مشكلة في البيكانتو ارجو المساعدة والراي
عربيتنا بيكنتو 2004 لسه واخدينها من قريب لينا العربية عاملة 64 الف كيلو واحنا راجعين بيها من الصعيد علي طريق الجيش حصل الاتي سمعتت صوت جامد كده والعربية بقت تدي صوت مقطع كده زي صوت ماتور الماية فتحنا العربية لاقينا بوجيه من البوجيهات طاير وسخن اوي رقم اتنين من اليمين حاولنا نركبه لاقينا المكان بتاعه وسع شوية كملنا بالعربية 60 كيلو كده لاانا كنا عالطريق الصحراوي لاقرب مدينة الميكانيكي قال عايزة قاعدة للبوجيه عشان مكانه وسع طبعا راحنا للمخرطه عشان يطلع القاعدة البايظة القديمة اللي راكب عليها البوجيه بعد شغل طلع القاعدة القديمة وركبلنا قاعدة جديدة اشتريناها من محل قطع غيار وركب عليها البوجيه تمام ومشينا بالعربية 100 كيلو تقريبا وراحت عاملة نفس الحركة برضه تاني البوجيه يخرج من مكانه ومكانه يوسع ومينفعش يتركب بالمفتاح بتاعه اللي اشتريناه ساعتها للطواريء المهم اضطرينا بقي المرة دي نكمل بقي مسافة اطول للاننا كنا طلعنا علي الصحراوي تاني مشينا بالعربية فحدود 200 كيلو لغاية البيت وهيه بتعمل نفس الصوت ده
فسوال ليكم اعزائي لو سمحتم لاي مدي ممكن يكون الماتور اتضرر بالوضوع ده وايه الحل دلوقتي لاني خالي كان معانا وقال اننا نعمل قاعدة جديدة بس مش جاهزة تتعمل فالمخرطة او انها ممكن تحتاج طقم شنبر
