لخبراء الساحل أيه رأيكم في شراء مصيف في مراقيا

**AshTurbo** · 11-02-2014 02:28 AM

سلام عليكم وأسعد الله أوقاتكم جميعاً ...

كنت حابب أخد رأيكم في موضوع شراء مصيف في مراقيا هل يعتبر مكان كويس وليه مستقبل ولا قرية قديمة وراحت عليها أنا عرفت شوية معلومات عنها في صالح أني أشتري هناك زي :

- مملوكة للدولة ( بنك الأسكان والتعمير ) .
- فيها معظم الخدمات ( نقطة شرطة - مطافي - مسجد كبير - وحدة علاجية - سنترال - بنوك - سوق - كافتيريات - مطاعم - ملاعب ) .
- مساحتها كبيرة نسبياً .
- قريبة من أسكندرية .

اللي مش عارفه بقى عيوب القرية ممكن تكون أيه علشان كدة قولت آخد رأيكم فياريت اللي يعرف حاجة يقول وأكون ممنون للغاية ولو في أقتراحات تانية مفيش مشاكل بس متقلش في المميزات عن مراقيا .

**eslamrace** · 11-02-2014 03:00 AM

بص انا روحت مراقيه مره او اتنين المميزات لن تتعدى اللى انت ذكرته بالاضافه للزحام
نصيحتى ليك اهم حاجه راحتك النفسيه واحتياجاتك"مصيف خاص-استثمار- ايجار كدخل اضافى مع المصيف-انت محب للهدوء ولا بتحب تعيش وسط ناس -ايه الخدمات اللى متقدرش تستغنى عنها " كل ده يفرق فى اختيارك
لو تقدر بس توضح انت ايه مواصفاتك المهمه فى المصيف ورنج السعر اللى بتدور فيه ممكن حد يفيدك خاصه ان القرى الجديده كترت جدا وتسهيلاتها وتصميماتها مغريه خاصه انى بفضل الديزاينات الجديده عن القري المصممه على الطراز القديم
فكر على مهلك واسأل واتفرج كتير لانك حتروح تريح اعصابك فى مكان حتحس انه ملجأ من ضغوط الحياه فمتخليش فيه اى حاجه لما تروح تكون منغصه عليك علشان تقدر تستمتع .
تحياتى.

**AshTurbo** · 13-02-2014 01:32 AM

المشاركة الأصلية كتبت بواسطة eslamrace

بص انا روحت مراقيه مره او اتنين المميزات لن تتعدى اللى انت ذكرته بالاضافه للزحام
نصيحتى ليك اهم حاجه راحتك النفسيه واحتياجاتك"مصيف خاص-استثمار- ايجار كدخل اضافى مع المصيف-انت محب للهدوء ولا بتحب تعيش وسط ناس -ايه الخدمات اللى متقدرش تستغنى عنها " كل ده يفرق فى اختيارك

لو تقدر بس توضح انت ايه مواصفاتك المهمه فى المصيف ورنج السعر اللى بتدور فيه ممكن حد يفيدك خاصه ان القرى الجديده كترت جدا وتسهيلاتها وتصميماتها مغريه خاصه انى بفضل الديزاينات الجديده عن القري المصممه على الطراز القديم

فكر على مهلك واسأل واتفرج كتير لانك حتروح تريح اعصابك فى مكان حتحس انه ملجأ من ضغوط الحياه فمتخليش فيه اى حاجه لما تروح تكون منغصه عليك علشان تقدر تستمتع .
تحياتى.

متشكر جداً لردك أهم حاجة بالنسبة لي أجيب مصيف محترم وأحط فلوسي في حاجة مضمونة ومحترم دي تشمل قرية فيها خدمات كويسة وأمان وقريبة من أسكندرية قدر الأمكان والمبلغ في حدود 500 طبعاً عارف ان في قرى المبلغ ده ميجيبش فيها حاجة كويسة أنا قصدت حاجة في الميد رينج مش هاي أوي يعني ولو في أقتراحات لقرى تانية كويسة مفيش مشاكل يبقى ساعدتوني في أتخاذ القرار وأنا بثق في آرائكم وعارف أن مفيش فتايين كتير في المنتدى كلكم أعضاء محترمين ورأيكم محل تقدير وثقة .

**eslamrace** · 13-02-2014 02:00 AM

بص انا حسب معلوماتى بالرنج ده ممكن تاخد فى مرسيليا بيتش وعندهم حوالى 3قري خلصانه وقريه تحت الانشاء اسمها بوكيه وفى نيس برضه كنت سألت من حوالى سنتين وكان الكلام على شاليه غرفتين وصاله ولكن مش قريب قوى ب 450000 والقري ده كلها بناء حديث وتصميمات حتعجبك ولو اخدت شاليه اقرب للبحر واغلى عندهم نظم تقسيط كتير وممكن تجيب مخططات مشروعات مرسيليا كلها من على موقعهم وبيكتبوا فى الموقع التشطيبات شكلها ايه والمخطط العام والخدمات وقريه نيس ممكن تتصل بشركه المعمارى فى التليفون "ارقامهم على النت" حيفيدوك دى القري المحترمه اللى اعرفها ولكن للامانه لم اتعامل معهم تعامل مباشر فى الشراء "اشتريت فى قريه عايده "بحكم المبلغ .
عندك قريه سمعتها جيده جدا ولكن اسعارها مقدرش افيدك فيها زى كرير "القوات المسلحه" وحتستمتع لو قدرت تاخد فيها .
واذا افتكرت حاجه تانى حقولك وياريت تتأكد من الاسعار بالتليفون قبل متروح لانى بقالى فتره مسألتش وات عارف الاسعار مش مضمونه.
تحياتى