ياااااااه الايام بتجرى تقريبا 8 شهور فاتوا من وقت استلامى لحبيبه قلبى أيمى و عملت 10 الاف كم تقريبا و جه الوقت نعمل تقرير يكون وافى للميزات و العيوب بعد ماخدنا وقت كويس للحكم عالعربيه...
اولا العيوب:
- قابلتنى مشكله فالترموستات و وقتها كنت لسه مكملتش الف كم و غيروها فالتوكيل بعد 3 اسابيع
- ساعات بيقابلك مواقف فشوارع ضيقه تتمنى لو العربيه مش عريضه كده
- الكراسى الناشفه و دى مع الوقت بقت مريحه جدا و مفيهاش مشكله
- العفشه الناشفه شويه وده عشان الثبات
- زيت الباور سىء جدا و هغيره و برضه زيت الفتيس
- البطاريه سائله و باظت و هغيرها فالصيانه ان شاء الله
- التقفيل
- مدى الريموت صغير فيه ناس بتشوفه ميزة و ناس بتشوفه عيب عشان كده هحطه فالاتنين
- نور الشبورة ضعيف و لا ليه لازمة
- الكلاكس صوته مش عاجبنى و دى اذواق
- الكاسيت مصرى سىء جدا و غيرته والسماعات الخلفية مالهاش لازمه
- التوكيل الى ظلم العربيه سواء فالتقفيل او فموضوع الصدأ
ثانيا المميزات:
- الفرامل القوية الى فعلا بتلحقك فمواقف كتير
- الصالون الواسع
- الانوار الامامية قوية و سهله الضبط
- السنسور الخلفى
- السحب كويس جدا رغم حجمها و بشد بيها و علمت عالعربيات كتير و عملت موضوع قبل كده
- بيركب عليها قطع غيار عربيات تانيه زى التويوتا
- مدى الريموت صغير فيه ناس بتشوفه ميزة و ناس بتشوفه عيب عشان كده هحطه فالاتنين
انطباعى:
الحمد لله راضى جدا عن العربيه و اداؤها و فعلا تمنها فيها مع وجود بعض العيوب زى اى عربيه و شركه جيلى فعلا اتقدمت كتير و لسه فيه موديلات نازله هتنافس الاوربى و الكورى و الى عايش فالخليج بيشوف الامجراند ديه ازاى منتشرة و طبعا ده مش سهل تقنع الخليج بعربيه صينى
