شراء ابيزا ٢٠١٤

**Moabdelkader** · 10-02-2014 11:59 AM

السلام عليكم
كنت محتاج آراء ناس يكون معاها سيات ابيزا من موديل ٢٠١١ فيما فوق عشان انا حجزت موديل ٢٠١٤ ومازالت متردد !!!

**mahmoudayman** · 10-02-2014 12:26 PM

المشاركة الأصلية كتبت بواسطة moabdelkader

السلام عليكم
كنت محتاج آراء ناس يكون معاها سيات ابيزا من موديل ٢٠١١ فيما فوق عشان انا حجزت موديل ٢٠١٤ ومازالت متردد !!!

الف مبروك يا باشا و العربيه دي بسم الله ماشاء الله بجد رهيبه هتعجبك و ربنا يديك خيرها و يبعد عنك شرها

**Marwan yahya** · 11-02-2014 02:31 AM

والله هي عربية ممتازة جدا بس مش عارف هل لسه موجود مشكلة الفتيس ولا اتحلت لا

**Moabdelkader** · 11-02-2014 03:30 AM

انا شايفها عربية كويسة حدا بس سألت النهاردة على قطع الغيار سمعت أسعار غريبة ده غير ان فتيسها dsg
تيل فرامل أمامي ٦٥٠ج وخلفي ٤٥٠ج
مرايا جانبية ٢٤٠٠ج
محتاج حد يكون بيروح التوكيل باستمرار اسأله على تكاليف الصيانه عشان في التليفون لما بكلم الصيانة مش بيدو كل المعلومات

**Marwan yahya** · 11-02-2014 03:15 PM

المشاركة الأصلية كتبت بواسطة Moabdelkader

انا شايفها عربية كويسة حدا بس سألت النهاردة على قطع الغيار سمعت أسعار غريبة ده غير ان فتيسها dsg
تيل فرامل أمامي ٦٥٠ج وخلفي ٤٥٠ج
مرايا جانبية ٢٤٠٠ج
محتاج حد يكون بيروح التوكيل باستمرار اسأله على تكاليف الصيانه عشان في التليفون لما بكلم الصيانة مش بيدو كل المعلومات

فعلاً العربية كويسة انا لسه شايفها النهاردة في الشارع حاجة بسم الله ماشاء الله بتاخد العين كده
عموما العربيات الاروبي الصيانة تكاليفها غالية بس معمرة بتعيش معاك
هي الفكرة كلها بس في dsg اللي مش عارف الفولكس والسيات مصممين عليه ليه

**Moabdelkader** · 12-02-2014 02:59 AM

على فكرة مش فولكس وسيات بس اللي عندهم الdsg ده طلع في ماركات كتير بتستخدمه واللي قدرت اعرفه ان زيت الفتيس ده بالذات نوع معين ولازم يتغير جوا التوكيل عشان يبقى تحت مسؤليتهم والكلام ده من واحد صديق عنده أوكتافيا ومغير فتيس بسبب انه غير زيت بره التوكيل وكمان معلومة كدة عالماشي فيه واحد مهندس في الحرفيين كلمته قالي انه قريب هيعرف يصلح الفتيس ده بس لسه بيجهز للموضوع

**Moabdelkader** · 12-02-2014 03:00 AM

غريبة يا جماعه هو محدش معاه ابيزا موديل ٢٠١٠ فيما فوق بيروح التوكيل جوا الجروب!!!!

**Marwan yahya** · 13-02-2014 02:15 AM

المشاركة الأصلية كتبت بواسطة Moabdelkader

على فكرة مش فولكس وسيات بس اللي عندهم الdsg ده طلع في ماركات كتير بتستخدمه واللي قدرت اعرفه ان زيت الفتيس ده بالذات نوع معين ولازم يتغير جوا التوكيل عشان يبقى تحت مسؤليتهم والكلام ده من واحد صديق عنده أوكتافيا ومغير فتيس بسبب انه غير زيت بره التوكيل وكمان معلومة كدة عالماشي فيه واحد مهندس في الحرفيين كلمته قالي انه قريب هيعرف يصلح الفتيس ده بس لسه بيجهز للموضوع

هو الفكرة كلها ان الفتيس ده مش عملي في بلدنا اللي مليانة زحمة وهو والزحمة don't mix

انما هو في الشد والجري حاجة حكاية انا بصراحة معرفش حوار الزيت ده بس ماظنش انه السبب والا كانت تبقى سهلة وماكنتش الدنيا هتقوم كده وكم العربيات اللي بتعاني من مشكله فيه.......والله ربنا يقويه ده هيفك زنقة ناس كتييييير :)

**SYD** · 14-02-2014 11:05 AM

من حيث الفتيس ان شاء الله مفيش مشكلة ابتداء من موديلات 2013
وادخل قسم فولكس وشوف الموضوعات اللي بتتكلم عن الفتيس دة او بلاش فولكس وشوف مناقشاتنا في موضوعات الليون 2014

تحياتي