مكسوف أكلمها ... ومش عارف أقولها أيه !!

مساء الخير ...
عندي مشكلة الحقيقة ... قرفاني في عيشتي. دلوقتي ... انا ساكن في سته اكتوبر والمنطقة هادية. ... سكان جداد جم وسكنوا في العمارة ... واكمن شقيتي معمولة كامر مش فلات. فاي خبط. او دبت رجلين بتسمع عندي في السقف فوق نفوخي ، و من ضمن السكان الجداد

https://encrypted-tbn2.gstatic.com/i...mzP-0jHXDrdbNQ

واحد مراتوا قاااد كدة. ... واحساسي بيقول الصوت طالع من عندهم ... بالذات بالليل لغايت الساعه ٢ الفجر ببقى نايم وسامع صوت. دبت الرجل. هبد كده على السقف ... ومن كتر الهبد. عارفين الحتت الي بين الحيطة والعمدان ابتدت تشرخ والحيطة تفلق ... بس كمان. بصراحة مكسوف اكلم الراجل او الولية مراتوا وهقلوا ايه. مراتك فلاقيت الحيطة عندنا وشراخيتها .... ولا هقولوا خلي مراتك تخف رجليها من على الارض شوية. عاوزين ننام !!!

بس برضوا كلو كوم وبرضوا. لينا جار تاني. مراتوا متعرفش ايه هبلة ولا عقلها لاحس. بتقعد تلعب مع العيال ولادها استغوماية بالليل ... ودول. كلمتهم وقلتلوا يا استاذ فلان معليش طلب سخيف شوية. وارجوك اعذرني ورايا شغل الصبح ومش عارف. انام من صوت جري العيال عندك ( وكان نفسي اقولوا والهبلة مراتك ) الي سامع صوتها. من شقتي وهيا عماله تدحك وتلعب مع العيال وتزغزهم الساعه ٢ الفجر !!!

حتى الي داخل البيت فالمسا. بيقفل باب العمارة بغييييييييل. والباب حديد يقوم رازعوو طراااااااااخ يصحي امة لا إله إلا الله ... والمشكلة عندنا الحته هوس هوس ودول مافي عندهم دم ولا ادب ولا إحساس حتى . ايه رأيكم تنصحوني اعمل بجد هيجيلي العصبي من صوت الهبد والخبط بتاعهم .... ده حتى كرسي السفرة بدل ما يشيلوه تلاقيهم بيجرووووه جر كده على السيراميك تحس انهم بيحفروا خط برلييييف في الارضية .... فانا بسئل نفسي هل في عيب في تصميم المبنى بحيث ان اقل خطوة بتسمع العمارة كلها. ولا العيب فيهم ولا في وداني ... ولا. العيب في تشطيب الشقة ذات نفسها. ان صاحب الشقة محطش رمل. كفاية بين السيراميك وبين الارضية وبقول احتمال الرمل. ده بيعمل عمليت امتصاص صدمات الرجلين.

@@@@@@@
وتحياتي

الحاجات دي كلها حلها الاحساس
لازم يكون الجار بيحس وبيراعي جاره
لو مفيش كده يبقي منين الحل ؟ !

انت ممكن تروح الحي..وتجيب مهندس تورية التشققات...وتعرفة ان السبب من الست ذكيا ذكريا...ساعتها هيعمل امر ازالة.....للست طبعا.

ربنا يكون فى عونك

ههههههههه مفيهاش كسوف دى يا باشا ولا زعل كلمتين هاتقولهم لجوز الوليه دى .. انا راجل بصحى الصبح بدرى وبروح شغلى ومش عارف انام من الوليه الفقر مراتك لا بلاش فقر دى واكيد هايلمو نفسهم بعد كده .. انا عارف انا نوعيه الناس دى وقابلنى كتير زيهم .. ناس مزاج عندهم يخبطو ويهبدو ويرزعو ويتنططو على الصبح من الساعه 2 الصبح ومعاك لغايه الساعه 5 الفجر .. وتلاقى بردو واحد حداد ولا واحد مبلطاطى ولا ولا الخ .. ميحلاش عندهم الشغل غير لما يوجعو دماغ ام الواحد على الساعه 3 الفجر .. طب يا عم انت ما النهار عندك طويل سايبلى النهار وجى تشتغل فوق نافوخ امى انا على الفجر .. ناس غريبه والله ربنا ياخدهم اجمعين .

بالنسبه للى بيرزع باب العماره انت ممكن تكتب ورقه وتقول فيها من فضلك اغلق باب العماره برفق من باب الذوق وتلزقها فى ضهر الباب اما بالنسبه لجارك ومراته برضوا اكتب ورقه وقول فيها عايز انام ياخوانااااااااااااا

الحل او سيكون الحل فى الآخر انك هتعزل
انت مينفعش تعيش فى العماره دى خلاص كل الظروف ضدك تقدر تقول ان كل حلفائك بعوك
اهرب بجلدك
انت ساكن فى الاول يعنى باب العماره ممكن يعملك عقده
وزكيا زكريا مش سهله ممكن تبعت تنفخلك البلالين

ربنا معاك على فكره مهما تقول لهم هيعتذروا وسيظل الموضوع كما هو عليه
انا اكتر واحد حاسس بيك بس هيئت نفسى على كده انا اصلا محدش ساكن فوقى ولا تحتى بس والعياذ بالله جنبى عماره 13 دور وفى ضهر بيتى عماره 13 دور كل دور شقتين والكارثه انهم بيتشطبوا بالطريقه الممله جدا
وتخيل كل الصنايعيه ميحلاش لهم الشغل غير من الساعه 5 صباحا وهبد ورزع على فترات والكام ساكن بيطلعوا على السلم كأنهم مجانين بجد حاجه قمه فى قله الذوق وعدم الحفاظ على مشاعر الغير
فربنا معاك حاول تهىء نفسك على كده ده شغل همج مش بنى آدمين

المشكله بتاعتك مش مشكله فرديه يا باشا دى مشكله ناس كتير حاليا فى كل الاماكن انا برضوا الشقه ال فوقى الست بتلبس تقريبا جزمه بكعب فى الشقه وعماله تركز والسكان تلاقى كل واحد راكن عربيه فى فدان ارض ومش عامل حسابه ان فى جار عايز يركن

هههههههههههه

انا داخلة اشكرك على جرعة الضحك اللي أخدتها من الموضوع
بصراحة العمل عمل ربنا هتعمل إيه بس برضو حاول تقولهم يمكن ميعرفوش اللي حضرتك بتعاني منه

بص
مفيش حاجة اسمها اطلع لهم واكلمهم بالذوق وبعد اذنكم والصوت عالي والكلام دا
كنت بتبع الطريقة دي مع ناس كتير وثبتت فشلها الذريع
هيقولوا عليك طيب
انت يوم بالليل لما تسمع صوت عالي او ضوضاء تطلع ترزع ع الباب بتاعهم وتسمع بيهم الناس كلهم وخناقة تمام
والكل هيتلم

تعرف يا باشا ,,
ف سويسرا ممنوع حد يشد السيفون (ع فكرة دى كلمة فرنسى le siphon) بعد الساعة 10 مساءا
و هناك ممنوع حد يحرك اثاث البيت بعد الساعة 8 مساءا
و ممنوع حد يستخدم الغسالة او الأله اللى بتقطع العشب يوم الحد

اقتباس:

---

المشاركة الأصلية كتبت بواسطة omar11112010

بص
مفيش حاجة اسمها اطلع لهم واكلمهم بالذوق وبعد اذنكم والصوت عالي والكلام دا
كنت بتبع الطريقة دي مع ناس كتير وثبتت فشلها الذريع
هيقولوا عليك طيب
انت يوم بالليل لما تسمع صوت عالي او ضوضاء تطلع ترزع ع الباب بتاعهم وتسمع بيهم الناس كلهم وخناقة تمام
والكل هيتلم

---

يافندم دول جيرانه وهيفضلوا جيران لفترة طويلة مينفعش يكون بينهم التعامل كدا
يكلمهم بالذوق مرة وإتنين وتلاتة

مفيش مشكلة يجرب عادي بس المشكلة ان دا بيبقي طبع

اقتباس:

---

المشاركة الأصلية كتبت بواسطة monamize4

ف سويسرا ممنوع حد يشد السيفون (ع فكرة دى كلمة فرنسى le siphon) بعد الساعة 10 مساءا
و هناك ممنوع حد يحرك اثاث البيت بعد الساعة 8 مساءا
و ممنوع حد يستخدم الغسالة او الأله اللى بتقطع العشب يوم الحد

---

التزام ما بعده التزام

اقتباس:

---

المشاركة الأصلية كتبت بواسطة j a g u a r

التزام ما بعده التزام

---

ياريت يا باشا كنا حتى ف ربع (مش هقول زى او حتى نص) التزامهم

الناس اللى بتعمل دوشة الساعة 3 او 5 الفجر لو كانوا ف مكان غير مصر
اعتقد كان زمانهم اتسجنوا

اقتباس:

---

المشاركة الأصلية كتبت بواسطة monamize4

ياريت يا باشا كنا حتى ف ربع (مش هقول زى او حتى نص) التزامهم

الناس اللى بتعمل دوشة الساعة 3 او 5 الفجر لو كانوا ف مكان غير مصر
اعتقد كان زمانهم اتسجنوا

---

اه والله عندك حق .. بس احنا للأسف شعب عمره ما هيتقدم ولا هايلتزم ابدا .

هههههههههههههههه
انا اول ما قريت العنوان كنت فاكرك معجب بواحده وعايز تتقدملها :C_laugh[1]::C_laugh[1]::C_laugh[1]::C_laugh[1]:
مشكلتك ملهاش حل خالص, احتسب عند الله و اصبر و ربنا هيحلها من عنده

حل مشكلتك انك تسكن فى منطقة دوشة (شارع رئيسي مثلا )
ساعتها الاصوات الخارجيه كلها هتتداخل مع بعضها وودنك هتتعود عليها ومش هتحس بازعاج
لكن لو ساكن فى منطقة هاديه ودنك هتتعود على السكون واى صوت خارجي هيسببلك ازعاج ويعصبك

مشكلة فعلاً. ... وهكلم مين ولا مين
يعني بالله عليكم ده اسمو كلام الافندي ومراتوا طلعوا ولسه مرجعوش ويارب ما يرجعوا بس ايه بقه سايبين الشيش مفتوح ومش مشنكلينوا يعني مش حاطين الشنكل في الشيش. والهوى قاعد يرزع في الشيش يمين وشمال ... يعني حتى وهما مش موجودين مخلين الشيش شباك بيتهم يقوم بمهمت ازعاجنا ... يعني بجد ملهومش حق.... ومش ناقص غير المره الجاية وهما خارجين من البيت يشغلوا صوت الكاسيت او التلفزيون على الاخر اهو يعمل ونس في الشقه وهما غايبين :)

وانشالله ما عن حد ارتاح غيرهم ... مش عاوز اقولكم. ان الي كانوا ساكنين قبلهم كانوا بينشروا الغسيل مبلول ويقعد ينقط على غسيلنا. تصوروا ناس عايشة في سنة ٢٠١٣ وفي مدينة سته اكتوبر ولغايت دلوقتي مسمعوش عن اختراع اسمو مجفف ملابس . هقول ايه ولا ايه خليني. ساكت كفاية ميكرفونات الباعه الجائلين وبتوع الروبابكية وخبط بتوع الانابيب ... لكن السؤال المهم مفيش حبوب زي بندول كده تخليني باااارد

اقتباس:

---

واكمن شقيتي معمولة كامر مش فلات.

---

يعنى ايه من فضلك

أنا جيراني مش مزعجين (لحد دلوقتي) باستثناء حد في بيت جنبنا مربي فراخ والديك بتاعهم بيدن طول الليل مش شبيهمد الساعه 2 شغال و 5 شغال و 7 شغال بس ده أمره هين بس مشكلتي بقى في بتوع الروبابيكيا والانابيب عايز أقتلهم كلهم عشان أرتاح.

بص ياباشا
على رأي أخونا الفاضل استاذ صدام
قولا واحدا مشكلتك ليس لها حل
لان العنصر المشترك في جيرانك هو عدم إلاحساس
وهذا الشىء لا يعطى إلا بالفطرة
فلا تنتظر أن يتحسن سلوكهم وحاول تأقلم نفسك

اقتباس:

---

المشاركة الأصلية كتبت بواسطة mk3

يعنى ايه من فضلك

---

السقف عندي معمول نظام كمر. الي هو تلاقي عمو خرساني مائل راكب فوق عمود خرساني واقف وتوضع في النهاية السقف على الكمر والعمدان ... السقف الفلات هو بيجي حته وحده صبة وحده فوق العمدان ... الفرق بينهم. ان اي دق او اي خبط في العمدان او في الكامر بتلاقيه يسمع العمارة كلها بعكس خبط في الحيطة بيبقى ازعاجوا محدود .... وبمعنى اخر ممكن تكون قاعد جوا عربيتك. واي حد يجي يسند على عربيتك من بره او يخبط على الصاج احساسك وانتا جوا العربية متحاوط بالصاج من جميع الجهات بيبقى عالي جداً وتحس الرنه او الخبطة عمالة ترن في العربية كلها ... ده نفس احساسك برضوا لمن بيكون بيتك مبني بسقف كمر مش فلات ... لان الحديد المسلح المدفون في الحيطة بيوصل ذبذات الصوت بشكل اسرع واقوى من الطوب والرمل والاسمنت


استاذ احمد فعلاً اثرت نقطة غريبة عجيبة الناس الي بتربي وز وبط او ديك يقعد طول الليل يكاكي ... او الي حابس كلب في البلكونه ويفضل الكلب يعيط طول الليل ... والبياعين الي اقل بياع حتى لو بيبع قرنبيط او بطاطا. بقه يجيب ميكرفونات بصراحة المواطن المصري مظلوم في بيتوا وفي مسكنوا ... وفي النهاية. نلوم على الناس ونقول هو مال الناس بقو عصبيين وروحهم في مناخيرهم ومحدش مستحمل التاني !!! ماهو يا عيني من قلت الراحة الي بيشوفوها ... حتى حالات الطلاق المتفشية في مجتمعنا سببها ان الزوج مش قادر يرتاح في بيتوا واقل مشكلة بتبقى روحوا في مناخيروا ومراتوا كمان لانها مش مرتاحه في بيتها من الدوشة الي بتسمعها يومياً فبيفتكروا ان الطلاق هو الحل ... وبيتخذوا هذا القرار وهما مش في وعيهم ... واحد مش مرتاح نفسياً في بيتوا ازاي تتوقع انوا يستطيع يبني بلد او حتى يبني اسرة ... وتحياتي

اقتباس:

---

المشاركة الأصلية كتبت بواسطة monamize4

تعرف يا باشا ,,
ف سويسرا ممنوع حد يشد السيفون (ع فكرة دى كلمة فرنسى le siphon) بعد الساعة 10 مساءا
و هناك ممنوع حد يحرك اثاث البيت بعد الساعة 8 مساءا
و ممنوع حد يستخدم الغسالة او الأله اللى بتقطع العشب يوم الحد

---

ليه بس كدة فكرتني بدول تحترم القانون
انا كنت في ايطاليا سنة 2008 وكنا مأجرين شقة من واحد مصري قاعد هناك وهو قعد معانا فيها بعد ما اجرهالنا هههههههههه.
المهم احنا كنا 7 في الشقة دي لا ومش بس كدة كنا عاملين الشقة جامعة الدول العربية يعني تلاقي واحد جايبلنا شوية ناس من موريتانيا ومره حد يجبلينا شوية من فلسطين على مصريين والخ
مرة بالليل نسينا نفسنا والهزار الشتغل والصوت علي وخبط ورزع وحكاية
لاقينا اسامة صاحب الشقة جاي يجري وبيخبط علينا ووشكله عامل زي اللي بيتهم وقع وبيطالبنا بالسكوت ونطفي النور وننام ههههههههههه
الحكاية ان جمبنا واحدة ست انزعجت من اصواتنا وعشان عارفه اسامة اتصلت بيه بدل ما تتصل بالشرطة وقالنا لو اتصلت بالشرطة كنا هنبات في القسم عشان بنزعج البامبينو .

بص ياباشا انا مغترب ولما اجرت شقتى كان نفس الكلام غسيل ومسح وكنس وخبط بعد الساعة 2 وده بسبب ان المياة فى المنطقة طول النهار ضعيفة ومش بتيجى غير بالليل ده اول حوار الراجل والست ينزله من هنا وثلاث عيال بيشتغلو رقص ودب ولعب وحاجة زفت ده وسط النهار انا بقى عملت ايه
1- نزلت جمعت البوابين واستنيته هوه ومراته لحد لما جه فى يوم والراجل صراحة كان فى نصف هدومه لما لقانى واقف فى الشارع مستنيه
2- طلعت خبط مرة وش وقلتله يابيه انا عندى شغل الصبح قالى انا اسف
3- عرفت اسمه فلما يحصل حاجة فبطلع البلكونة وبنده عليه عايز اقولك العيال بقت مرعوبة تقفل الشيش والنوم يشتغل ومرة مع مرة ندهت ثلاث مرات فقط وطبعا الناس كلها بتطلع وتسمع حوارى بكل ادب معاه عايز انام والموضع قل بنسبة 80%

السلام عليكم ورحمة الله وبركاته
ربنا يعينك ويقويك بكل تأكيد على المأساة إللي بتعيشها دي
لكن لي ملاحظة بسيطة أتمنى أن تتقبلها بصدر رحب مني
باين على حضرتك من النوع إللي كل شيء بيزعجه وقلوق جداً
وبيفضل الهدوء وكل الحاجات دي متنفعشي وسط ناس وجيران
أبسط شيء هتتقال لحضرتك لو مؤدبين :ـ حاضر من عينينا
ولو نص مؤدبين :ـ والله كل واحد حر في شقته يتحرك فيها بالشكل اللي يريحه
ولو بقى كعامة الناس دلوقتي متهيألي هتسمع تيييييييييييييييييييييييي ييييييييييييييييييييييييي ييييت
يعني مفيش غير إن حضرتك تحاول تتأقلم مع الدوشة والازعاج ده شوية
أو تعزل وتسكن لوحدك من غير جيران
إنتهى أيها الأخ الكريم عصر الإحساس بالجار ومراعاة شعوره وكأنه بقى أولد فاشون
الله المستعان وربنا يعينك على ما بلاك

علشان كدا لما بسكن بسكن في اخر دور
انت ممكن تعمل عازل صوت في الغرفه بتاعت النوم صحيح ان العازل دا ممكن يكلفك شويه بس اهو حل
ممكن تروح لاي مكتب ديكورات وهو هينفذلك الموضوع دا باكثر من طريقه

انا لما كان بيحصل معايا كده زمان كنت بحط قطن فى ودانى و انام

بدل الشقه بشقه دور اخير

اقتباس:

---

المشاركة الأصلية كتبت بواسطة mahmoudysf

ليه بس كدة فكرتني بدول تحترم القانون
انا كنت في ايطاليا سنة 2008 وكنا مأجرين شقة من واحد مصري قاعد هناك وهو قعد معانا فيها بعد ما اجرهالنا هههههههههه.
المهم احنا كنا 7 في الشقة دي لا ومش بس كدة كنا عاملين الشقة جامعة الدول العربية يعني تلاقي واحد جايبلنا شوية ناس من موريتانيا ومره حد يجبلينا شوية من فلسطين على مصريين والخ
مرة بالليل نسينا نفسنا والهزار الشتغل والصوت علي وخبط ورزع وحكاية
لاقينا اسامة صاحب الشقة جاي يجري وبيخبط علينا ووشكله عامل زي اللي بيتهم وقع وبيطالبنا بالسكوت ونطفي النور وننام ههههههههههه
الحكاية ان جمبنا واحدة ست انزعجت من اصواتنا وعشان عارفه اسامة اتصلت بيه بدل ما تتصل بالشرطة وقالنا لو اتصلت بالشرطة كنا هنبات في القسم عشان بنزعج البامبينو .

---

هههههههههههههه
معلش المصرىين بياخد فترة على ما يتعودوا ع النظام لما يروحوا بلد بره مصر
لكن صدقنى بعد كدة بيبقى معظمهم ملتزم جدا هناك
و للاسف لما يرجع مصر تانى بيرجع تانى نفس الشخص القديم

ورقة على باب العمارة فيها كلمتين حاميين يخلو الى معندوش دم يحس وكلمة جنب باب شقتك واكتب فيها اى حاجة ذى ان انكر الاءصوات لصوت الحمير او اى حاجة

اقتباس:

---

المشاركة الأصلية كتبت بواسطة omar11112010

بص
مفيش حاجة اسمها اطلع لهم واكلمهم بالذوق وبعد اذنكم والصوت عالي والكلام دا
كنت بتبع الطريقة دي مع ناس كتير وثبتت فشلها الذريع
هيقولوا عليك طيب
انت يوم بالليل لما تسمع صوت عالي او ضوضاء تطلع ترزع ع الباب بتاعهم وتسمع بيهم الناس كلهم وخناقة تمام
والكل هيتلم

---

سيدنا النبى صل الله على وسلم وصانا على الجار يااستاذى انت ترضى ان جارك يطلع يخبط عليك بليل بالمنظر ده ؟

مره قعدت شهر كامل العمارة اللى لازقة فينا اتنين سكان اتفقوا يهدوا السقف وقعدوا يهدوا حوالى شهر كامل اللى يغيظ بقى ان فى واحد ابن تيت كل يوم من الصبح لغاية الساعة 10 بالليل يقعد ينقر بشكوش لغاية لما جبلى الهسهس مرة كلمتهم وبعدين طنشت
المصيبة انى هنقل جنب واحد طماع وحسود وعينة وحشة جدا ونفسة ياخد شقتى الجديدة

المهم انا شايف انك تكلمهم بكل هدوء مرتين تلاتة ويكون فى حد معاك من الجيران او الاصدقاء بين كل مرة فترة لو الموضوع ما اتحلش اعمل عبيط او اعمل غاغة وقل ادبك عليهم
دا اللى انا لسة متعلمة جديد ههههه

السخرية العنصرية من اصحاب الوزن الزائد على فكرة غير مقبولة و مهينة جدا

و هل حضرتك ترضى ان جارك يخش منتدى يشبه زوجتك بشخصية قميئة زي زكية زكريا؟

اقتباس:

---

المشاركة الأصلية كتبت بواسطة أحمد كمال

السخرية العنصرية من اصحاب الوزن الزائد على فكرة غير مقبولة و مهينة جدا

و هل حضرتك ترضى ان جارك يخش منتدى يشبه زوجتك بشخصية قميئة زي زكية زكريا؟

---

+111111111