السلام عليكم ورحمة الله وبركاته
أنوى تركيب مزراب فى السطح لتصريف مياة الامطار لكنى ارجو معرفة قطر الماسورة المناسب وطولها وكيفية تثبيتها جيدا وهل استخدم الاسمنت العادى ام الابيض وهل الاسمنت وحده كافى وشكرا جزيلا
عرض للطباعة
السلام عليكم ورحمة الله وبركاته
أنوى تركيب مزراب فى السطح لتصريف مياة الامطار لكنى ارجو معرفة قطر الماسورة المناسب وطولها وكيفية تثبيتها جيدا وهل استخدم الاسمنت العادى ام الابيض وهل الاسمنت وحده كافى وشكرا جزيلا
السطح عليه بلاط ولا لسه خرسانه
هل هاتصرف علي مواسير الصرف
ولا في الشارع
لأ السطح متبلط والصرف عالشارع مباشرة
لو هاتركب بنفسك
من عند السباك
هاتشوف المدي الي عايز تبعده عن البيت ولواجهه بتاعته في الغالب مابيزيدش عن 50سم
لو عايز تزود براحتك
يبقي 150 ماسوره بلاستيك الشريف 2بوصه ال3 بوصه ممكن بس هاتبقي واسعه قوي
تقسمها نصفين 75سم
واحده في طرف كل واجهه لو هاتعمل مزرابين
لوعندك هيلتي هاتفتح لللمدي اللي يعدي الماسوره من تحت سور الواجهه
مفيش هيلتي يبقي اجنه وشاكوش
تعدي الماسوره وطبعا منسوبها اقل من مستوي بلاط السطح
2كيلو اسمنت ابيض بلاش جبس لائنه هايحل مع المياه والسخونيه بتاعت الشمس
وتعجن وتليس مكان الفتحه
وتدخل الماسوره وتنزل بيها عن مستوي البلاط
وتحلقم عليها كويس بالاسمنت مع المحافظه علي فتحه الماسوره ومجري المياه
في حاجه تانيه افضل طبعا
بيبه بلاستيك بولد واحد وتفتح ليها في البلاط
اللي هي بيبه الصرف بتاع الحوض والغساله الاوتوماتيك وبتلاقيها في الحمام
وهاتركب فيه الماسوره البلاستيك وتخرج علي الشارع
بس دي ممكن تحتاج منك سباك لو مش هاتعرف تعملها بنفسك
للاسف اسوأ حاجة المزراب اللي بيتعمل وينزل المية في الشارع
بيبهدل الناس والعربيات
لو عايز تتخلص من المياه على السطح اعمل ماسورة على الصرف
بس انا عاوز اسأل هو الاسمنت لوحده كفايه علشان يكلبش الماسورة دى وهى ناعمة كدة وبعدين فى مشملة مهمة وهى انى مش مالك الفتحة الخارجية للمزراب بسبب ارتفاع سور السطح فهل ممكن الشغل يبقا من جوة بس؟
الاسمنت الابيض هايمسك طبعا
صلابته عاليه مانع لامتصاص المياه خلاف الا سمنت الاسود
طبيعي هاتشتغل من الداخل لائنك مش هاتطول اسفل السور من الخارج
علشان كده انا قولت هاتمليء الشنيشه الاول بالاسمنت
وبعد كده تعدي الماسوره وتنزل بيها عن مستوي البلاط
وبعد كده تحلقم عليها بالاىسمنت
وتشيل اي اسمنت من داخل الماسوره قبل ما ينشف