وعليكم السلام ورحمة الله وبركاته
الصور جميلة ما شاء الله والزوايا كويسة
بس كاميرا الموبايل مهما كان نوعه لا تغني طبعا عن الكاميرات الاحترافية ومينفعش تدخل بالصور دي مسابقات "احترافية" ولا طباعتها بجودة عالية لأن الصور دي لما بتكبر بتبكسل وبتبقى مشوشة وبالتالي مش هتنفع غير على الإنترنت بأحجام متوسطة يعني مثلا لا تزيد عن 1000 بكسل علشان متفقدش جودتها ونقائها زائد إن كاميرات الموبايل مفيهاش Optical Zoom علشان كده كلما زاد الأوبتيكال زوم في الكاميرات الاحترافية كلما زاد سعرها وكلما كانت أفضل
أما بخصوص كاميرات الموبايلات فأنا رأيي الشخصي إن كاميرا الآيفون أفضل من السامسونج وأنا كان معايا آيفون ومعايا حاليا سامسونج نوت 3 وكانت صور كاميرا الآيفون رائعة من ناحية الألوان والإضاءة مع العلم أنها كانت 8 ميجا والنوت 3 الكاميرا 13 ميجا لكن طبعا جودة الكاميرات مش بتحسب بالميجا بكسل
المفضلات