ربنا يبارك لك فيها و يحفظهالك .. كان عندكم بيجو 604 ياااه .. كان طول عمري نفسي أشوف واحدة راكب عليها فوانيسها الأصلية :-)
ربنا يبارك لك فيها و يحفظهالك .. كان عندكم بيجو 604 ياااه .. كان طول عمري نفسي أشوف واحدة راكب عليها فوانيسها الأصلية :-)
بص هقول لحضرتك على حاجه .. الأكسنت تتفوق في كل حاجه .. بس في حاجه اسمها الركوبة و جودة المنتج .. و ده مبيحسش بيه الا اللي كان معاه حاجه brand name و غير لحاجه تانية .. نفس الشعور مثلا لو حد كان معاه موبايل أي فون و جاب موبايل صيني أحدث .. أوبشنز كلها أفضل .. بس ممكن ميعرفش يمسكه يومين و بعدين يرميه .. و الموضوع ده بيختلف من شخص لاخر.
و أنا شخصيا معايا هيونداي .. ولا تقارن اطلاقا بالأوبل فيكترا أو الكورسا سيدان اللي كانوا معايا قبل كده .. مع انها أحدث عشر سنين .. بس أهي حاجه تؤدي الغرض .. و برضه دي حاجه مش أي حد يحسها.
الزميل عمر
ألف ألف مبروك السيارة الجديدة
أود أن اقول لك جملة بسيطة أكررها دائماً فى المنتدى وأنت عالم بها
ولكن ليس إلا للتذكرة
إقتنى بيجو ... إقتنى الذهب
ربنا يكرمكم وشكرا يا جماعة
وردا على موضوع الاكسنت 2014 rb فأنا للاسف مبحبهاش دخلت فى واحده السنه اللى فاتت من ورا وانا كان معايا 405 والاكصدام بتاعى حتى متخربش والعربيه ادمرت من ورا وهى مع واحد من الزملاء كان معاه اوبترا اداها لمراته وجاب الاكسنت وندم جدا كان بيقوللى مشاكل فى الجير بوكس والاتزان وانه ميقدرش يمش جنب عربية نقل العربيه بتعوم ورجع اخد الاوبترا من مراته اللى بيقول انها برقبت الاكسنت
إنى هاو انا مبحبش الكورى نهائى ولا عربية ركبتها فى السفر ال 1000 كيلو غير عربيتين التويوتا كورولا 2007 والبيجو 301 سافرت فى سيراتو كانت ليلة طين والانترا كانت لسه بشوكها 2014 وكان كل شويه السواق يقف يفتح الكبوت يهويها كانت بتسخن و اللوجان ام سى فى كانت معقولة الانسر ضيقه اكمن صاحبكم طويل حبتين 190 سم مكونتش بستريح فيها وايه تانى يا عم عمرو اه الفيرنا ودى كانت اسواء ركوبة على الاطلاق والنيسان صنى كانت طلقة بس تحس ان الثبات تعبان كمان ضيقة جدا عايز اقولك عايز تعرف ثبات العربيه كويس ولا لا لازم تسوق عربيتك فى راس غارب وتشوف دوامات الهوا حتعمل فيها ايه وبعد ده كله اهم حاجه انك تحس انك وعيلتك فى امان مش راكب برطمان طماطم فى اى حادثه تعرض حياتك للخطر - المهم الناس تبقى مبسوطة بأختيارها ونقول للى كان حظه سئ واستلم عربيه فيها عيب ربنا يعوضك عنها خير وتتصلح ان شاء الله
السلام عليكم
ربنا يباركلك فيها ويديك خيرها ويكفيك شرها ويستر طريقك
تحياتي لصاحب الموضوع الذي تحلى بالحيادية في مداخلته و لم يجنح للمبالغات المقيتة
تقبل تهنئتي
و كنت احب ان استجلي منك القول الفصل في عفشة السيارة، فهناك من قال انها في غاية النعومة و هناك من قال غير ذلك
ربنا يباركلك فيها ويعطيك خيرها ويكفيك شرها
اتفرج يا باشا وصدقني الحل ده مثالي :-D:-D
http://m.youtube.com/watch?v=gUEbzexS1K0