طنانى باشا , فادى باشا وكل الاوبلاوية الحقوووووونى
السلام عليكم ,,,
ارجو ان تتسع صدوركم لمشكلتى
من شهر تقريبا الطرمبة بتاعة البنزين وقفت
والميكانيكى قالى هات بتاعة الدايو وجبتها بـ80 جنيه
وفعلا العربية دارت وزى الفل بس كانت بتدخن اسود جامد
وكام يوم هوووب الرشاش بيرمى بنزين بالعبيط
جبت رشاش تانى برضو بيرمى بنزين بالعبيط
الميكانيكى بن اللذين مرضيش يعرفنى حيعمل ايه عشان عارف انى بعمل كل حاجة بنفسى قالى سيبلى العربية وتعالى بكرة
رحت تانى يوم لقيت العربية شغالة بس صوت الماكينة عالى ولمبة التشيك منورة
واقل من 15 لتر تقطع العربية
قلت مبدهاش رحت فاتح التنك لقيت الطرمبة عايمة مش متثبتة فى ارضية التانك
نضفتها وثبتها وشيلت فيش الحساسات كلها ورجعت ركبتها تانى وعملت الايديال ليرن
اول مادورت لمبة التشيك اطفت والعربية ظبطت بس لسه صوت الماكينة عالى
قعدت ابص تحت العمة لقيت فتحتين تحت العمة مسدودين بمسامير شيلت الاولانى العربية عليت اكتر بس كانت بتسحب معايا وماشية
يدوبك وصلت البيت ولقيت العربية بتعمل حاجة غريبة جدا
كأنى بحط رجلى على البنزين واشيلها واحط واشيلها
الماكينة اول ماادور تعلى وتوطى لحد كأنها حتبطل وترجع تعلى تانى وتوطى ورا بعضه تعلى وتوطى
وفى وقت ماتيجى توطى لو دست بنزين مفيش استجابة
انا ركنت العربية ومستنى تقولولى اعمل ايه ارجوكم
****للعلم الماكينة عندى خفيفة وشايل خرطوم الفايظ بتاع الموتور اللى رايح على العمة عشان سمعت انها ممكن تجيب اولسيهات لان المايكنة بتدخن ابيض
رجاااااااء انقذونى:ask:
