-
بيجو 301 ؟؟؟!!!
بيجو 301 عربيه جميله انيقه وقويه من اراء المستخدمين وتستاهل فلوسها ......... لكن تيجى تقول لواحد انا ناويت اشترى عربيه جديده يقولك هتجيب ايه ... تقوله بيجو 301 .......... يرد ويقولك مش هتعرف تبيعها او سعر اعاده البيع وحش !!!!!!!!!!
يريت نعرف راى الساده الاعضاء فى الموضوع ده ؟؟؟!!!!
-
انت هتشترى عربيه زيرو و غالبا هتقعد معاك فتره مش قليله يعنى متفكرش فى اعاده بيع دلوقتى
و العربيه دى بالذات هتعمل سعر اعاده بيع جيد جدا لانها امكانيات حلوه و سعر معقول و محبوبه و انتشرت بشكل كبير و لسه كمان هتنتشر اكتر
-
متسمعش كلام الناس فحاجه عجباك اتكل علي الله وهاتها
سعرها اقل من منافسينها كتير واوبشن اعلي واسباني وتحمل اسم بيجو والتوكيل بتاعها عامل شغل حلو وليه مستقبل باذن الله فبعد فتره حتلاقي العربيه دي غليت اكتر
من الاخر صفقه حلوه صلي استخاره واتكل علي الله
-
من وجهة نظري اختار عربية انت مقتنع بيها .. ويكون صيانتها سهله ةقطع غيارها متوفرة .. وبعد كده فكر في سعر البيع .. او من الاخر اشتري عربية كل الشعب راكبها زي اللانوس والفيرنا والاكسنت .. او الالنترا والسيراتو .. علشان لما تفكر تبيعها متخسرش فيها كتير (تفكير خاطئ طبعا)
-
صديقي المواطن
كلام من شار عليك قولا واحدا صح لكن إمته
الكلام ده قبل 2012 من 2012 وطالع بقه السوق لبيجو 301 ثم فلوانس اﻹثنين بينتشروا وقطع غيارهم بتيجي تباعا وسعر إعادة البيع كل يوم بيتحسن عن اليوم الذي بعده ثم حضرتك هي لو مكانش عندها حاجة محترمة شدتك تقدمهالك مكانتش خلتك تفكر فيها أصلا وتبقه محتار ومجرد تحيرك فده نجاح للسيارة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
-
شكرا لنصائح حضراتكم الجميله وباذن الله هعمل بيها
-
انا مع كلام صدام بيه
لو العربيه مكنتش شدتك مكنتش قارنتها مع اى من اللى منتشره فى السوق
و مدام عجباك اتوكل على الله و البيجو داخل يحتل اسواق كتير و بإهتمام الايام دى .. و شوف انتشار العربيه اللى الناس بتخاف منها علشان بيجو و علشان فرنساوى بقى عامل ازاى ... و لسه حجز عليها فى التوكيل قد ايه .. اكيد انتشار ممتاز .. فمتقلقش من مستقبلها
و يا فندم انت بتشترى عربيه جديده .. زيرو على الاقل مش حتغير قبل سنتين .. مين عارف ايه اللى ممكن يحصل فيهم :)
نصيحه اشترى اللى يعجبك
انا عملت كده و اشتريت 301 هاى لاين :)
Content Relevant URLs by
vBSEO 3.6.0 PL2