ربنا يكرمك ويكرمنا باللى احسن منها وربنا يديم علينا نعمة الفليشيا والعربيات المستعمله قول امين !!
عرض للطباعة
عيبها الاساسي السخونيه بالرغم من انها سيارة كويسه بس موضوع السخونيه اثر في ادائها وسوق بيعها
مش السخونية العيب الأساسى الموضوع ده انتهى نهائى المشكلة فى دورة التبريد وصيانتها بشكل صح وللاسف اغلب الناس بيبخلوا بجركن مية حمراء معتمد وبيفتكروها لادا ويحطولها مية حنفية وهنا تبدء مشاكل السخونة ووش السلندر وعلى فكرة اى عربية حديثة 0 حطلها مية حنفية واتفرج على احلى لخبطة وسخونة !!
[QUOTE=ابوابراهيم323;3875425886] عزيزى حضرتك علمت ازاى على امجراند7 بالفليشيا 1300cc اكيد صاحب الأمجراند كان بيتمشى ............. انا امتلكت العربيتين الفليشيا الملعونة اللى مبتمشيش الا فى عز البرد فقط علشان مشكلة السخونة اللى ملهاش حل و انا متأكد ان الفليشيا لو جابت 120 لازم تضرب وش السلندر لدرجة ان الأولاد كانوا مسمينها فوفة زى فلم الناظر صلاح الدين
[quote=رمضان شوقى;3875432370] واضح ان العربية اللى كانت مع حضرتك كانت مضروبة انا شخصيا والحمد لله باسافر بالفليشيا على سرعة 130 والحرارة بتقل مش بتزيد فى عز الصيف وتوصل ل70 فى الشتاء وخصوصا لما حطيت للعربية مية توتال وغيرت الرادياتير وموضوع السخونية ده بقى تاريخ فمش معنى ان عربيتك كان معيوبة يبقى كل الفليشيا بايظة بلاش موضوع التعميم !!
يا عزيزى لو افترضنا ان الفليشيا اللى كانت معايا مضروبة كما تقول ايه رأى حضرتك ان المشكلة الوحيدة فى قسم الفليشيا و مشاركات جميع الأعضاء عن سخونة العربية و تغيير وش السلندر يعنى جميع فليشيات الأعضاء فيها نفس العيبين القاتلين عدا عربية حضرتك و عضو اخر...... دا كلام معقول
يا صديقى مع ان كلامى مش عجبك بس للأسف هو الصح ..............
برجاء من الساده فى المنتدى الافاده عن هذه المشكله لان كل اللتكتب فى موضوع السخونه هذا موجود عندى والى الان لم تحل المشكله المروحه بتشتغل من 3-4 مرات كويس عند 90 وبعد كده ابص الاقيها مره واحده وصلت اعلى من 100 وتبدا المروحه فى العمل ايه الحل افيدونى