رايكم فى شراء شاشه بلازما!!!

احلى شباب واجمل منتدى بعد التحيه:

انا كنت عاوز منكم نصيحه لمقتنى تليفزيونات البلازما هل لها من عيوب وماهو سر وراء انخفاض السعر عن led وعن lcd وناس اكدتلى ان موضوع الغاز ده اشاعه ومفييش كلام ده وعايشه معاهم بقالها فتره وفى قهاوى اعرف صحابها شخصيا جايبها
السؤال المطروح تنصحونى بايه؟!! وايه رايكم فيها؟ وايه السر فى السعر المنخفض عن نظيراتها من الشاشات؟!!!! مع العلم انى هجيب 53بوصه او 50بوصه فى فرق جامد بينها وبين led !!!
والسؤال الاهم ايه الماركه اللى اجيبها سامسونج ولا ال جى ولا بانسونيك؟!
وسؤال كمان اجيبها منين ؟!!من الهيبرات ماركت؟!! ولا شارع عبد العزيز؟! لو حد يعرف تاجر سعره كويس ياريت يفيدنى ارجوكم!!!
:ask::ask:
الف شكر مقدما

سامسونج بلازما مية مية
السبب فى السعر المنخفض هو تكلفة صناعة شاشة البلازما كل لما الحجم يكبر التكلفة بتزيد حاجة بسيطة
عشان كدة ٣٢ بوصة بلازما هاتلاقيها سعرها قريب من ٣٢ بوصة led بس كل لما الشاشة تكبر فرق السعر بيزيد
وزى ما أنت قولت شغالة فى القهاوى زى الفل

هو استهلاك البلازما للكهربا اكتر ولا الليد؟؟ ولا التلفزيون العادى
ممكن توضيح النقطة دى

اقتباس:

---

المشاركة الأصلية كتبت بواسطة fepsceasar

هو استهلاك البلازما للكهربا اكتر ولا الليد؟؟ ولا التلفزيون العادى
ممكن توضيح النقطة دى

---

اللى قريته واعرفه ان استهلاك كهرباء البلازما اكتر من الليد والمنطق برضو بيقول كده لان الليد معروف عنه مبيسحبش كهرباء حتى فى اللمبات الكهربائيه ال6ليد وال12ليد وهكذا تلاقيهم بيستهلكو كلام فاضى عن لمبه60وات او لمبه موفره
انما بقى الفرق قد ايه فى استهلاك الكهرباء بينه وبين البلازما مش عارف ياريت حد يفيدنا؟!!! عشان نعمل حسابنا فى فواتير كهرباء عاليه يعنى ولا ايه؟! :d

اقتباس:

---

المشاركة الأصلية كتبت بواسطة midnightman_74

سامسونج بلازما مية مية
السبب فى السعر المنخفض هو تكلفة صناعة شاشة البلازما كل لما الحجم يكبر التكلفة بتزيد حاجة بسيطة
عشان كدة ٣٢ بوصة بلازما هاتلاقيها سعرها قريب من ٣٢ بوصة led بس كل لما الشاشة تكبر فرق السعر بيزيد
وزى ما أنت قولت شغالة فى القهاوى زى الفل

---

السبب فى السعر المنخفض هو تكلفة صناعة شاشة البلازما كل لما الحجم يكبر التكلفة بتزيد حاجة بسيطة

ازاى ياباشا تكلفتها عاليه وسعرها قليل؟!!! بتهيالى فى حاجه مفقوده او فهمت غلط كلامك!!!
الف شكر على ردك طبعا:Ob_mak1[1]:

انا بفكر اشتري توسييبا ال اي دي 24 بوصة اية رايكم