا اجيب اسبرانزا 113...و خصوصا ان السعر متقارب و الفرق في الحجم و الامكانيات كبير..ياريت تساعدوني
تم نقلة لقسم المقارنات وتعديل عنوان الموضوع .
لو هتجيبى حاجه تتعلمى عليها وتبيعها يبقى مش هتفرق
هات اى عربيه ماروتى ماشى اسبرانزا ماشى 127 ماشى علشان مخسريش كتير فى اعاة البيع
هاتي 127 اتعلمى عليها احسن عشان لو اتخدشت او اتخبطت لاقدر الله متزعليش وحجتها رخيصه
هاتي 127 تتعلمي فيها حاجة واحده (الشجاعة ) لانك لو معاكي حاجة نضيفه وجديده هتخافي تنزلي بيها ف وسط الزحمة انما دي تبع المثل (ضربوا الاعور علي عينه ) هتتعلمي وتخبطي وتكسري براحتك ع الاخر وبرده الماروتي كويسة وهتبقي موديل حديث شوية عن ال 127 بس عيبها ان لو حد رجله تقيله شوية علي الدبرياج بتجيب ديسك واسطوانة بسرعة وبالتوفيق ان شاء الله
على حسب ناوية تشتري إيه كعربية ليكي في المستقبل .. يعني لو هتجيبي أتوماتيك فاصبري شوية واتدربي كتير وشوفي حد بيدرب ع السواقة بتبقى الساعة 25 جنيه ومرة في مرة تطلعي ع الطريق وخلاص مش محتاجة تفضلي طول المدة دي مع عربية مانيوال هتتعبك فعلا
لو الاختيار من دول يبقى ماروتى علشان حجمها اصغر .. بس انا رأيي تجيبى 127 علشان تخبطى فيها براحتك .
انا راي التعلم فمدرسة بالنسبة للاساس فقط
ثم ال a 113 كعربــية هتقعد فترة
شكرا لمساعدتكوا