تكلفة عملية الليزك هتجننى

**ACC.Eslam Arif** · 09-02-2014 07:37 PM

السلام عليكم
الموضوع باختصار انى بقالى شهرين بدور على دكتور كويس اعمله عنده ليزك ومش عارف استقر على حد بسبب تكلفة العملية
لقيت اكتر من مكان معروف ومشهور بيعملها ب2500 شامل الفحوصات وغيره يقولك 2000 وشامل
لقيت اماكن تانية ب3000 وشامل الفحوصات وغيره ب3500 وغيره ب4000

اخر حد ومرتحله شوية دكتور اسمه محمد توفيق وعامل تخفيض بمناسبة الاجازة من 3800 ل3000 بس
ياريت تطمنونى ليه فرق التكلفة ده ولو فى افضل ياريت تنصحونى بيه لانى ناوى اعملها خلال الاسبوع ده او اللى جى وشكرا

**atala** · 09-02-2014 07:52 PM

كل معلوماتي عن الموضوع ده ان بيبقي فيه فحوصات قبل العملية طبعا داخلين في التكلفة الاجمالية بس الفحوصات دي بتبقي بمبلغ حوالي 350 جنيه تقريبا بتدفعم الاول لو الفحوصات كويسة بيبقي المبلغ من جملة التكلفة وتكمل المبلغ لو فيه مشكلة بيروح عليك مبلغ ال 350 جنيه اكشف الاول عند دكتور كويس واتأكد ان العين مفيهاش جفاف لأن ده مينفعش تعمل ليزك إلا لما تعالجه اما فرق التكلفة بين مكان ومكان معرفش سبب واضح لها ارجو ان اكون افتدك

**eng/ahmed_go** · 09-02-2014 08:04 PM

نصيحة بلاش
اولا في العملية بيشيلوا جزء من القرنية
ثانيا هيفضل عندك جفاف كل شوية
ثالثا كل دكاترة العيون بيخافوا يعملوها ولابسين نضارات عادي
رابعا في حاجات بتبان مشاكلها بعد فترة كبير (فعشان نقيم العملية محتاجين عشرات السنيين )

**micromoud** · 09-02-2014 08:09 PM

المشاركة الأصلية كتبت بواسطة ahmedzag1

نصيحة بلاش
اولا في العملية بيشيلوا جزء من القرنية
ثانيا هيفضل عندك جفاف كل شوية
ثالثا كل دكاترة العيون بيخافوا يعملوها ولابسين نضارات عادي
رابعا في حاجات بتبان مشاكلها بعد فترة كبير (فعشان نقيم العملية محتاجين عشرات السنيين )

طب هى يعنى عمليه خطر كده بيعملوها ليه؟
وناس كتير بتعمل العمليه ومسمعناش شكاوى كتيرة بسببها

**eng/ahmed_go** · 09-02-2014 08:22 PM

المشاركة الأصلية كتبت بواسطة micromoud

طب هى يعنى عمليه خطر كده بيعملوها ليه؟
وناس كتير بتعمل العمليه ومسمعناش شكاوى كتيرة بسببها

يا باشا انا مقلتش انها خطر انا بقول انها ممكن على المدي البعيد يكون فيه خطر يعني مثلا في ادوية كتير بعد انتاجها بعشرات السنين بيكتشف بأنها بتسبب امراض ومشاكل للانسان وهكذا
بس خد بالك ان المرادي انت بتشيل جزء من عينك ومش هتعرف ترجعه تاني مهما الناس اكتشفت مشاكلها مش هتعرف تعمل حاجة
واللي بيخليني خايف اكتر ان ليا قرايبي دكاترة عيون وعمرهم ميفكروا يعملوها وسيبك من كلام الدكاترة عشان هما ليهم مصلحة يخلوك تعملها

**DODGE2013** · 09-02-2014 08:25 PM

أكبر مشكله لعملية الليزك الجفاف

التكلفه بتختلف على حسب الدكتور مشهور ولا لا فاضي ولا لا واخيرا على حسب جهاز الليزر الي شغال بيه

لان بعض العيادات في مصر بدون ذكر اسماء شغالين بأجهز ليزك مستعملة من عيادات تانيه حبت تجدد الاجهزه d:

قبل ما تعمل العمليه

اسئل السؤال الي لا يمكن يسأله اي مريض للدكتور

نوع الجهاز الي حتشتغل بيه ايه ؟؟؟؟؟؟؟؟؟ وموديله ايه والليزر لينس ايه وحتشتغل على درجة كاااااااااااااااااااااام

هنا ممكن اقولك مين احسن

**Ahmed TRAVCO** · 09-02-2014 09:35 PM

انا عملت العملية دي في مارس 2009 في مستشفى مغربي وكان فيه تحاليل قبل العملية بحوالي 500 جنيه + العملية نفسها 5500... الحمد لله مفيش ادنى مشكلة من وقت ما عملتها وربنا يديمها نعمة... وبالنسبة لموضوع الجفاف ده مش بيستمر كتير والمفروض بتمشي فترة (ممكن 6شهور) على قطرة زي الغسول كده، كان اسمها تقريبا Refresh Plus وحتى دي ممشيتش عليها اكتر من شهرين وطنشت...
توكل على الله بس اعملها في مكان نظيف، وانا شخصيا بناء على تجربتي لمغربي حتى ايام النظارة شايف انهم محترفين جدا...
والله أعلم!

**elfarashah** · 10-02-2014 01:53 AM

المشاركة الأصلية كتبت بواسطة Ahmed TRAVCO

انا عملت العملية دي في مارس 2009 في مستشفى مغربي وكان فيه تحاليل قبل العملية بحوالي 500 جنيه + العملية نفسها 5500... الحمد لله مفيش ادنى مشكلة من وقت ما عملتها وربنا يديمها نعمة... وبالنسبة لموضوع الجفاف ده مش بيستمر كتير والمفروض بتمشي فترة (ممكن 6شهور) على قطرة زي الغسول كده، كان اسمها تقريبا Refresh Plus وحتى دي ممشيتش عليها اكتر من شهرين وطنشت...
توكل على الله بس اعملها في مكان نظيف، وانا شخصيا بناء على تجربتي لمغربي حتى ايام النظارة شايف انهم محترفين جدا...
والله أعلم!

سلام الله عليكم ورحمته وبركاته
وأنا أتفق مع حضرتك 100% أضمن مكان المغربي وليهم خبرة ممتازة في المجال ده
وموضوع الجفاف تلقائيا بيروح شوية شوية مع الـRefresh plus
وأنا كمان بأيد إنك تتوكل على المولى وتعملها بدون خوف أو تردد

**Ahmed_Adham** · 10-02-2014 02:14 AM

المشاركة الأصلية كتبت بواسطة ahmed travco

انا عملت العملية دي في مارس 2009 في مستشفى مغربي وكان فيه تحاليل قبل العملية بحوالي 500 جنيه + العملية نفسها 5500... الحمد لله مفيش ادنى مشكلة من وقت ما عملتها وربنا يديمها نعمة... وبالنسبة لموضوع الجفاف ده مش بيستمر كتير والمفروض بتمشي فترة (ممكن 6شهور) على قطرة زي الغسول كده، كان اسمها تقريبا refresh plus وحتى دي ممشيتش عليها اكتر من شهرين وطنشت...
توكل على الله بس اعملها في مكان نظيف، وانا شخصيا بناء على تجربتي لمغربي حتى ايام النظارة شايف انهم محترفين جدا...
والله أعلم!

حضرتك عملت قياسات نظر من بعد العمليه؟ كل أد ايه وايه بتكون نتايجها؟ يعني النظر بيفضل ثابت ولا لاء؟

**egytamer** · 10-02-2014 08:15 AM

في عملية احدث من الليزك اسمها فيمتو ليزك ودي بتتم كلها عن طريق الاجهزة بدون اي تدخل من مشرط الجراح زي الي بتتم في الليزك لانو بيشيل الطبقة الخارجية من القرنية بالمشرط وطبعا ممكن يكون الجزء المنزوع مش متساوي وبعد ميخلص العملية ويرجع الجزء دا تاني للعين ممكن يعمل مشكلة بسيطة ودا نادرا جدا
انما في الفيمتو ليزك الجهاز نفسو هوا الي بيقطع الطبقة دي بالليزر فبتكون النتيجة ممتازة تكلفة الفيمتو ليزك حوالي 5500 بكل الحوارات بتاعتها والمكانين الي موجودة فيهم المغربي ودكتور محمد حامد الي بيطلع في قناة النهار.
انا زيكو محتار ومش عارف اعمل اية ياريت لو حد جرب الفيمتو ليزك يقلنا ولو في دكتور عيون ياريت ينصحنا اية المناسب.

الموضوع: تكلفة عملية الليزك هتجننى

LinkBack

أدوات الموضوع

عرض

تكلفة عملية الليزك هتجننى - انشر الموضوع فى :

-

-

-

-

-

-

المواضيع المتشابهه

اية اضرار عملية الليزك

دكتور لعمل عملية الليزك

عملية تصحيح الابصار ( الليزك)

استفسار بخصوص عملية الليزك (تصحيح النظر)

اية هيا احسن مستشفى فى مصر بتعمل عملية الليزك

الكلمات الدلالية لهذا الموضوع

المفضلات

المفضلات

ضوابط المشاركة