عرض للطباعة
السلام عليكم يا شباب
كنت محتاج مساعدتكو دلوقتى انا معاى دايو لانوس موديل 2000 اوتوماتيك ماشيه حوالى 116 الف كيلو
العربيه بقاله اسبوع كده بحس انها بتترج لما ابقى واقف مثلا فى زحمه او لسه بسخن العربيه يعنى تبقى عاديه و فجاه تترج و ترجع عاديه و تترج تانى و هكذا لكن لو ماشى بيها عادى جدا ولا فيها حاجه المشكله بتظهر فى الوقفه اكن فى حاجه بتتهبد كده
ده ممكن يكون ايه المشكله؟؟مع العلم لسه عامله صيانه من حوالى 1000 كيلو مغير سيور و زيوت و كانت تمام معرفش بقى ايه الى حصلها
راجع علي
1 - تنظيف بوابة وايديل
2 - بوجيهات واسلاكها
3 - لزوجة الزيت الي انتا لسه مغيره
هي حاجة خاصة بالكهرباء المغزية للموتور موبينا حساس بوابة او البوابة بتاعة البنزين
بسيطة بس اكشف عند حد فاهم
الامر انشاء الله بسيط , بس ممكن حضرتك تكلمنى والعربيه سخنه وانت واقف , وانا هاساعدك تراجع عليها فى التليفون ,
هى انشاء الله حساس الأيديال , وده عيب اصلا فى الموديل ده عشان انا معاى واحده (بس ماتغيرووش على طول) نجرب الأول مع بعض
1-معلش انا دى اول عربيه ليا ايه البوابه و الايدل دول؟؟و اراجع على تنضيفهم ازاى؟اقتباس:
المشاركة الأصلية كتبت بواسطة tarek_2005
2-البوجيهات لسه مغيرها بردع من حوالى 1000 كيلو و مفيش فيهم مشاكل و الاسلاك اراجع عليهم ازاى يعنى ازاى اعرف انه السلك بايظ
3-لزوجه الزيت ازاى اعرفها ؟؟
معلش بقى لسه جديد فى السواقه
طيب الحاجات دى المفروض اروح عند مين يكشفلى عليهم؟؟اقتباس:
المشاركة الأصلية كتبت بواسطة thebutcherr
طيب هو ايه حساس الايديال ده؟؟و ايه وظيفته؟؟اقتباس:
المشاركة الأصلية كتبت بواسطة moe gawad
غير سلوك البوجيهات وهتنتهى المشكله
احتمال العربيه متلته وشغاله على 3 بوجيهات
طيب و انا اعرف ازاى انها على 3 ولا 4؟؟اقتباس:
المشاركة الأصلية كتبت بواسطة j a g u a r
بينكشف عليها عند مركز صيانه او ميكانيكى وتشوف لو فى سلك بوجيه مش واصل او البوجيه بايظاقتباس:
المشاركة الأصلية كتبت بواسطة el tanna
البوابة (( خانق الموتور )) بتتحكم في كمية الهواء الداخلة للمانفولد موجودة شمال المانفولد وانتا واقف امام السيارة
حساس الايديل وحدة للتحكم في كمية الهواء الداخلة للموتور في وضع السلنسيه موجود في خلف البوابة من اعلي
قواعد الماتور ممكن تسبب رجة
حساس الايدال ده هو حساس تنظيم الهواء على السلانسيه ( مع عدد لفات الموتور )
وممكن يكون سلك بوجيهاات
لو حليت المشكله انشر الحل عشان الناس تستفيد من التجربه