ياريت يا جماعه الرد فى غايه السرعه لانى محتار جدا بين الاسترا الكوزمو و الفلوانس من حيث كافه الامكنيات
و بالمناسبه لا يهمنى سعر اعاده البيع ولا قطع الغيار مطلقا
ياريت اهل الخبره و ملاك العربيه يفيدونى عشان انا قربت اتجنن
عرض للطباعة
ياريت يا جماعه الرد فى غايه السرعه لانى محتار جدا بين الاسترا الكوزمو و الفلوانس من حيث كافه الامكنيات
و بالمناسبه لا يهمنى سعر اعاده البيع ولا قطع الغيار مطلقا
ياريت اهل الخبره و ملاك العربيه يفيدونى عشان انا قربت اتجنن
الاوبل استرا
من وجهة نظرى عربية اشيك بحس فيها تكنولوجيا اكتر من الفيلوانس
اثبت عشان الesp اللى متوافر فى جميع الفئات
العربية كا top speed اسرع طبعا
فيها قطع غيار كتير مشتركة مع الكروز
قكرة الناس عموما عن الاوبل احسن من فكرتهم عن الرينو
لكن العربية ضيقة من ورا قطع غيار نار توكيل مش اد كدة
شبابية اكتر منها عربية للناس الكبيرة
نيجى للرينو عربية واسعة عريضة اوى تحس فيها بالفخامة
فيها موتور مشترك مع التيدا والقاشقاى
واوشنز اكتر من الاسترا
شوف انتا دماغك رايحة فين
انا لو مكانك هاختار الاوبل
الاسترا بتقبل بنزين 92
لكن هى حساسة للبنزبن النضيف
وحوار الرعشة دة بيتظبط بسوفت واير جديد فى التوكيل
انا معاك ان الاوبشن ازيد فى الفيلوانس
بس صدقنى لما تيجى تبيع العربية الحاجات دى مابتفرقش اوى
ليا قريبى معاه فيلوانس 2011 تانى فئة اوتو حالتها نضيفة
والله مش عارف يبيعها ب 100 الف حتى !
فيين يا جماعه الاقترحات و الردوود القويه
في 2012 كنت بفكر اشتري الفلوانس تالت فئة وكانت وقتها بـ142 ألف... وللأسف صالونها معجبنيش نهائيا خصوصا الدركسيون وشكل منظومة التكييف والكاسيت... وده كان اكبر سبب لعدم شرائي ليها... الأسترا لما قعدت جواها انبهرت واتوهمت من التابلوه... شكل العدادات والدركسيون وتنسيق زراير التكييف والكاسيت واوكر الابواب وخياطة الكراسي كلها على بعضها تحفة فنية، والعيب الأوحد في العربية دي انها ضيقة...
بقول كل ده لأن الذوق الشخصي يختلف من شخص لآخر وهو اللي بيحدد كل واحد هيشتري ايه... شوف الغالبية الكاسحة دلوقتي موهومة بالفلوانس ازاي وبيقولوا فخمة وبرستيج الخ ورغم كده انا شفت العكس... فالحل الوحيد انك تجرب العربيتين و"تفصصهم" حتة حتة وان شاء الله هتلاقي نفسك ميال لواحدة منهم... الاتنين حلوين طبعا...
بس انا شخصيا اميل للأسترا لتعليقها الأفضل وثباتها الأحسن ووجود الـesp... وبرضه مش فقيرة في الكماليات... في المقابل ممكن اضحي بفرق الوسع والكماليات عن الفلوانس...
اتفرج واركب العربيتين وشوف ايه اللى يناسبك اكتر .. وعلى العموم العربيتين محترمين .
الاسترا اشيك وابعادها ممتازا عكس الفوينس اكصداماتها اكبر منها وحيبقى في لبش
الاسترا بعد تشغيل الـesp مينفعش تتقارن بثبات الفلوينس بأي حال من الاحوال واتحدى اتخن تخين في النقطة دي
الاسترا تقدر تعلها تظبيطات شبابية على راحتم إنما الفلوينس بتميل للفخامة واي تظبيط حيبوظ شكلها
تفضيل الناس للفلوينس على الاسترا في كلمة وحدة وهي الوسع .. وإذا كان على التجهيزات اعتقد ان الفلوينس تذيد بعدسات زينون وفتحة سقف
خلاصة الأمر غاوي سرعة واداء سبورتي و driving pleasure استرا ثم استرا ثم استرا
ياللا في امان الله
راي لو عاوز عربية شبابية اكتر وجري يبقي استرا
والله اعلم