فى انتظار الرد
عرض للطباعة
سعادة الباشا انا مش ناسى حضرتك والله
لكن فعلا انا مشغووووول جدا
على العموم انا ممكن اوصف لحضرتك طريقه عملها
بص يا سيدى
هاتفك العدادات بتاعتك
العدادات لو انا فاكر صح راكب عليها فيشتين
فيشه منهم اسمها M01-B
الفيشه ديه تقريبا على ناحية اليمين
الفيشه ديه السلك رقم 20 فيها هو المسئول عن لمبة الفوج
حضرتك المفروض تلاقى السلك ده واصل لغاية الدراع تحت أو عند تجميعة السلوك عند علبة الفيوزات
ولو ملقتوش واصل - تبقى مصلحه جداااااااااااااااا
كلبس سماعات يا معلم وتحشره وتشتغل نسبيا وانت مطمن
المفروض انك تقطع السلك ده بحيث انه لو كان واصل للكنترول بتاع العربيه ميحصلوش حاجه وتوصله على فردة الكهرباء اللى خارجه ورايحه للفوج
وطبعا انت هاتعمل كل ده على مسئوليتك
المخاوف
ان الداخل بتاع اللمبه يكون مش 12 فولت ويكون 5 أو 6
بصراحه قلبت المانيوال ومعرفتش اوصل لحاجه
الاضرار المتوقعه
ممكن تطير كنترول العربيه
ممكن تبوظ العدادات كلها
ممكن تبوظ جزء من العدادات
ان شاء الله ولا حاجه من اللى فاتت تحصل
للمره الاخيره حضرتك بتشتغل على مسئوليتك - متنساش تصور اللى هاتعمله
لو استفدت حاجه من كلامى اسألك الدعاء لوالدى بالرحمه ولأمى بالشفاء - ولو عايز تزود من عندك يبقى ربنا يبارك لك
أولاً : أشكرك شكراً جزيلاً .
ثانياً : اللهم اغفر لوالديَّ ووالدك و ارحمهما و عافهما و اعف عنهما و أكرم نزلهما ، ووسع مدخلهما و أغسلهما بالماء و الثلج و البرد ، و نقهما من الخطايا كما ينقى الثوب الأبيض من الدنس .
ثالثاً : اللهم اشفي امك شفاء ليس بعده سقما
آللهم خذ بيدها اللهم احرسها بعينيك التى لا تنام .
و اكفها بركنك الذى لا يرام و احفظها بعزك الذى لا يُضام .و اكلأها فى الليل و فى النهار .
و ارحمها بقدرتك عليها أنت ثقتها و رجائها يا كاشف الهم . يا مُفرج الكرب يا مُجيب دعوة
المُضطرين .اللهم البسها ثوب الصحة والعافية عاجلا غير اجلا ياأرحم الراحمين..
اللهم اشفها اللهم اشفها اللهم اشفها..
علشان تعمل كده محتاج عربيه اساسا فيها فوج لايت وتقيس الداخل بتاعها
عندى اقتراح تانى وهو ده اللى انا هاعمله بس لما أفضى
اللمبه بتاعت النور العالى لازم هايكون الداخل بتاعها زى الفوج لايت
لو عرفنا السلك بتاعها نقيسه ونشوفه 12 ولا أقل وعليه نبدأ نشتغل
وممكن تشتغل بطريقه ابسط (طريقة الكهربائيه)
امسك الفيشه اللى على اليمين واعرف الارضى بتاعها فين
وعيش يا معلم بالافوميتر بتاعك وقيس كل الاطراف - لو أى قراءه طلعت أقل من 12 يبقى وقف شغل لغاية لما تعرف الدنيا ماشيه ازاى