فلتر الزيت الاصلى و الفلتر المضروب

الموضوع دة عشان الناس تاخد بالها و هى بتشترى فلتر الزيت عشان السوق مليان فلاتر مضروبة و مش كل الناس بتعرف تفرق بينهم و مش كل الناس اللى بتبيع عندها ضمير... هنا هتلاقى شوية حاجات تدلك على الفلتر الاصلى و تميزة عن المضروب

اول حاجة علبة الفلتر... طبعا كلنا حافظين شكل العلبة دى و بالتالى اى فلتر مش فى العلبة دى يبقى مش اصلى
http://i83.photobucket.com/albums/j3...ps547cf025.jpg

الا لو واحد عندة فلتر من ايام فحت البحر فا هيبقى فى العلبة دى بس دة موضوع مستبعد اوى لان العلب دى مش موجودة دلوقتى خالص دلوقتى

http://i83.photobucket.com/albums/j3...ps7179cfe4.jpg

تانى حاجة علبة الفلتر بيبقى ملزوق علية ستيكر علية اسم المورد... ممكن يبقى منصور و ممكن يبقى حد تانى... بس فى الغالب المضروب مش هيبقى علية ستيكر اصلا

http://i83.photobucket.com/albums/j3...psc5c095cd.jpg

http://i83.photobucket.com/albums/j3...ps1bce41e4.jpg

تالت حاجة الفلتر نفسة ملزوق علية ستيكر فيه البارت نمبر و فى طرفة اليمين علامة مائية... المضروب مفيهوش الستيكر دة او على الاقل لو علية ستيكر مش هيبقى بعلامة GM المائية

http://i83.photobucket.com/albums/j3...psce9b17a7.jpg

http://i83.photobucket.com/albums/j3...psb2494f67.jpg

رابع حاجة جسم الفلتر نفسة بيبقى مدهون اسود لميع و علية لوجو GM و لوجو الدايو الجديد... المضروب بيبقى زى ما يكون مرشوش يدوى و الكتابة اللى علية مفيهاش لوجو GM ولا علامة الدايو... انا شوفت فلتر مضروب كان مرشوش اسود مط و الرش جاى على الكتابة اللى على الفلتر اصلا

http://i83.photobucket.com/albums/j3...psfb6d3518.jpg

خامس حاجة الفلتر بيبقى علية غطاء سولوفان على مكان التركيب

http://i83.photobucket.com/albums/j3...ps5800981f.jpg

سادس حاجة الفلتر بيبقى باربع فتحات... المضروب بيبقى ب6 فتحات

http://i83.photobucket.com/albums/j3...psa769c335.jpg

MMamdouh

ربنا يجازيك خير و الله
للاسف لسه شارى من اسبوع كده فلتر زيت من عند واحد فى شارع التحرير و كنت شاكك انو مضروب وفعلا بعد البوست ده اتاكدت انو مضروب
مش عارف ينفع اغيرو بعد ما ركب ولا الزيت هاينزل

الزيت هينزل شوية... عوضك على الله

MMamdouh

الله ينور يا كبير

الله ينور ... كده يبقى انا لسه مغير مضروب برده ... طيب ممكن نعرف ايه الضرر على المتور لو الفلتر مضروب ؟؟؟

عاش يا كبيير

الموضوع فعلا مفيد جدا ممكن تزود عليه السعر + اماكن موثوق فيها للشراء منها

و ياريت نكتر من المواضيع اللى زى دى علشان الناس تعرف الفرق بين الاصلى و المضروب

اقتباس:

---

المشاركة الأصلية كتبت بواسطة HAMASA99

الله ينور ... كده يبقى انا لسه مغير مضروب برده ... طيب ممكن نعرف ايه الضرر على المتور لو الفلتر مضروب ؟؟؟

---

على حسب بقى الصناعة ايه ظروفها... ممكن يبقى عنصر الترشيح اى كلام فا الزيت يعدى بوساختة او يكون من خامة وحشة فا يتسد بسرعة و دة هيدمر الموتور

MMamdouh

اقتباس:

---

المشاركة الأصلية كتبت بواسطة ahmedteam

عاش يا كبيير

الموضوع فعلا مفيد جدا ممكن تزود عليه السعر + اماكن موثوق فيها للشراء منها

و ياريت نكتر من المواضيع اللى زى دى علشان الناس تعرف الفرق بين الاصلى و المضروب

---

السعر مش ثابت... بين 22 الى 25 حسب المحل... المضروب بيتباع ب20

انا دايما بشترى من ابو الحسن... فيه ناس اتعاملت مع البنا فى التوفيقية و بتشكر فية

MMamdouh

:ask::ask::ask:

شغال على المضروب وعارف انة مضروب بس تقريبا مضروب نضيف (هاى كوبى) وبقالى سنة على كدا

جعل الله المعلومة فى ميزان حسناتك

الله ينور فعلا الناس مبقاش عندها ضمير جزاك الله خير ياابو حميد وياريت مزيد من المواضيع عن قطع الغيار

الف الف الف شكر علي التوضيح الرائع يا محمد بيه ممدوح بس للامانه انا اتعلمت منك الكتييييييير
ربنا يبارك لك علي مجهوداتك في المنتدي
ربنا يجعله في ميزان حسناتك
ربنا يكرمك وتتحفنا بموضوعات جديده انت تختفي فتره وبتطلع بشويه موضوعات رائعه فألي الامام ربنا يحرسك

تسلم يا باشا على المعلومات الجميله والقيمه

موضوع رائع و شكرا جزيلا للمعلومات . ربنا يبارك فيك

الله ينور كده يبقى انا لسه مغير مضروب

شكراً شكراً شكراً بجد على المعلومة الهايلة دي
أنا لسة شاريه من عزيز سليمان في التوفيقية والحمد الله زي ما أنت شارح بالظبط وسعره 22 جنيه
شكراً وربنا يكرمك

جزاك الله خيرااااااا

موضوع مهم ربنا يكرمك
الله اعلم اللي لسه مركبه اصلي ولا مضروب بس شكلة مضروب
وانا لسه مغير زيت ماجنتك ربنا يستر

طب ايه رايك اننا قفشنا فلتر زيت فى التوفيقيه عند واحد مشهور جدا بيبيع قطع غيار كورى و لانسر فيه كل اللى انت بتقول عليه ده و بعد كل ده طلع مضروب حسب كلام واحد صاحبك!!

موضوع اكثر من ممتاز بس انا ريحت نفسي وبركب بتاع اللانسر دلوقتي وشغال تمام والياباني اعلي من الكوري هههه

اقتباس:

---

المشاركة الأصلية كتبت بواسطة l0new0lf

طب ايه رايك اننا قفشنا فلتر زيت فى التوفيقيه عند واحد مشهور جدا بيبيع قطع غيار كورى و لانسر فيه كل اللى انت بتقول عليه ده و بعد كل ده طلع مضروب حسب كلام واحد صاحبك!!

---

ازاى كان فيه كل الحاجات دى و مش اصلى؟؟؟... و صاحبى قفش انة مش اصلى منين؟؟؟؟

MMamdouh

اقتباس:

---

المشاركة الأصلية كتبت بواسطة tarek_2005

موضوع اكثر من ممتاز بس انا ريحت نفسي وبركب بتاع اللانسر دلوقتي وشغال تمام والياباني اعلي من الكوري هههه

---

بس هل اليابانى اعلى من الاصلى؟؟؟؟؟

انا عدى عليا فترة كنت بجيب فلاتر Mahli من المنير بس بعد كدة رجعت للاصلى

MMamdouh

اقتباس:

---

المشاركة الأصلية كتبت بواسطة mmamdouh

ازاى كان فيه كل الحاجات دى و مش اصلى؟؟؟... و صاحبى قفش انة مش اصلى منين؟؟؟؟

mmamdouh

---

شك فيه قام شايل اللزقه الشفافه و نفخ فيه حس انه مكتوم شويه فاستنتج انه مضروب

و هو نفخ قبل كدة فى فلتر مضمون انة اصلى و حافظ الضغط المطلوب للنفخ؟؟

مش اختبار دقيق خالص للفلتر

MMamdouh

جزاك الله خيرااا

باشا انا امبارح جبت فلتر زيت وفلتر بنزين مع اني مش حتاجهم دلوقتي
لكن عشان اجرب بعد ما قريت موضوعك ده
فلتر الزيت زي ما حضرتك شرحت لاظبط ما عد حاجتين استيكرات منصور الصغيرة الملزوقة على العلبة من برا(رغم انهم موجودين على فلتر البنزين) والورقة البيضا الملزوقة على العلبة اللي موجود فيه اسم المستورد غير كدة كل حاجة موجودة تيبكال زي ما شرحت هل ده طبيعي؟

المختصر المفيد كالعاده .. الله ينور عليك وجزاك الله خيرا

اهم حاجة نركز فيها عدد الفتحات فى الفلتر والعلامة المائية

ربنا يكرمك يا بطل اللانوس

ان عمري مهتميت بموضوع الفلتر بصراحه غير من ناحية المقاس وانه مينزلشي زيت لكن مضروب ولا اصلي مبفكرشي

اقتباس:

---

المشاركة الأصلية كتبت بواسطة mahmoudysf

باشا انا امبارح جبت فلتر زيت وفلتر بنزين مع اني مش حتاجهم دلوقتي
لكن عشان اجرب بعد ما قريت موضوعك ده
فلتر الزيت زي ما حضرتك شرحت لاظبط ما عد حاجتين استيكرات منصور الصغيرة الملزوقة على العلبة من برا(رغم انهم موجودين على فلتر البنزين) والورقة البيضا الملزوقة على العلبة اللي موجود فيه اسم المستورد غير كدة كل حاجة موجودة تيبكال زي ما شرحت هل ده طبيعي؟

---

معتقدش فيها مشكلة... اما جبت قبل كدة فلاتر و كان مفيش ستيكرات على العلبة من برة و كانت كل حاجة تانية مضبوطة

MMamdouh

جزاكم الله خيرا
فلتر الزيت لو اتسد المكنه هتودع فعلا
انا بجيبه من البنا فى التوفيقيه وكان فيه نوع تانى لونه ازرق نوعه Ac delco كان شغال كويس جدا برده

اقتباس:

---

المشاركة الأصلية كتبت بواسطة hamasa99

الله ينور ... كده يبقى انا لسه مغير مضروب برده ... طيب ممكن نعرف ايه الضرر على المتور لو الفلتر مضروب ؟؟؟

---

الراجل بتاع الزيت ركبلى فلتر مضروب من غير ما اخد بالى والنتيجه كانت ان الموتور جاب سبيكه واضطريت اجيب شورت بلوك

شيكرا علي المعلومات القيمه ديه انا جبت الاصلي عليه كل الموصفات صح ما عدا السلوفان وما اخدتش بالي من عدد الفتحات بس عليه العلامه المائيه وكل حاجه تمام !!

طب بخصوص فلاتر هيونداى نعرفها ازاى ؟؟

تسم يا باشا الله يباركلك انا عن نفسي كل يوم بستفيد منك حاجة جديدة

اقتباس:

---

المشاركة الأصلية كتبت بواسطة hamisa08

طب بخصوص فلاتر هيونداى نعرفها ازاى ؟؟

---

لا دى مقدرش افيدك فيها للاسف

MMamdouh