عربيتى الـ128 بعد مجهود 5 شهور

**akmm** · 18-02-2014 01:31 PM

الف مبروك ..................

**kar!m** · 18-02-2014 01:55 PM

مش فهم انت سمكرت الأبوب و الرفارف ولا جبت استيراد

**M_SALLAM** · 19-02-2014 06:39 AM

باسم الله ما شاء الله تبارك الله العربية باين عليها النضافة ربنا يحفظهالك و يكفيك شرها .
بس التكلفة عالية جدا جدا جدا يعنى انت شاريها بـــــــ 10500 و صارف 13 يعنى العربية عاملة 23500 الف غير المجهود و تعب الصنايعية يعنى كنت ممكن تركب لادا 25 بحالة محترمة جدا جدا مفيهاش خربوش ..
حاول بقى تخلى العربية على الاقل 5 سنوات لأنك لو بعتها دلوقتى هتجيب 13 الف فقط يعنى المبلغ اللى اتصرف عليها فى العمرة و مبروك مرة تانية ...

**أبو إياد** · 19-02-2014 08:05 AM

المشاركة الأصلية كتبت بواسطة kar!m

مش فهم انت سمكرت الأبوب و الرفارف ولا جبت استيراد

الابواب استيراد ( باب السائق فقط كان فيه بارومه من تحت ) وده ينطبق تقريبا على كل الابواب الاستيراد
الرفارف انا اشتريت الداير الخلفى جديد هو والعتب

**أبو إياد** · 19-02-2014 08:18 AM

المشاركة الأصلية كتبت بواسطة M_SALLAM

باسم الله ما شاء الله تبارك الله العربية باين عليها النضافة ربنا يحفظهالك و يكفيك شرها .
بس التكلفة عالية جدا جدا جدا يعنى انت شاريها بـــــــ 10500 و صارف 13 يعنى العربية عاملة 23500 الف غير المجهود و تعب الصنايعية يعنى كنت ممكن تركب لادا 25 بحالة محترمة جدا جدا مفيهاش خربوش ..
حاول بقى تخلى العربية على الاقل 5 سنوات لأنك لو بعتها دلوقتى هتجيب 13 الف فقط يعنى المبلغ اللى اتصرف عليها فى العمرة و مبروك مرة تانية ...

وجهه نظر تحترم باردو
- لو قولنا ان التكلفه فعلا عاليه فانا متفق معاك لكن حقيقى فى المقابل العربيه الحمد لله تمام وبحاله جيده

- اما عن 23000ج هاتقسمهم على نقطتين اول نقطه وهى سعر العربيه ( 10500 ) وده طبعا مبلغ اتدفع دفعه واحده , النقطه التانيه هى 13000ج فالمبلغ ده اتصرف على مدار سنه من تاريخ شراء العربيه وكان اكبر مبلغ دفعته هو 1500ج بالبلدى حقيقى ماحسيتش بال 13000ج بس طبعا ده مايمنعش انى لازم احسبها علشان اعرف تكلفتها
فبالتالى انا مكانش معايا 23000ج دفعه واحده علشان ادفعهم فى عربيه هاتكون قديمه بالاضافه انها هاتحتاج مصاريف فوق المبلغ الاصلىة بتاعها

- اما عن المجهود والتعب وقرف الصنايعى ده بمجرد ما تشوف العربيه بالصوره المرضيه ليك بتنسى كل المجهود ده وبيتحول فعلا لسعاده خصوصا انك شاركت بايدك

- اعاده البيع صدقنى انا لو كان هدفى التجاره سامحنى استحاله كنت هاشتغل الفتره دى كلها فيها واستحاله كنت هاطلع العربيه كده علشان الفين ولا تلاته مكسب

- السعر اللى سمعته فيها وكان حقيقى وانا مارضيتش رغم انه كان مرضى جدا هاحتفظ بيه لنفسى

- يكفى انى راكب العربيه القديمه دى واولادى راكبين فيها معايا وانا متطمن لانى عملت اللى عليا واى حاجه تحصل من عند الله خير طبعا
- وبعدين انا حسبتها كده 128 احسن من المكروباص والتاكسى

باروح واجى بيها الشغل

وربنا يبارك فيك