ناويت اشترى اوبترا الاسبوع ده

**mohamed raslan** · 11-02-2014 10:42 PM

المشاركة الأصلية كتبت بواسطة ضى القمر

انا اعرف انها تطوير لتوبيرا

هيا فعلا كده

**mohamed raslan** · 11-02-2014 10:44 PM

المشاركة الأصلية كتبت بواسطة mostafa.mahran

عربية شغل و بهدلة بمعنى الكلمة

و ده هو اللى مشجعنى يا استاذ مصطفى

**mohamed raslan** · 11-02-2014 10:46 PM

المشاركة الأصلية كتبت بواسطة د.عماد صلاح

مفيش عربيه كامله او بلا عيوب ...انت دايما تشوف معاك كام واحتياجاتك ايه
انا هافترض ان معاك من 115 الي 125 الف وعايز تجيب عربيه
الصني جديد ...كماليات كتيره خاصه السوبر صالون لكن تقفيل داخلي وحش جدا وثبات تعبان واستهلاك بنزين مش ماشي مع عربيه 1500 سي سيي و مشكله الفرامل طبعا وان كان يقال انها اتحلت
البيجو 301 ....عربيه ممتازه و بلا عيوب تقريبا غير ان الفتيس محجم موتورها شويه و لسه ما اتجربتش كتير و قطع غيارها قليله شويه و مش عايزه بهدله و محدش بيشتغل فيها بره و لو عايز تجيبها ب 125 الف يبقي تحجز و تستني 3 اشهر علي الاقل و لو فوري 132 الف
السي اليزي نفس كلام البيجو بس معلهاش حجز كتير ومش منتشره عشان الناس خايفه من توكيلها بس عربيه محترمه
الريو تقفيل داخلي سئ و ضيقه من جوه و طبعا مفيش امان ولا كماليات و الاكسنت نفس الكلام
الاوبترا ....مفيش كماليات او امان
سريعه ثابته و عزمها خرافي ...فتيسها استجابته ممتازه و مالوش مشاكل و الفتيس والموتور فاهمين بعض كويس و بنهم قصه حب قديمه قوي ممكن من 2006 ..قطع غيار في كل حته حتي عند البقالين و الميكانيكيه عارفينها ..واسعه جدا و تقفيلها شيك جدا بالنسبه لكل اللي تم ذكرهم فوق ...استهلاك البنزين اللتر يعمل من 10 الي 11.5 كيلو تقريبا و صاج الكبوت و السقف ضعيف ..راي ان شكلها حلو و له هيبه
المقارنه اللي فاتت جبت علي اساسها اوبتر في 25 ..7.. 2013 ...و للامانه انا مبسوط و سعيد و العربيه ماشيه معقول و بيننا عشره و تفاهم كويس الوقتي ..نصيحتي هاتها

شكرا لحضرتك د. عماد انا فعلا فكرت ذى حضرتك الظبط

**waleedrahmy** · 11-02-2014 10:50 PM

المشاركة الأصلية كتبت بواسطة mohamed raslan

شكرا لحضرتك وفعلا انا كنت ناوى اجيب بيجو بس انا محتاج عربيه قطع غياره متوفرة ومحفوظه للمكانيكيه وفى نفس الوقت سعر اعاده البيع للاوبترا افضل .......على ما اعتقد والله اعلم

انا كنت واقع في نفس الحيرة
واشتريت اوبترا اتوماتيك في 15/11/2013
وهي فعلا عربية قوية واعتمادية واعادة سعر وقطع غيار منتشرة و...........الخ
وبتاعة شغل وبهدلة

**محمد اسلام** · 11-02-2014 11:09 PM

المشاركة الأصلية كتبت بواسطة mohamed raslan

شكرا لحضرتك بس انا مشكلتى مع الستروين فى اعاده البيع

انا رأيى ان الواحد بيشترى عربية جديدة علشان يركبها ويستمتع بيها مش علشان يبعها .... ومتهيألى ان الستروين سى اليزية هايكون ليها مستقبل فى مصر نظرا لامكانيتها وشكلها وسعرها ...

**shifo** · 12-02-2014 12:52 AM

سامحنى على رأيى المتواضع بس علشان خاطرى حرام تدفع فلوس فى عربية بدون اى وسائل امان على الرغم من انها حمالة اسية بس قولى ازاى عربية اليومين دول بدون :
ايموبلايزر - ايرباج - abs
وللاسف بنسمع عن سهولة سرقتها بدون مشاكل
ربنا الحافظ - لو قيت صنى الشكل القديم دى صفقة رابحه مقارنه بالاوبترا وتوكل على الله

**تامر.محمد** · 12-02-2014 01:16 AM

المشاركة الأصلية كتبت بواسطة shifo

سامحنى على رأيى المتواضع بس علشان خاطرى حرام تدفع فلوس فى عربية بدون اى وسائل امان على الرغم من انها حمالة اسية بس قولى ازاى عربية اليومين دول بدون :
ايموبلايزر - ايرباج - abs
وللاسف بنسمع عن سهولة سرقتها بدون مشاكل
ربنا الحافظ - لو قيت صنى الشكل القديم دى صفقة رابحه مقارنه بالاوبترا وتوكل على الله

+1111111

Sent from my GT-N7000 using Forum Runner

**mohamed raslan** · 12-02-2014 07:43 AM

المشاركة الأصلية كتبت بواسطة محمد اسلام

انا رأيى ان الواحد بيشترى عربية جديدة علشان يركبها ويستمتع بيها مش علشان يبعها .... ومتهيألى ان الستروين سى اليزية هايكون ليها مستقبل فى مصر نظرا لامكانيتها وشكلها وسعرها ...

احترم راى حضرتك بس هيا وجهات نظر ولولا اختلاف الاراء لبارت السلع