أضرار نقص زيت الفتيس وتشخيص العطل من الصوت

**amer_aboamer** · 12-03-2014 09:35 PM

المشاركة الأصلية كتبت بواسطة ahmed1_com

انا اويل سيل الكوبلن كان بيسرب زيت وصلحتو وبعد لما صلحتو رحت ازود زيت الفتيس المهم ملقتش غير جركن واحد موبيل وهو كيلو والعربيه كانت عايزه 2 كيلو وشويه وكان عندو نوع تانى سايب كده فى جركن كبير فضل يقلى ده كويس مش وحش حطيت منو ده يضر حاجه بالفتيس ولا زيو زى العادى وكمان لما اجى اجيب مرشدير سعات الغيار ميجيش من اول مره بيقف كده اروح ممور وجايب تانى يجى وكمان لما امش بالعريه فى الزحمه وادوس على على الدبرياج كتير اروح كل ما ادوس على الدبرياج دواسه الدبرياج تزيق كده الدواسه الى بتزيق مش الموتور

صوت التزييق بيبقى من الواير بتاع الدبرياج وده عادى لما يكون بقاله فترة ما إتغيرشى
أما بالنسبة للزيت أهم حاجة إنه ماينقصشى عشان دى مشكلة وطالما الفتيس مانيوال ماتددقشى
أما الأوتوماتيك لازم تمشى على الكتالوج بحزافيره
وشكرا

**wael6** · 13-03-2014 12:19 AM

الفتيس فى المارشدير وهى بارده بيشخط
ولما اكارك دبرياج مرتين الشخطه بتروح ويشتغل عادى ؟ (دى كانت نصيحة العفشجى وقالى ابقي قولى ؟)
ده من ايه يا ترى ؟
وايه الحكمة من وراء مكاركة الدبرياج؟
وشكرا

**ahmed1_com** · 13-03-2014 02:16 AM

المشاركة الأصلية كتبت بواسطة amer_aboamer

صوت التزييق بيبقى من الواير بتاع الدبرياج وده عادى لما يكون بقاله فترة ما إتغيرشى
أما بالنسبة للزيت أهم حاجة إنه ماينقصشى عشان دى مشكلة وطالما الفتيس مانيوال ماتددقشى
أما الأوتوماتيك لازم تمشى على الكتالوج بحزافيره
وشكرا

مشكور جدا الزيت مبينقص وانا رحت لبتاع الزيت الى غيرت عندو وقلتلو الزيت الى حتطهولى الزوجه كام قالى 90 قلتلو مش 140 قالى لا 90 وكويس قلتلو انزلو ونحط زيت موبيل او اى حاجه قالى مش مستهلة الزيت كويس ونضيف جدا فا قلت اسيبو بقى وخلاص

**a7medsh3rawi** · 15-03-2014 04:23 PM

المشاركة الأصلية كتبت بواسطة أحمد عثمان

أنا الحقيقة عندي مشكلة بقالها فترة و مش عارف سببها إيه أو تتحل إزاي؟؟؟؟
1- الجزء الأول من المشكلة إن عصاية الفتيس لما تكون على المور بيكون فيها بوش يمين و شمال يعني بدون مجهود ممكن تهزها بإيدك كده تاخد و تدي معاك بس الحقيقة المشكلة تطورت و لما آجي أنقل و أحرك العصاية يمين أوي أو شمال أوي أسمع صوت تصفير زي معدن في معدن عند الإنتقال من المنتصف إلى اليمين أو اليسار , و حاولت أعرف المشكلة منين ففكيت الجلد اللى مغطي العصاية عشان أعرف الصوت ده جاي منين لأني بسمعه جوه الصالون مش بعيد أوي , و شحمت الأجزاء الموجوده على أد ما قدرت بس الصوت هو هو برضه , فالحقيقة مش عارف السبب إيه و هل فيه حاجة محتاجة تتربط أو جوان باش مثلاً و محتاج يتغير و لا إيه , و هل في خطورة مثلاً على حاجة تانية؟؟؟؟؟؟
2- الجزء التاني من المشكلة هو إني لما بكون ماشي بالعربية و مدي إي نقلة من النقلات الخلفية يعني التاني أو الرابع بسمع صوت شخلله عالية نسبياً من العصاية داخل الصالون و لما بسند العصاية بإيدي بس كده بتروح و لما أسيبها ترجع تاني و زي ما قلت أثناة المشي على الرغم إن مافيش صعوبة في النقلة نفسها.
آسف جداً على الإطالة.

دا مالوش دعوة بالقتيس فى حاجه عندك اسمها الضفدعه بتركب فى العقربه بتاعت تغيير النقلات ودا شكلها من جوه وهى علبه بلاستيك ماشك فيها عصاية الفتيس وليها دراع حديد طالع لغاية الموتور ودى بتتغير بواحده استيراد سعرها تقريبا 150ج والتركيب 50 ج وهتحل كل المشاكل اللى عندك باذن الله

**أحمد عثمان** · 16-03-2014 11:34 AM

المشاركة الأصلية كتبت بواسطة engonear

دا مالوش دعوة بالقتيس فى حاجه عندك اسمها الضفدعه بتركب فى العقربه بتاعت تغيير النقلات ودا شكلها من جوه وهى علبه بلاستيك ماشك فيها عصاية الفتيس وليها دراع حديد طالع لغاية الموتور ودى بتتغير بواحده استيراد سعرها تقريبا 150ج والتركيب 50 ج وهتحل كل المشاكل اللى عندك باذن الله

متشكر جداً على الرد و إن شاء الله أغيرها و أقوللك النتيجة.

**Maz_2006** · 26-03-2015 07:42 PM

بعد ازنك..انا اشتريت عربيه سايبا برايد ايرانى زيرو...اول ما اشترتها حسيت بصوت ونه فى الفتيس..بسيطه اووووى....واحد شار عليا انى اغير زيت الفبريكه ﻻنه بيكون زيت تخزين...وبالفعل...غيرته...وهن� � المشكله...بمجرد ما نزل وحطيت زيت90..لسه بجرب..الونه بقت ظااااااهره اووووى...وعااااليه....ونزلت الزيت اللى 90...وحطيت بعدها زيت متعدداللى هو 90...140..الونه هديت شويه..بس موجوده...ده عيب ايه..مع العلم حد قلى حط140..الدنيا هتتظبط

**Maz_2006** · 28-03-2015 01:23 AM

المشاركة الأصلية كتبت بواسطة Maz_2006

بعد ازنك..انا اشتريت عربيه سايبا برايد ايرانى زيرو...اول ما اشترتها حسيت بصوت ونه فى الفتيس..بسيطه اووووى....واحد شار عليا انى اغير زيت الفبريكه ﻻنه بيكون زيت تخزين...وبالفعل...غيرته...وهن� � المشكله...بمجرد ما نزل وحطيت زيت90..لسه بجرب..الونه بقت ظااااااهره اووووى...وعااااليه....ونزلت الزيت اللى 90...وحطيت بعدها زيت متعدداللى هو 90...140..الونه هديت شويه..بس موجوده...ده عيب ايه..مع العلم حد قلى حط140..الدنيا هتتظبط

**besho_sadhom** · 02-04-2015 01:16 PM

انا عندى مشكله فى عربيه 127
اول لما امشي فى صوت بيطلع صوت حكه وبعدين يختفي الميكانيكى غير الرمان البلى وقالى دة من الفتيس وشفت الزيت مظبوط
حد يعرف دة ايه

**amr nagy ahmed** · 02-04-2015 03:32 PM

good topic

**amer_aboamer** · 02-04-2015 11:57 PM

المشاركة الأصلية كتبت بواسطة besho_sadhom

انا عندى مشكله فى عربيه 127
اول لما امشي فى صوت بيطلع صوت حكه وبعدين يختفي الميكانيكى غير الرمان البلى وقالى دة من الفتيس وشفت الزيت مظبوط
حد يعرف دة ايه

اعرف الصوت طالع منين بالظبط وعلى اى غيار عشان اقدر افيدك