حد من حضراتكو عنده فكرة عن دجلة بالمز معمار المرشيدى فى اكتوبر ب 103 ألف ؟
علشان بشاهد إعلاناتهم فى التليفزيون الشقة ب103 ألف فقط وأنا مستغرب للأسعار دى فى مصر الآن !!!!!! وكمان فى معمار المرشيدى !!!!!!!!!!!!!!!!!!!!! إزاى ؟؟؟؟؟؟؟
ولسيادتكم جزيل الشكر
متابع
متابع
متابع
مش متابع :)
منقول من رد على سؤال مشابة عن دجلة بالمز
اختى العزيزة
انا ذهبت فى زيارة لموقع دجلة بالمز وكان الانطباع سىء وذلك للاختلاف عن ما تسمعية او تشاهديه عن الحقيقة الموجودة ...
اولا: موظفى الشركة ( المبيعات ) بالموقع يعتمدون على اسلوب غير محترم بالمرة فى اخفاء الحقيقة عن كل المشاهدين لنماذج الشقق فهم يعتمدون فى الشرح على ماكيت او نموذج لدجلة بالمز ككل وعندما يتم سؤالهم هل يوجد شقق متشطبة لرؤيتها على الحقيقة ؟ فالاجابة تكون دائما ان المشروع لم يكمل بعد لذلك لانستطيع رؤية اية نموذج لشقة ......... معا العلم ان يوجد فى الموقع نموذج لشقة من الشقق موجود ومتشطب لمن يريد ان يشاهدة . ولكن تم اعطائهم اوامر بأخفاء هذا النموذج وعدم مشاهدتة لاى شخص ( هذا حصل معى شخصيا ) لان رؤية نموذج الشقة متشطبة ومفروشة فرش صينى مختلف تماما عن رؤيتك واحلامك للمكان قبل رؤية النموذج ...فهو لايناسب الاسرة المصرية ابدا ولكن ممكن لاسرة مكونة من فردين فقط
ثانيا : انصحك بالبعد عن دجله بالمز لان المساحات صغيرة جدا ولا تناسب اسرة مصرية حتى فى حالة انك تفتحى الشقتين على بعض يوجد بعض المصاعب فى ذلك وكمان الشقق مصممة على احتياجات صغيره جدا لا تناسب معظم افراد الاسرة المصرية مثال لذلك غرفة النوم المستخدمة فى الشقق لا تستحمل غرف نوم كبيرة وهذا غير موجود عندنا كأسرة مصرية وكذلك المطبخ وتقريبا جميع الغرف.... فمقاسات الفرش المستخم صغيرة جدا وغير مناسبة للاسر المصرية تماما ..
ثالثا: المكان بعيد جدا فهو امام المنطقة الصناعية والمقابر وكمان فى صحراء بعيدة ...............
هذا رأى الشخصى عن دجلة بالمز .....
و معلومة اخرى بين دجلة بالمز و ميدان الرماية ساعة على طريق الفيوم و 40 كيلومتر من مدينة الفيوم
في الحقيقة معظم الشقق اللي اتفرجت عليها وبيقولو عليها 65 متر دي
غير مصممة للبني ادمييين الاسوياء يعني لو اتمطعت في غرفة النوم ممكن ايدك تخبط في اللي قاعد في المطبخ
ايه ده مش ممكن دي شقق مصممة للاقزام
والله خسارة التكلفة والمواقع المميزة اللي شفتها لبعض المشارع والشقق عاملة زي علب الكبريت
انا بيتهايألي لو اسرة اتنفست في الشقة وهي مغلقة ممكن يتخنقو لنفاذ الاكسجين حاجة مرار
انا ممكن افيدك عن تجربتى مع دجله جاردنز مش بالمز
مفيش التزام - مفيش احترام - معامله سيئه - حجج كتير - مساحات صغيره - بعيده
انا كنت حاجز و عملت فسخ تعاقد
نصيحه بلاش احسن