ناويت اشترى اوبترا الاسبوع ده

**mohamed raslan** · 11-02-2014 07:00 PM

ناويت اشترى اوبترا الاسبوع ده .......... سؤال لكل ملاكها؟؟؟

ايه رايكم فى العربيه من ناحيه العفشه والثبات والتحمل ...وبشكل عام هل العربيه تستاهل ثمنها المرتفع نسبيا ؟؟؟

**jojojojo** · 11-02-2014 07:36 PM

عربيه محترمه جدا واعتماديه جد جدا بس انا سمعت ان منزلش منها موديلات 2014 لو نزلت هاتها ومش هتندم واللي زيها برضه في الاعتماديه الصني الشكل القديم وتقريبا نفس السعر لو ملقيتش موديلات 2014 من الاوبترا هات الصني الشكل القديم وربنا يوفقك للخير

**محمد اسلام** · 11-02-2014 07:38 PM

على حد علمى الاوبترا حاليا ب 117.000 جنية ولا يوجد بها اى وسائل امان ( ايرباج او abs ) وشكلها تقليدى جدا ... انا برشح لحضرتك ستروين سى اليزية ... قوة ( 115 حصان ) وثبات وفخامة وتقفيل وخامات ممتازة وامان ( ايرباج و abs ) وشكل متميز وفرنساوى تقفيل اسبانى وبسعر 120.000 جنية
http://www.nilemotors.net/Nile/404042-a.html

**waleedrahmy** · 11-02-2014 07:43 PM

الاوبترا لو بكماليات البيجو301 سعرها حايعدي سعر البيجو بكثيررررررررررررررررررررر

**ضى القمر** · 11-02-2014 07:54 PM

انا اعرف انها تطوير لتوبيرا

**Mostafa.Mahran** · 11-02-2014 07:55 PM

عربية شغل و بهدلة بمعنى الكلمة

**د.عماد صلاح** · 11-02-2014 10:23 PM

مفيش عربيه كامله او بلا عيوب ...انت دايما تشوف معاك كام واحتياجاتك ايه
انا هافترض ان معاك من 115 الي 125 الف وعايز تجيب عربيه
الصني جديد ...كماليات كتيره خاصه السوبر صالون لكن تقفيل داخلي وحش جدا وثبات تعبان واستهلاك بنزين مش ماشي مع عربيه 1500 سي سيي و مشكله الفرامل طبعا وان كان يقال انها اتحلت
البيجو 301 ....عربيه ممتازه و بلا عيوب تقريبا غير ان الفتيس محجم موتورها شويه و لسه ما اتجربتش كتير و قطع غيارها قليله شويه و مش عايزه بهدله و محدش بيشتغل فيها بره و لو عايز تجيبها ب 125 الف يبقي تحجز و تستني 3 اشهر علي الاقل و لو فوري 132 الف
السي اليزي نفس كلام البيجو بس معلهاش حجز كتير ومش منتشره عشان الناس خايفه من توكيلها بس عربيه محترمه
الريو تقفيل داخلي سئ و ضيقه من جوه و طبعا مفيش امان ولا كماليات و الاكسنت نفس الكلام
الاوبترا ....مفيش كماليات او امان
سريعه ثابته و عزمها خرافي ...فتيسها استجابته ممتازه و مالوش مشاكل و الفتيس والموتور فاهمين بعض كويس و بنهم قصه حب قديمه قوي ممكن من 2006 ..قطع غيار في كل حته حتي عند البقالين و الميكانيكيه عارفينها ..واسعه جدا و تقفيلها شيك جدا بالنسبه لكل اللي تم ذكرهم فوق ...استهلاك البنزين اللتر يعمل من 10 الي 11.5 كيلو تقريبا و صاج الكبوت و السقف ضعيف ..راي ان شكلها حلو و له هيبه
المقارنه اللي فاتت جبت علي اساسها اوبتر في 25 ..7.. 2013 ...و للامانه انا مبسوط و سعيد و العربيه ماشيه معقول و بيننا عشره و تفاهم كويس الوقتي ..نصيحتي هاتها

**mohamed raslan** · 11-02-2014 10:36 PM

المشاركة الأصلية كتبت بواسطة محمد اسلام

على حد علمى الاوبترا حاليا ب 117.000 جنية ولا يوجد بها اى وسائل امان ( ايرباج او abs ) وشكلها تقليدى جدا ... انا برشح لحضرتك ستروين سى اليزية ... قوة ( 115 حصان ) وثبات وفخامة وتقفيل وخامات ممتازة وامان ( ايرباج و abs ) وشكل متميز وفرنساوى تقفيل اسبانى وبسعر 120.000 جنية
http://www.nilemotors.net/nile/404042-a.html

شكرا لحضرتك بس انا مشكلتى مع الستروين فى اعاده البيع

**mohamed raslan** · 11-02-2014 10:41 PM

المشاركة الأصلية كتبت بواسطة waleedrahmy

الاوبترا لو بكماليات البيجو301 سعرها حايعدي سعر البيجو بكثيررررررررررررررررررررر

شكرا لحضرتك وفعلا انا كنت ناوى اجيب بيجو بس انا محتاج عربيه قطع غياره متوفرة ومحفوظه للمكانيكيه وفى نفس الوقت سعر اعاده البيع للاوبترا افضل .......على ما اعتقد والله اعلم