السلام عليكم ورحمة الله وبركاته
موضوع حبيت اتناقش مع حضراتكم فيه
وهو فى موديلات معينة من العربيات بنلاقيها معروضة للبيع باعداد كبيرة
مش هذكر موديل معين اكيد حضرتك عارفين اكتر منى
وسعات ابحث عن عربية معلوماتى عنها انها جيدة جدا وابص للمعروض ملقهاش الا قليل
هل دى علامة نجاح للموديل لدرجة ان اصحابها مش بيستغنو عنها
ام دى علامة عن فشل الموديل دا وعدم اقبال الشراء عليها من الزيرو
لا يمكن تعميم الكلام ده و إعتباره مقياس للنجاح أو الفشل
لأن الإنتشار بيخلي عدد المعروض للبيع كبير
و ده مش معناه إن العربية فاشلة بالعكس
إنتشارها دليل على نجاحها و أدى بالتالي لكثرة وجودها في سوق المستعمل
و في عربيات لم تنتشر و هي كويسة جدا زي عائلة فورد لكن في أسباب أخرى غير فنية تؤدي لعدم إنتشارها و بالتالي قلة المعروض منها
تقبل تحياتي
عمر ما هتعرف تقسها علي قاعدة للكل
يعني حاليا في عربية ما بتتعرض كتير بقالها سنة او ما يقل
هل لعيب ولا لان سعرها زاد وبتقعد فترة وصاحبها هيبعها بثمنها مستعملة ويغير او سبب شخصي
وهكذا علشان كده رأي ان زيادة بيع العربية الجديدة يميل للنجاح اكتر من عيب بالعربية
وحتي لو في عربية جديدة وفيها عيب مش قاتل وبتتباع ده نقطة كويسة لان هيكون بدل ما 100 شخص بيدورا علي حل
كده اصبح في 2000 شخص بيدورا علي حل
واقصد مشاكل يجوز حلها مش مثلا مشكلة فتيس
والله اعلم
تحياتي ليك ..
علي ما اعتقد انها مش مقياس فعلا زي ما الاستاذ ابو هند ما بيقول لان سوق العربيات عندنا ليه مقاييس مختلفة وفعلا هتلاقي عربيات محترمة اوي ومانجحتش هنا نظرا لعدم فهم التكنولوجيا بتاعتها او تقصير من وكيلها في العرض عنها من الزيرو
معروض مستعمل كتير =عربيه منتشره وناجحه (ناجحه بمفهوم الشعب المصرى)
ياباشا الشعب المصري بيفضل الفيات ال131 عن المرسيدس وبيسميها مرسيدس الفيات
ههههههههههههههههههعههه
شعب غريب بيوهم نفسة مع احترامي لكل ملاك الفيات
متفق مع الاخوة الافاضل ان الموضود دا مش مقياس
فى عربيات معروض منها مستعمل كتير للبيع و ف نفس الوقت عربيات ناجحة ,, زى الهيونداى عامة و موديلات من النيسان و موديلات من الشيفرولية و اللانوس طبعا
فى عربيات معروض منها مستعمل كتير للبيع و ف نفس الوقت عربيات فاشلة ,, بلاش نقول زى ايه
فى عربيات معروض منها مستعمل قليل للبيع و ف نفس الوقت عربيات ناجحة ,, معظمهم من العربيات اللى انتاجها وقف زى الالنترا ال 2005 و النوبيرا و موديلات من الكورولا
فى عربيات معروض منها مستعمل قليل للبيع و ف نفس الوقت عربيات فاشلة بمعايير السوق المصرى رغم انها عربيات محترمة ,, زى الفوكس و الفولفو و موديلات من البيجو و الستروين
و دا لان اللى دخل منها مصر اساسا كان قليل
ياباشا السوق في مصر غريب يعني عندك البومه عربيه ناجحه بمفهومنا بس تلاقي المعروض منها للبيع كتير بس علشان يكسب وتلاقي الشارك اللي هي محترمه فعلا مالهاش تمن علشان مش بياعه من الاخر الموضوع موضوع تجاره ومبدا اللي تكسب به تلعب به
فعلا في عربيات ذي لانسر 1300 المعروض منها اكتر من 1600 ..ودا مش بسبب الانتشار لكن بسبب انها عربية لا تعمل بكفاءة فس السحب مع التكييف مثلا