يا جماعة الخير انا نقلت حسابي من بنك فيصل لبنك ابوظبي الاسلامي كنوع من التغيير وبردو عشان زهقت من زحمة بنك فيصل
فهل حد سأل شيخ بيفهم في الاقتصاد عن كحم التعامل مع هذا البنك ؟؟؟
وما حكم استخدام بطاقة الكاش باك اللي بيصدرها البنك ؟؟؟
عرض للطباعة
يا جماعة الخير انا نقلت حسابي من بنك فيصل لبنك ابوظبي الاسلامي كنوع من التغيير وبردو عشان زهقت من زحمة بنك فيصل
فهل حد سأل شيخ بيفهم في الاقتصاد عن كحم التعامل مع هذا البنك ؟؟؟
وما حكم استخدام بطاقة الكاش باك اللي بيصدرها البنك ؟؟؟
البنك الاسلامى لا فرق بينه وبين البنوك العادية الا الاسم والادلة كثيرة منها ما تسال عليه حضرتك فالكاش باك لو حضرتك اتاخرت فيه عن 55 يوم هيحسب عليك غرامة تاخير وده صريح الربا ونفس الشرط فى التمويل العقارى ونفس الشرط عند شراء السيارات وكان ليه تجربة شراء سيارة مع بنك فيصل لم تتم الحمد لله انما كانت سبب انى افك الوديعة لما رايت حقيقة الارباح التى تاتى من غرامات التاخير الربوية ومن البيوع الفاسدة والحمد لله
انا بتعامل مع فيصل وابو ظبى الاسلامى.
يؤسفنى اقولك. كلها مسميات وضحك على الدقون.
مش عارف اعمل ايه يا جماعة عشان مدخلش في دايرة الربا
طب لو انا تبرعت بالفوائد يبقى خلاص مش عليا ذنب ولا ايه لاني اكيد مش هسيب فلوسي في البيت وغير كده يبقى انا بعمل اللي عليا وخلاص
وبالنسبة للكاش باك لو انا رجعت الفلوس قبل 55 يوم يبقى خلاص مفيش مشكلة لاني محتاجها عشان احجز من على النت او اشتري حاجات من بره
افتح حساب جاري
في حاجة اسمها Debit Card عبارة عن كارت زي الفيزا بالضبط بس الفرق انك مش بتصرف غير اللي بتشحنه فيه ، يعني مش كريديت بتسحبه ولازم تسدده خلال 55 يوم ، لأ ده انت بتحط الفلوس اللي عايز تصرفها بنفسك وبعدين تصرفها في أي وقت وبالطبع مش مطالب انك تسددها تاني لانك حطيتها مقدما بالفعل
مش هتقل ولا حاجة اللي أعرفه إن مفيش مصاريف على الحساب الجاري شهريا إلا لو نزل عن الحد الأدنى اللي هو 500 جنيه مثلا في البنك الأهلي المصري بتدفع 10 جنيه كل شهر لو رصيدك أقل من المبلغ ده وتقريبا كل سنة رسوم التجديد بتبقى كلام فاضي برده مش عارف 35 جنيه ولا كام ، معرفش النظام ايه في فيصل وأبو ظبي بس ممكن تدور على أقل بنك بياخد مصاريف إدارية وتفتح الحساب فيه
وبخصوص الDebit Card برده ممكن تشوف بنك بيقدم الخدمة دي خروجا من الخلاف على الكريديت كارد لأن في بعض أهل العلم لم يجيزوها حتى لو هتسدد في الموعد على اعتبار إن العقد في حد ذاته محرم لأنه اتفاق على ربا
طبعا لأ لأن ده تعاون معاهم على الربا بمالك وأنت تعلم .....حضرتك الخوف من سرقة المال اذا لم توجد وسيلة اخرى لحفظه فهذه ضرورة أجازها أهل العلم بضابط عدم وجود وسيلة أخرى لحفظه على أن يكون حساب جارى فقط ليس استثمارى وليس وديعة وما أعرفه أنه لا يوجد عليه مصاريف ادارية ممكن تتأكد
مجرد وجود الشرط يبطل العقد ....ممكن حضرتك تسألهم عن وسيلة أخرى معلش اصبر ومن يتق الله يجعل له مخرجا والربا ده مش حاجة سهلة ده حرب من الله