الموضوع: بناء على مايطلبة المشاهدون (فيشة الاوكتان للفيكترا B )

المشاركة الأصلية كتبت بواسطة abdelaziz-waleed

السؤال بقى لو الفيشة على 91 وحطيت بنزين 90 ايه ممكن يكون التأثير

هتسمع تسقيف وفرح من الموتور

ببساطة رقم الاوكتان كل لما يعلى دليل على جودة الوقود ومقاومتة للاشتعال الذاتى يعتى كل لما الرقم يعلى ممكن نأخر توقيت اعطاء الشرارة للاسفادة من ضغط المكبس للخليط ولسبب تانى .. نظريا توقيت الاشتعال بيبقى عند اعلى نقطة للمكبس جوة الاسطوانة ولكن عمليا او فعليا لأ بيبقى قبل ميوصل المكبس لأعلى نقطة بحوالى من 10 الى 20 درجة حسب تصميم الموتور
المشكلة لما اقدم توقيت الشرارة - الشرارة تحصل بدرى عن معادها - هيبدأ الخليط يتمدد فى اللحظة اللى المكبس لسة بيكبس فيها الخليط يعنى اجهادات ميكانيكية عالية وضياع جزء كبير من قدرة الموتور والعكس كل لما اخر توقيت الشرارة ان بقرب من الحالة المثالية
المشكلة اللى هتحصل لما اظبط الفيشة على اوكتان واستخدم اوكتان اقل ان مقاومة البنزين للاشتعال الذاتى قليلة وبالتالى مع وجود hot spots داخل السلندرات بالاضافة الى الطاقة الناتجة من كبس المكبس للخليط هيشتعل الوقود ذاتيا قبل اعطاء الشرارة وبعدين هيبدأ البوجية يعطى الشرارة فى موعدة وبالتالى زمن شرارة اطول وشرارتين من مكانين مختلفين عكس بعض ودة هيعمل تسقيف او detonation

معلش حاسس ممكن يكون الكلام فى حاجات غامضة مش مفهومة اوى لحد مش متخصص بس معلش مبعرفش اشرح كويس بالكتابة :(
اى استفسار لو فى حاجة غامضة

المشاركة الأصلية كتبت بواسطة Ahmad Allawy

تم تأكيد المعلومة..
الفيشة اللي عندي ف الكورسا.. ناحية فيها اللي هي 91..
و التانية فعلا طلعت 95..
(انا ذاكرتي لسة شغالة.. :) :) )
شوفوا حل في عربباتكم دي بقي قال 87 قال.. :) :) .. :) :) :)

ماشى ياعلاوى ياجامد .. ركبها على 95 بقى ورينا نفسك :P:P:P

مشكور يا باشا على المعلومات الجامدة اوى دى انا اول مرة اعرف الحوار ده بس انا عندى مشكلة انى اصلا مشعارف افك الفيشة نشفة اوى و خايف افكها بالعافية علشان مكسرش حاجه اية اتعافى عليها ولا اعمل اية اصلها مش جاية بالمسيسة خالص طب هو فى طريقة معينة لفكها ولا هو مجرد انى هشد الفيشة اصل انا اخدت بالى ان فى سهم مرسوم كده بس هو مرسوم فى الاتجاه العكس

جامد جدا عندى بقى فى الكورسا 91 و 95 ازاى دا اكيد بقى مش بتاعها اصل الموتور عندى 1600 ولا ايه