حد يفيدنى ... اروح لمين بتاع فتيس اوتوماتيك

**ehabbasha30** · 11-02-2014 08:57 PM

السلام عليكم
عربيتى مازدا موديل 90 يعنى قديم .....يعنى لاحساسات ولا كونترولات ولا كمبيوترات
فتيس اوتوماتيك .... وعندى مشكلة بلف هواء عاوز يتغير
اروح لمين فاهم كويس فى الفتيسات يقدر يغيرهولى
هنا فى المنصورة فى واحد كويس اوى اوى بس المشكلة انى مش لاقى البلف
ياريت لو حد فى الحرفيين عشان الاقي قطع الغيار

**saddam** · 11-02-2014 11:39 PM

صديقي المواطن
بعد إذنك المازدا بتاعتك ال 90 هل هي 929 من غير قوايم ولا العادية عشان لو تفكر تبيع أشتري منك وأنا أعرف إزاي أصلحها وأرجع فتيسها زيرو وممكن أبعتك لكذا حد لو مش ناوي تبيع وأنا في خدمتك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**ehabbasha30** · 12-02-2014 08:27 AM

من المواطن ايهاب باشا الى صديقى صدام باشا نشكركم على حسن تعاونكم معنا والى اللقاء فى عمليات اخرى قادمة ههههههههههههههه
لا مؤاخذة دة بس اللى جة فى بالى وانا بقرأ رسالتك
انما بجد انا بشكرك على على ردك .... انا عربيتى 323 موديل 90
ملحوظة ... واضح انك بتحب العربيات وبتجمع عربيات .... ودى كمان هوايتى انا بعشق السيارات لكن للاسف معنديش امكانيات التجميع عشان كدة بغير كل فترة عربية .... لغاية دلوقتى غيرت حوالى 28 عربية
انا فقط محتاج فنى فتيس عشان يشتغل فى العربية واوعدك لو صادفت 929 بدون قوايم حالة نضيفة هبلغك على المنتدى هنا ان شاء الله .... لان العربية دى انا كمان بحبها جدا وكنت هشترى واحدة من فترة سوداء لكن للأسف لما كشفت عليها كانت حالتها مش حلوة وكانت محتاجة شغل كتييير اوى فى الصالون والمكنة والعفشة

**saddam** · 12-02-2014 11:19 AM

صديقي المواطن
حبعتك لعصام فتايس خبير في الحاجات القديمة وهو حيحل ويجيب كل حاجة وده مكانه يعتبر طريق صلاح سالم عند السيدة عيشة مقابل محطة بنزين موبيل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**ehabbasha30** · 12-02-2014 06:15 PM

حلو اوى اوى ..انا هكون يوم الجمعة ان شاء الله قريب من المكان دة... الف الف شكر
ياريت لو نمرة تليفونة كمان يبقى تمام
وكمان هل لو رحت وسألت علية من عند كوبرى السيدة عائشة هيدلونى ولا فى وصفة اسهل ؟؟؟؟
وهل مسألة قطع الغيار هتبقى سهلة عندة ولا هتبقى مشكلة عشان هو بعيد عن الحرفيين ؟؟؟؟

**akmm** · 16-03-2014 09:47 AM

المشاركة الأصلية كتبت بواسطة ehabbasha30

حلو اوى اوى ..انا هكون يوم الجمعة ان شاء الله قريب من المكان دة... الف الف شكر
ياريت لو نمرة تليفونة كمان يبقى تمام
وكمان هل لو رحت وسألت علية من عند كوبرى السيدة عائشة هيدلونى ولا فى وصفة اسهل ؟؟؟؟
وهل مسألة قطع الغيار هتبقى سهلة عندة ولا هتبقى مشكلة عشان هو بعيد عن الحرفيين ؟؟؟؟

متابع

**Nady12345** · 03-06-2014 08:44 PM

أنا عربيتى لانسر 91 أتوماتيك و عندى مشكلة فى الفيتيس ان العربية مش بتتحرك من وضع الثبات على ال d .. لازم اتحرك على ال l ال d بعد سرعة 20 كم تقوم تسحب عادى ... انا روحت لبتوع فيتيس اوماتيك فى المعادى بس محدش عرف يصلحه .. أرجو النصيحة