غرامة مش على البال لعفشة النوبيرا
السلام عليكم
كان عندي دربكة على خفيف في العفشة في النوبيرا
فقلت اكيد الجلب مع اني مغيرها من حوالي سنة gm
وكمان كان عندي صوت تزييق في الدركسون لما بلفه والعربية واقفة اولو لفيته على السلانسية
وكان عندي تعويمة خفيفة على السرعة فقولت اكيد من الجلب
المهم رحت للعفشجي
حل العفشة قالي المساعدين خفيفة اوي وكان فيه مساعد جايب زيت
وطلب بطاحات وبارات الطرف ومسمار الميزن
وجوز مساعدين
المهم جبت اربع مساعدين منرو من هشام لهيطة ب 1490 جندي
وجوز بطاحات gm f ب 220 جندي من عزيز سليمان(عند البنا ب 250 )
بارات الطرف ctr ب 90 من البا
مسمارين ميزان اصلي المفروض من البنا ب 140(مطبوع عليهم ctr)هما الاصلي ctr
المهم العفشجي قالي الجلب سليمة اللي انا رايح وعامل حسابي عليها اصلا
والصنايعي خد 80 جنية و15 للناس اللي معاه
انطباعي العربية بصراحة كانت ناعمة في المطبات والحتت المكسرة خصوصا اني بمشي في حتت مكسرة كتير
بعد التركيب مش قادر اركز العفشة ظبطت ولا لا لان العربية نشفت عن الاول وده عامل اصوات في العربية كلها لما بمشي في الحتت المكسرة دي ولسة ما جرتهاش في طريق مفتوح وسريع كل اللي مشيتة حوالى ك عبارة عن دبش اللي قبل الاسفلت ده
ودي تجربتي وانطاباعي حتى الان